اۋليەاتا ءوڭىرىنىڭ اسىراۋشى سالاسى بولىپ سانالاتىن اۋىل شارۋاشىلىعىنا جىل وتكەن سايىن قولداۋ كولەمى ارتىپ كەلەدى. ناتيجەسىندە، ايماقتا ەگىس القاپتارىنىڭ اۋدانى ارتىپ، مال باسى دا ەسەلەنىپ كەلەدى. تيىسىنشە، ءتورت تۇلىكتەن الىناتىن ءونىم دە ۇلعايۋدا. وبلىستا اسىرەسە، ەت ەكسپورتىنا دەن قويىلۋدا دەپ جازادى Qamshy.kz اقپارات اگەنتتىگى. 

قازاقستان رەسپۋبليكاسى اۋىل شارۋاشىلىعى مينيسترلىگىنىڭ تاپسىرماسىنا سايكەس 2018 جىلى جامبىل وبلىسى بويىنشا 1 مىڭ توننا سيىر جانە 1،5 مىڭ توننا قوي ەتى ەكسپورتقا شىعارىلۋى ءتيىس بولسا، ەسەپتى كەزەڭدە وبلىستاعى تاۋاروندىرۋشىلەر ەكسپورتقا بارلىعى 1 014،1 توننا سيىر جانە 1 659،1 توننا قوي ەتىن شىعاردى. سيىر ەتىن ەكسپورتتاۋ بويىنشا مەموراندۋمدا بەلگىلەنگەن كورسەتكىشتىڭ ورىندالۋى 101،4 %، قوي ەتى ەكسپورتى بويىنشا 109،1 % قۇرادى. 2019 جىلعا بەكىتىلگەن جوسپارعا سايكەس وبلىستان 1500 توننا سيىر ەتى ەكسپورتقا شىعارىلۋى ءتيىس. اعىمداعى جىل باسىنان بەرى تاۋاروندىرۋشىلەر 862،7 توننا سيىر ەتىن ەكسپورتقا شىعارىپ، جوسپاردىڭ ورىندالۋى 57،5 پايىزدى قۇرادى. سونىمەن بىرگە 671،2 توننا قوي ەتى ەكسپورتتالىپ جوسپاردىڭ ورىندالۋى 33،6 % قۇرادى.

نەگىزگى ەكسپورتتاۋشىلار قاتارىندا ەكسپورتقا باعىتتالعان دامىعان تەحنولوگيالى بورداقىلاۋ الاڭدارى جانە كلاستەر قۇرامىنداعى «وڭتۇستىك حالال تاعامدارى» ءجشس-ى، مەركى اۋدانىندا «مەركى ەت كومبيناتى» ج ش س، قورداي اۋدانىنداعى «پەرۆومايسكيە دەليكاتەسى ج ش س» ەت كومبيناتتارىبولدى.ەت ونىمدەرىنىڭ نەگىزگى بولىگى يران يسلام رەسپۋبليكاسى، باحرەين كارولدىگى، كۋۆەيت مەملەكەتىنە ەكسپورتتالدى.

وسى كاسىپورىنداردىڭ جۇكتەلىمىن ارتتىرۋ ارقىلى الداعى ۋاقىتتا ەتتى ەكسپورتتاۋ ديناميكاسىن ارتتىرۋ جوسپارلانۋدا. باعدارلاما اياسىندا قولداعى مالدىڭ ونىمدىلىگىن ارتتىرۋ ماقساتىندا ەت باعىتىنا تۇقىمدىق تۇرلەندىرۋ جۇمىسى قولعا الىندى. جىل بويى تۇقىمدىق تۇرلەندىرۋگە ءمىق مالىنىڭ 65،5 مىڭ انالىق باسى تارتىلىپ، جوسپاردىڭ ورىندالۋى 102،3 % قۇرادى.

وبلىستا قۇس شارۋاشىلىعىن دامىتۋ بويىنشا كەشەندى شارالار اتقارىلۋدا. تاعامدىق جۇمىرتقا، ەتىن ءوندىرۋدى ارتتىرۋ ماقساتىندا«اسا دامۋ» ج ش س، «اۋليە-اتا فەنيكس» ج ش س قۇس فابريكالارى كەڭەيتۋ، مودەرنيزاسيادان وتۋدە. بايزاق اۋدانىندا «اللەل اگرو» ج ش س قۇس فابريكاسىن ىسكە قوسۋ جۇمىستارى جالعاسىن تابۋدا.وسى شارالاردىڭ ارقاسىندا وبلىستا وندىرىلەتىن قۇس ەتىنىڭ كولەمى 2 ەسەگە ارتادى دەپ كۇتىلۋدە، اعىمداعى جىلدىڭ وزىندە 224،7 توننا قۇس ەتى ەكسپورتتالدى.

2019 جىلى مال شارۋاشىلىعىندامىتۋدا بىرنەشە ءىرى ينۆەستيسيالىق جوبالار ىسكە اسىرىلادى.

قورداي اۋدانىندا «Kazmeat Kordai» ءجشس-نىڭ بورداقىلاۋ الاڭى قايتا قۇرۋ ارقىلى جىلىنا 8،0 مىڭ باس ءمىق بورداقىلاۋعا قاۋقارلى ءىرى كەشەنگە اينالادى.

جامبىل وبلىسى بويىنشا، 2019 جىلعا اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى قولداۋ باعدارلاماسىنا 3،65 ملرد. تەڭگە ءبولىنىپ تولىق يگەرىلدى.