جامبىل وبلىسىندا مال شارۋاشىلىعىن دامىتۋعا باس نازار اۋدارىلىپ كەلەدى. وسىعان وراي، جۇرگىزىلگەن جۇمىستار ناتيجەسىن بەرىپ، ايماقتا مال باسى ارتىپ وتىر دەپ جازادى Qamshy.kz اقپارات اگەنتتىگى. 

2019 جىلدىڭ 1 تامىزىنا وبلىستاعى بارلىقساناتتاعى شارۋاشىلىقتاردا ءتىرى سالماقتا 60 981،8 توننا ەت ءوندىرىلىپ، 2018 جىلدىڭ وسى كەزەڭىمەن سالىستىرعاندا 1 903،6 تونناعا نەمەسە 3،2 پايىزعا ارتتى.بارلىق ساناتاعى شارۋاشىلىقتاردا 182 581،2 توننا ءسۇت ءوندىرىلىپ، الدىڭعى جىلمەن سالىستىرعاندا 5 136،8 تونناعا، ياعني 2،9 پايىزعا ءوستى. اعىمداعى جىلدىڭ 7 ايىندا 76 543،6 مىڭ دانا تاعامدىق جۇمىرتقا ءوندىرىلىپ، وتكەن جىلعا قاراعاندا 8،5 پايىزعا ارتتى. شارۋاشىلىق سۋبەكتىلەرىندە 5 016،7 توننا ءجۇن ءوندىرىلىپ، الدىنعى جىلعا قاراعاندا 2،3 پايىزعا ارتىق بولدى.

اعىمداعى جىلدىڭ وتكەن كەزەڭىندە اۋىل شارۋاشىلىعى مالدارىنىڭ بارلىق تۇرلەرى بويىنشا تۇراقتى ءوسۋ ديناميكاسى بايقالۋدا. اتاپ ايتقاندا، ءمۇيىزدى ءىرى قارانىڭ سانى 2019 جىلدىڭ 1 تامىزىنا 440 425 باستى قۇراپ، 2018 جىلمەن سالىستىرعاندا 29 079 باسقا ءوستى. سونىڭ ىشىندە سيىر سانى 187 369 باسقا جەتىپ، وتكەن جىلمەن سالىستىرعاندا 13 836 باسقا ياعني 8 پايىزعا ارتتى. قوي مەن ەشكى باس سانى 3 323 121 باسقا جەتىپ، 2018 جىلمەن سالىستىرعاندا 124 457 باسقا، ياعني 3،9 پايىزعا ءوستى. جىلقى سانى 2019 جىلدىڭ 1 شىلدەسىنە 141 904 باستى قۇراپ، 2018 جىلمەن سالىستىرعاندا 10 296 باسقا، ياعني 7،8 پايىزعا ءوستى. سونداي-اق، تۇيە باس سانى 7 405 باستى قۇرادى. 2018 جىلمەن سالىستىرعاندا 553 باسقا نەمەسە 8،1 پايىزعا كوبەيدى.

جامبىل وبلىسىندا 2018-2027 جىلدار ارالىعىندا ەتتى مال شارۋاشىلىعىن دامىتۋعا ارنالعان ۇزاق مەرزىمگە جوسپارلانعان سالالىق باعدارلاما قابىلدانىپ، ينديكاتيۆتى كورسەتكىشتەرى بەكىتىلدى. جالپى وسى باعدارلاما اياسىندا 2018-2027 جىلدار ارالىعىندا وبلىسقا الىس-جاقىن شەت ەلدەن 36،0 مىڭ باسقا جۋىق ءمىق مالىنىڭ انالىق باسىن ساتىپ الۋ جوسپارلانعان.

وتكەن جىلى «كازاگرو» ۇبح نەسيەلىك قارجى ينستيتۋتتارىنا ارقىلى 8208 باس ءمىق ساتىپ الۋعا 34 شارۋاشىلىقتان ءوتىنىم تۇسكەن، وسىدان 7818 باسقا ماقۇلدانىپ ناقتى 1 703 باس اكەلىندى. سونداي-اق، وسى باعدارلاما اياسىندا 77 تاۋاروندىرۋشىگە 948،6 ملن. تەڭگە نەسيە بەرىلىپ 32،2 مىڭ باس قوي ساتىپ الىندى، 2017 جىلى وسى باعدارلاما ارقىلى 18،4 مىڭ باس قوي ساتىپ الىنعان بولاتىن. اعىمداعى جىلى قارجى ۇيىمدارىنا وسى باعىت بويىنشا 4550 باس ءمىق ساتىپ الۋعا 37 ءوتىنىم ءتۇسىپ، ماقۇلدانعان (2104 باس) 26 ءوتىنىم بويىنشا 1694 باس ءمىق ساتىپ الۋعا 656،0 ملن.تەڭگە ءبولىندى.جىل باسىنان بەرى وبلىسقا 2912 باس ءمىق مالى الىپ كەلىندى.