ق ر 2015-2019 جىلدارعا ارنالعان مەملەكەتتىك يندۋستريالدى-يننوۆاسيالىق دامۋ باعدارلاماسىنىڭ بۇگىندە باعىتى ايقىن، جوسپارى جۇيەلى. وعان جامبىلدىق جۇرتشىلىق وعان ءجىتى كوز جەتكىزىپ، جاڭا نىسانداردىڭ قارىشتى قادامدارىنا قۋانۋدا. بۇل ارينە ەل ەكونوميكاسىنا جاسالعان ۇلكەن سەرپىن ەكەنى انىق. سوندىقتان جامبىل جاڭاشا جاڭارۋ ۇستىندە دەپ تولىق ايتۋعا نەگىز بار دەپ جازادى Qamshy.kz اقپارات اگەنتتىگى. جاسىرىپ قايتەيىك، بۇگىندە اۋليەاتا ءوڭىرى ءوندىرىس سالاسىنداعى الپاۋىتقا اينالدى. ءبىر عانا «قازفوسفات» ج ش س ورتا ازياداعى عانا ەمەس، كارى قۇرلىقتاعى تەڭدەسسىز كاسىپورىنعا اينالىپ وتىر. زاۋىت ءونىمى ەۋروپادان بولەك، تەڭىز اسىپ، كوپتەگەن مەملەكەتەتتەرگە شىعارىلۋدا. ودان بولەك تە جامبىل جەرىندە جاندانىپ جاتقان جوبالار از ەمەس. سونىڭ ءبىر لەگى قورداي اۋدانىندا تىنىسىن تابۋدا.
اتاپ ايتساق، مۇندا اۋماقتىق يندۋستريالاندىرۋ كارتاسىنا ەنگىزىلگەن جالپى جوبالىق قۇنى 49 ملرد. 840 ملن. تەڭگەنى قۇرايتىن 6 جوبا ىسكە اسۋدا. جوبالاردى ىسكە اسىرۋ بارىسىندا قۇرىلىس جۇمىستارى كەزىندە 510 جانە ىسكە قوسىلۋ كەزىندە 877 جاڭا جۇمىس ورىندارىن اشۋ جوسپارلانىپ وتىر.
ءبىرىنشىسى «اۋرۋم دويچلاند» ج ش س تاۋ-كەن مەتالۋرگيالىق كومبيناتىنىڭ قۇرىلىسى جانە قۇرامىندا التىنى بار كەندى يگەرۋ. بۇل ءوندىرىس ورنى مويىنقۇم اۋدانىنداعى اقباقاي كەن-بايىتۋ فابريكاسىنان كەم تۇسپەيدى دەپ كۇتىلۋدە.
ەكىنشىسى «بيو ۆەت Kز» ج ش س ۆەتەرينارلىق پرەپارات ءوندىرۋ بيوكومبيناتىنىڭ قۇرىلىسى. بۇل جوبانى دا جانداندىرۋ تالاي جىلدان بەرى ايتىلىپ كەلگەن بولاتىن. ەندى مىنە جوسپار جۇزەگە اسۋدا.
ءۇشىنشىسى «الاتاۋ قورداي» ج ش س 75 پايىزدىق التىن-كۇمىس كونسەنتراتىن شىعارۋ كىشى زاۋىتىنىڭ قۇرىلىسى. بۇل زاۋىتتىڭ دا بۇقاراعا بەرەرى مول ەكەنىن ەل جاقسى بىلەدى.
قورداي اۋدانىندا جىلىجاي قۇرىلىسى دا نازاردان تىس قالماۋدا. ال «گرينۆيلل» ج ش س زاماناۋي جىلىجايىنىڭ ورنى بولەك. وندا جاڭا تەحنولوگيالار جانە اكۆاپونيكا جۇيەسىن قولدانۋ ارقىلى بالىق جانە سالات جاپىراقتارىن ءوسىرۋ كوزدەلۋدە.
اۋداندا «قورداي ءسۇت ءونىمى» ج ش س بالمۇزداق شىعاراتىن سەحىن كەڭەيتۋ ينۆەستيسيالىق جوباسى دا جۇزەگە اسۋدا. بۇعان دەيىن تەك ايران، قايماق، ىرىمشىك، قۇرت سىندى ءسۇت ونىمدەرىن شىعارىپ كەلگەن قوردايلىقتار كاسىپكەرلەر ەندى بالمۇزداق ءوندىرىسىن دە قولعا الىپ، تۇرعىندارعا تەڭدەسسىز تارتۋ جاساماق.
«قورداي كورم» اوك – ءوندىرىستى كەڭەيتۋگە قۇراما-جەم وندىرەتىن جاڭا قوندىرعى ەنگىزۋ جوباسى دا جولعا قويىلىپ وتىر. نەگىزگى كۇن كورىسى مال شارۋاشىلىعى بولىپ تابىلاتىن قوردايلىقتار ءۇشىن بۇل ءوندىرىس ورنىنىڭ دا بەرەرى مول ەكەنى داۋسىز.
مىنە، وسىلايشا جامبىلدىقتار جاھاندىق داۋىرگە جاڭا قارقىنمەن كەلۋدە. اتالعان ءاربىر ءوندىرىس ورنىنىڭ جەمىسى كەلەر ۇرپاققا ەسەلەنىپ كەلەتىنى داۋسىز.
پىكىر قالدىرۋ