«قىستىڭ قامىن جاز ويلاعان» جامبىلدىقتار كوكتەمگى ەككەن ەگىنىن جيناۋ جۇمىستارىنا قىزۋ كىرىسىپ كەتكەن. بۇگىنگى تاڭدا ءبىرشاما جۇمىستى ەڭسەرگەن وبلىس ديقاندارى جىلداعىدان جوعارى ءونىم جيناۋعا نيەتتى دەپ جازادى Qamshy.kz اقپارات اگەنتتىگى. 

اتاپ ايتار بولساق، جامبىل وبلىسىندا 2019 جىلدىڭ ءونىمى ءۇشىن اۋىل شارۋاشىلىعى داقىلدارىنىڭ ەگىستىك كولەمى بارلىعى 687،1 مىڭ گەكتارعا ورنالاستىرىلدى، ونىڭ ىشىندە ءداندى جانە ءداندى بۇرشاقتى داقىلدار 352،4 مىڭ گەكتار، مايلى داقىلدار 60،9 مىڭ گەكتار، قانت قىزىلشاسى 5،6 مىڭ گەكتار، كارتوپ 10،1 مىڭ گەكتار، كوكونىس-باقشا داقىلدارى 66،3 مىڭ گەكتار، مال ازىعى داقىلدارى 207،3 مىڭ گەكتار. كورسەتكىش 2018 جىلمەن سالىستىرعاندا 18،6 مىڭ گەكتارعا ارتتى.

19 تامىزعا ءداندى ماساقتى داقىلدارى 331،3 مىڭ گەكتاردان ورىلىپ، بارلىعى 752،2 مىڭ توننا ءدان باستىرىلدى، ورتاشا ونىمدىلىگى گەكتاردان 22،7 سەنتنەردى قۇراپ وتىر، ەگىن وراعى جالعاسۋدا.

سونىمەن قاتار، 1،6 ملن. تونناعا استام پىشەن، 46،0 مىڭ توننا پىشەندەمە، 3،9 مىڭ توننا سۇرلەم جانە 105،9 مىڭ توننا سابان دايىندالدى، مال ازاعى دايىنداۋ جۇمىستارى جالعاسۋدا.

ەگىس القاپتارىن ارزانداتىلعان مينەرالدى تىڭايتقىشتارمەن قامتاماسىز ەتۋ ماقساتىندا جەرگىلىكتى بيۋدجەتتەن 1،0 ملرد. تەڭگە ءبولىندى. جوسپار بويىنشا 22،4 مىڭ توننا مينەرالدى تىڭايتقىشتاردى اۋىل شارۋاشىلىعى القاپتارىنا پايدالانىپ، جالپى ەگىستىك القاپتىڭ 22،0% قامتۋ جوسپارلانعان. 2019 جىلدىڭ 19 تامىزىنا اۋىل شارۋاشىلىعى قۇرىلىمدارى تاراپىنان 16،6 مىڭ تونناسى الىنىپ، اۋىل شارۋاشىلىعى داقىلدارىنا ەندىرۋدە جۇمىستار جالعاسۋدا.

ق ر ۇكىمەتى تاراپىنان جامبىل وبلىسىنىڭ ديحاندارىنا كۇزگى جيناۋ جانە ەگىس دالا جۇمىستارىن جۇرگىزۋ ءۇشىن 16200 توننا كەپىلدەندىرىلگەنديزەل وتىنى بولىنگەن. ونىڭ شىلدە ايىنا 5800 توننا، تامىز ايىنا 3300 توننا، قىركۇيەك ايىنا 3700 توننا جانە قازان ايىنا 3400 توننا.

2020 جىلدىڭ ونىمىنە ءسۇر كوتەرۋ شارالارى وبلىس بويىنشا 97،9 مىڭ گەكتار القاپقا جوسپارلانسا، ناقتى كوتەرىلگەنى 99،5 مىڭ گەكتار نەمەسە 101،7 پايىز. ءبىرىنشى وڭدەلگەنى 99،5 مىڭ گەكتار، 100 پايىزدى، ەكىنشى وڭدەلگەنى 97،3 مىڭ گەكتار، 97،7 پايىزدى جانە ءۇشىنشى وڭدەلگەنى 33،6 مىڭ گا 33،8 پايىزدى قۇراپ وتىر. اعىمداعى جىلى 6043 گەكتار القاپتاعى پارعا حيميالىق وڭدەۋ جۇمىستارى اتقارىلدى.

كوكتەمگى جانە كۇزگى دالا جۇمىستارىن قارجىلاندىرۋ ماقساتىندا، جامبىل وبلىستىق «اگرارلىق كرەديتتىك كورپوراسياسى» اق-ى ارقىلى «كەڭ

دالا» باعدارلاماسى بويىنشا، 43 اۋىل شارۋاشىلىعى قۇرىلىمدارىنان 363،1 ملن. تەڭگەگە ءوتىنىم ءتۇسىپ، تاراتىلدى.

سونىمەن قاتار، جامبىل وبلىسىتىق «اۋىلشارۋاشىلىعىن قارجىلاي قولداۋ قورى» اق-ى ارقىلى «ەگىنجاي» باعدارلاماسى بويىنشا 2 شارۋاشىلىققا 10،0 ملن تەڭگە قارجىلاندىرىلىپ وتىر.