وتكەن جىلى ەلباسى ن.ءا.نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋى ەل ەكونوميكاسىن ارتتىرۋعا، حالىقتىڭ ءال-اۋقاتى مەن تۇرمىس ساپاسىن جاقسارتۋعا قاتىستى ءبىرقاتار جاڭا مىندەتتەر جۇكتەگەنى بەلگىلى. وسى ورايدا جامبىل وبلىسى قورداي اۋدانىدا مەملەكەتتىك باعدارلامالار اياسىندا جىل باسىنان بەرى اتقارىلعان جۇمىستار از ەمەس دەپ جازادى Qamshy.kz اقپارات اگەنتتىگى. بيىلعى جىلى وبلىس اكىمى مەن اۋدان اكىمى اراسىندا 27 ينديكاتور، وبلىستىق باسقارمالار مەن اۋدان اكىمى اراسىندا 113 ينديكاتور جانە اۋدان اكىمى مەن اۋىلدىق وكرۋگ اكىمدەرى اراسىندا 19 ينديكاتور بويىنشا مەموراندۋم بەكتىلگەن. قازىرگى تاڭدا بارلىق ينديكاتورلار بويىنشا جوسپارلى جۇمىستار اتقارىلىپ، ورىندالۋى تۇراقتى باقىلاۋعا الىنعان.

ناتيجەسىندە قورداي اۋدانى بويىنشا ونەركاسىپ كاسىپورىندارىمەن 6999،9 (7750) ملن.تەڭگەنىڭ ءونىمى ءوندىرىلىپ، ناقتى كولەم يندەكسى 104،9% قۇراعان. سونداي-اق جاڭادان ءبىرقاتار كاسىپورىندارىسكە قوسىلعان.

اتاپ ايتساق، «كازدورستروي» ءجشس-نىڭ وتار - ۇزىناعاش جول قۇرىلىسىنا 1426،8 ملن. تەڭگەگە 82،2 مىڭ مەتر كۋب بەتون جانە 4،2 مىڭ مەتر كۋب قۇم شاعال ءوندىرۋ جوسپارلانۋدا. وتكەن جىلى كاسىپورىننىڭ ءونىم ءوندىرىسى بولماعان.

ەكىنشىسى «وتاۋ قۇرىلىس» ءجشس-نىڭ اۋحاتتى-بايتەرەك جول قۇرىلىسىنا 127،8 ملن. تەڭگەگە 9844 توننا اسفالت ءوندىرۋ جوسپارلانۋدا. بىلتىر بۇل كاسىپورىننىڭ دا ءونىم ءوندىرىسى بولماعان.

«ازيا يربيس» جشس-گى 56،2 ملن. تەڭگەگە 270 توننا بويا ءوندىرۋ جوسپارلاۋدا. وتكەن جىلى كاسىپورىن ءونىم وندىرگەن جوق.

«گرينۆيلل» ج ش س بولسا، وتكەن جىلى ءونىم شىعارماعاندىقتان بيىل 4 ملن. تەڭگەگە 2،1 توننا سالات جاپىراقتارىن جانە 2 توننا بالىق ءوندىرۋدى كوزدەۋدە.

«قورداي قۇس» ءجشس-نىڭ 225 ملن. تەڭگەگە 9000 مىڭ دانا تاۋىق جۇمىرتقاسىن وندىرمەك. وتكەن جىلى كاسىپورىننىڭ ءونىم ءوندىرىسى بولماعان.

قۋاتتىلىعىن ارتتىرۋدى جوسپارلاعان كاسىپورىندارعا كەلسەك،

«مك ينۆەست» جشس-گى جول قۇرىلىسىنا 98 ملن. تەڭگەگە 10000 توننا اسفالت ءوندىرۋ جوسپارلاۋدا. وتكەن جىلمەن سالىسىتىرعاندا ءونىم 109،9 پايىزدى قۇرايدى.

«قورداي اگروتەح» ج ش س بولسا، 154 ملن. تەڭگەگە 12694 مىڭ مەتر تامشىلاتىپ سۋعارۋ قوندىرعىلارىنا شلانگىلەر ءوندىرۋ جوسپارلاعان. وتكەن جىلمەن سالىسىتىرعاندا ءونىم 107،6 پايىزعا جەتپەك.

«مۆت» جشس-گى 52،2 ملن. تەڭگەگە 73 مىڭ توننا اكتاس ءوندىرۋدى كوزدەپ وتىر. وتكەن جىلمەن سالىسىتىرعاندا ءونىم ءوندىرىسى 118،5 پايىز.

«تاس الگا» ج ش س بولسا، 160،3 ملن. تەڭگەگە 121،3 مىڭ مەتر كۋب تاس شاعال ءوندىرۋدى ماقسات تۇتىپ، ءونىم كولەمىن 4 ەسەگە ارتتىرماق.

وسىلايشا قورداي اۋدانى ءوندىرىس سالاسىن ورىستەتۋگە قارىشتى قادام جاساپ وتىر. بۇل ولكەنىڭ عانا ەمەس تۇتاس وبلىستىڭ ەكونوميكاسىنا ۇلكەن سەرپىن ەكەنى انىق.