ەلىمىزدە سوڭعى جيىرما جىلدىڭ بەدەرىندە قۇرىلىس سالاسى ايرىقشا قارقىن العانى بەلگىلى. ال قۇرىلىس ەل ەكونوميكاسىنىڭ نەگىزى عانا ەمەس، تۇرعىنداردىڭ تۇرمىسىن تۇزەۋگە باعىتتالعان باعدار ەكەنى دە داۋسىز. اۋليەاتا وڭىرىندە دە قۇرىلىس سالاسىندا تەتىگىن تاپقان تىرىلكتەر از ەمەس دەپ جازادى Qamshy.kz اقپارات اگەنتتىگى. قورداي اۋدانىنداعى الەۋمەتتىك، مادەني نىسانداردىڭ ساپالى بوي كوتەرۋى قۇرىلىس سالاسىندا اتقارىلعان وڭدى ىستەردىڭ ناتيجەسى. 2019 جىلدىڭ قاڭتار-ماۋسىم ايلارىندا قۇرىلىس جۇمىستارىنىڭ كولەمى 4008،8 (6704،2) ميلليون تەڭگەنى نەمەسە ناقتى كولەم يندەكسى 58،73 ورىندالۋى بولجامدا. كورسەتكىشتىڭ ورىندالماۋ سەبەبى، 2018 جىلى بيۋدجەت ەسەبىنەن ءىرى قۇرىلىس جۇمىستارىنىڭ اياقتالۋى، ال اعىمدى جىلى ءىرى ينۆەستيسيالىق جوبالار جوق. ورىندالعان قۇرىلىس كولەمى 80 پايىزعا جەكەمەنشىك ەسەبىنەن قۇرايدى.

بەكىتىلگەن مەجە كەلەتىن بولساق اعىمدى جىلدىڭ 1 جارتىجىلدىقتا قۇرىلىس جۇمىستارىنىڭ كولەمى 2500،0 ميلليون تەڭگەگە جوسپارلانىپ، جوسپار 160،3 پايىزعا ارتىق ورىندالدى.

«باستاۋىش، نەگىزگى ورتا جانە جالپى ورتا ءبىلىم بەرۋ وبەكتىلەرىن سالۋ جانە رەكونسترۋكسيالاۋ» باعدارلاماسى بويىنشا نوعايباي، قاراساي، ءسۋلۋتور، كۇنباتىس-2 جانە ارال اۋىلىنداعى ورتا مەكتەپتەردىڭ جوبالىق-سمەتالىق قۇجاتتامالارىن مەملەكەتتىك ساراپتامادان وتكىزۋ ءۇشىن اۋداندىق بيۋدجەت ەسەبىنەن 14،4 ميلليون تەڭگە قارجى قاراستىرىلعان.

وتار اۋىلىنداعى جاڭا تۇرعىن القابىنا ينجەنەرلىك-كوممۋنيكاسيالىق ينفراقۇرىلىمىنا ءاج-0،4 كۆ ەلەكتر جۇيەلەرىنىڭ جانە سۋ جۇيەلەرىنىڭ قۇرىلىسىنا جوبالىق-سمەتالىق قۇجاتتامالارىن ازىرلەۋگە 20،8 ميلليون تەڭگە ءبولىندى.

ءالجان انا اۋىلىنداعى سۋمەن جابدىقتاۋ جۇيەلەرى بويىنشا قۇرىلىس جۇمىستارىن اياقتاۋعا 251،1 ميلليون تەڭگە ءبولىندى (رب – 226،0 ملن.تگ؛ وب – 25،1 ملن.تگ). اياقتالۋ مەرزىمى 2019 جىلدىڭ تامىز ايىنىڭ سوڭى.

سونىمەن قاتار، 7 (مۋزبەل، اڭىراحاي، سارىباستاۋ، بەل، كۇنباتىس-2، نوعايباي، قاراساي) اۋىلدىق وكرۋگتىڭ ەگجەي-تەگجەيلى جوسپارلاۋ جوباسىمەن قوسا وڭتايلاندىرىلعان سىزباسىن ازىرلەۋ ءۇشىن 26،3 ميلليون تەڭگە جانە كورداي اۋىلىنداعى گرادكاداستر جوباسىن ەلەكتروندىق فورماتتا ازىرلەۋگە 13،5 ميلليون تەڭگە قاراجات قاراستىرىلعان.

اۋداندا بيىلعى جىلى ىسكە اسقان تاعى ءبىر يگى شارا قورداي اۋىلىنىڭ «باتىس» ىقشام اۋدانىنا ساياباق سالىنىپ، جەر كولەمى 7،4 گەكتار بولاتىن ساياباققا ناۋرىز ايىندا العاشقى اعاشتار وتىرعىزىلدى. سونداي-اق، قورداي اۋىلىندا اڭىراقاي كوشەسى مەن كەنەسارى كوشەلەرىنىڭ قيىلىسىندا جاڭادان بوي كوتەرگەن ارنا جاعالاۋى اشىلىپ، بۇگىندە اۋدان تۇرعىندارىنىڭ دەمالىس ورنىنا اينالىپ وتىر.

وسىلايشا قورداي اۋدانىندا قۇرىلىس قارقىن الىپ عانا قويماي، ەلباسى اناسىنىڭ ەسىمى بەرىلگەن ءالجان انا اۋىلى دا تاعى جاڭارا تۇسۋدە. بۇل ءسوز جوق جانعا جىلۋ بەرەتىن يگى ءىس.