جامبىل وبلىسى قورداي اۋدانىندا اعىمداعى جىلدىڭ قاڭتار-ماۋسىم ايلارىندا بولجامعا سايكەس نەگىزگى كاپيتالعا سالىنعان ينۆەستيسيا كولەمى 8713،9 (7974،5) ملن.تەڭگەنى نەمەسە ناقتى كولەم يندەكسى 107،1% قۇرادى دەپ جازادى Qamshy.kz اقپارات اگەنتتىگى. ونىڭ ىشىندە بيۋدجەت ەسەبىنەن 392،8 ملن.تەڭگە تەڭگە نەمەسە 4،5%، سونداي-اق، شاعىن جانە ورتا بيزنەس سۋبەكتىلەرىنىڭ ءوز قاراجاتى مەن قارىز قاراجاتى ەسەبىنەن 8321،1 ملن.تەڭگە نەمەسە 95،5 پايىز. جامبىل وبلىسى اكىمى مەن اۋدان اكىمى اراسىنداعى بەكىتىلگەن مەجەگە سايكەس ينديكاتور 5،1 پايىزعا ورىندالماي وتىر.
جىل سوڭىنا دەيىن اۋدانعا قوماقتى ينۆەستيسيا اۆتوموبيل جولدارى كوميتەتى وتار-ۇزىناعاش جول قۇرىلىسىنا 1991،2 ملن. تەڭگە، اۋداندىق قۇرىلىس بولىمىمەن 1040،1 ملن. تەڭگەگە قاسىق ا/و سۋ قۇبىرى، سولتۇستىك شىعىس تۇرعىن ماسسيۆتەرىنە سۋ قۇبىرى، جول، كوپىر جانە جسق دايىنداۋ جوسپارلانۋدا. جەكە قاراجات ەسەبىنەن قوماقتى ينۆەستيسيا «اۋرۋم دويچلاند» ج ش س 2170،6 ملن. تەڭگە، «BioVet KZ» ج ش س 2500 ملن. تەڭگە، «تەنير لوگيستيك» ج ش س 2103،9 ملن. تەڭگە جانە شاعىن جانە ورتا بيزنەس سۋبەكتىلەرىنىڭ كوممەرسيالىق نىساندارىن زاڭداستىرۋ ەسەبىنەن ينديكاتورعا قول جەتكىزۋ جوسپارلانۋدا.
2019 جىلدىڭ 6 ايىندا ميكروقارجى ۇيىمدارى ارقىلى 1048 كاسىپكەرلىك سۋبەكتىلەرىنە 773،2 ملن. تەڭگە نەسيە بەرىلدى:
- «كمف» ءجشس-ى ارقىلى 1028 ازاماتقا 590،7 ملن تەڭگە كولەمىندە نەسيە بەرىلدى.
- «قورداي» نەسيە سەرىكتەستىگى» ءجشس-ى 20 شارۋا قوجالىقتارىنا 182،5 ملن. تەڭگە كولەمىندە نەسيە بەرىلدى.
«باستاۋ بيزنەس» كاسىپكەرلىك نەگىزىندە 135 ادام وقىتۋ جوسپارلانۋدا، قازىرگى تاڭدا 57 ادام وقىتىلۋدا.
«بەرەكە 3» باعدارلاماسى بويىنشا اعىمدى جىلى «كۋليكوۆ ي ك» ءجشس-ى اينالىم كاپيتالىن قارجىلاندىرۋعا 50،0 ملن. تەڭگە نەسيە الدى.
ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا 125 ادامعا نەسيە بەرۋ جوسپارلانۋدا.
اۋدان اكىمدىگىنىڭ كاسىپكەرلىك، ونەركاسىپ جانە تۋريزم ءبولىمى مەن اۋىلدىق وكرۋگ اكىمدەرىنىڭ بىرلەسكەن جۇمىستارىنىڭ ناتيجەسىندە 2018 جىلى اۋدان بويىنشا جۇمىس ىستەپ تۇرعان جانە جاڭادان اشىلعان كوممەرسيالىق نىساندارعا زەردەلەۋ جۇمىستارى جۇرگىزىلىپ، 78 كوممەرسيالىق نىسان انىقتالدى. انىقتالعان نىسانداردىڭ مەملەكەتتىك قابىلداۋ اكتىلەرى زاڭداستىرىلىپ، قوسىمشا 3439،3 ملن. تەڭگەگە ينۆەستيسيا تارتىلدى. ونىڭ ىشىندە 21 دۇكەن، 12 قويما، 2 شاشتاراز، 10 كافە، 2 قوناق ءۇي، 8 مال بورداقىلاۋ الاڭى، 10 بالاباقشا، 4 تەحنيكالىق جوندەۋ ورتالىعى، 2 اكىمشىلىك عيمارات، 1 شاعىن بازار، 1 شاعىن فۋتبول الاڭى، 1 امبۋلاتوريا، 1 مۋزەي، 2 ۆەتەرينارلىق پۋنكت جانە 1 جانارماي ستانساسى بار.
پىكىر قالدىرۋ