«دەنساۋلىق جولى» ۇلتتىق باعدارلاماسىن جۇزەگە اسىرۋ شەڭبەرىندە 2019 جىلدىڭ 19 تامىزى مەن 30 تامىز ارالىعىندا جامبىل وبلىسى اكىمدىگى دەنساۋلىق ساقتاۋ باسقارماسى مەن وبلىس بويىنشا سالاۋاتتى ءومىر سالتى جۇمىستارىنا باعىتتالعان «زەر-كۇمىس» جاۋاپكەرشىلىگى شەكتەۋلى سەرىكتەستىگىنىڭ ۇيىمداستىرۋىمەن اقپاراتتىق- كوممۋنيكاسيالىق اكسياسى وتكىزىلۋدە دەپ جازادى Qamshy.kz اقپارات اگەنتتىگى. 

اكسيا تاعامداردىڭ قۇرامىنداعى تۇز، قانت، مايلارى كوپ ازىق- تۇلىكتەردى تۇتىنۋدى شەكتەۋ نەمەسە باس تارتۋ تۋرالى اقپاراتتاندىرۋ ارقىلى حالىق دەنساۋلىعىن ساقتاۋ مەن نىعايتۋ، دەنەنىڭ ارتىق سالماعى مەن سەمىزدىكتىڭ ءقاۋپىن ازايتۋ جانە جەتكىلىكتى دەنە بەلسەندىلىگىن ناسيحاتتاۋعا باعىتتالعان.

وسىعان وراي، تاراز قالاسىندا باۋىرجان مومىش ۇلى اتىنداعى «جەڭىس» ساياباعىندا «دەنساۋلىق جولى» اتتى اكسياسىنىڭ باستالۋىنا ارنالعان سالتاناتتى جيىن ءوتتى. وندا وبلىستىق دەنساۋلىق ساقتاۋ باسقارماسى قوعامدىق دەنساۋلىق ساقتاۋ ءبولىمىنىڭ باسشىسى گاۋحار دوسمايلوۆا الاڭدا جينالعان تۇرعىنداردى اكسيانىڭ اشىلۋىمەن قۇتتىقتاپ، قۇرامىندا كارديولوگ، ەندوكرينولوگ، ونكولوگ، وكۋليست، گينەكولوگ، نيەۆروپاتولوگ جانە «زەرە - كۇمىس» ج ش س ماماندارىنان قۇرىلعان ءموبيلدى مەديسينالىق بريگاداعا ساپارلارىنىڭ ءساتتى بولۋىن تىلەدى.

سالتاناتتى جيىندا جامبىل مەديسينالىق كوللەدجى بىلىمگەرلەرىنىڭ مەرەكەلىك كونسەرتى تۇرعىندارعا كەرەمەت كوڭىل-كۇي سىيلادى.

بايزاق اۋدانىنان باستالاتىن اكسيا، وبلىستىق بارلىق 10 اۋدانىن قامتيتىن بولادى. شارا بارىسىندا دارىگەرلەر اۋداندارداعى ورتالىق الاڭدا اشىلعان شاعىن «مەديسينالىق قالاشىقتا» تۇرعىنداردىڭ قان قىسىمىن، قانداعى حولەستەرين دەڭگەيىن ولشەپ، جۇقپالى ەمەس اۋرۋلاردىڭ الدىن الۋ بويىنشا كەڭەستەر بەرەدى. قاجەتتىلىك تۋعان جاعدايدا تەكسەرىلۋگە كەلگەن تۇرعىنداردى دەنساۋلىعىنداعى كىناراتىنىڭ انىقتالۋىنا بايلانىس-تى وڭىردەگى ەمدەۋ مەن وڭالتۋ ورتالىقتارىنا جىبەرەدى.

شارا اياسىندا قالالىق جانە اۋىلدىق جەرلەردەگى شارالارمەن قاتار ۇلتتىق باعدارلاما وتكىزۋ كەزىندە تەراپيەۆت، كارديولوگيا، ەندوكرينولوگيا، ونكولوگيا قىزمەتى مەن سالاۋاتتى ءومىر سالتىن قالىپتاستىرۋ قىزمەتتەرىنىڭ ماماندارىن تارتۋ ارقىلى شالعايداعى اۋىلدىق اۋداندارعا كوشپەلى قوزعالمالى مەديسينا كەشەنى قىزمەت ەتەدى.