ەلىمىزدەگى ەڭ وزەكتى ماسەلەردىڭ ءبىرى – باسپانا، تۇرعىن ءۇي قۇرىلىس سالاسىنا ەرەكشە نازار اۋدارىلىپ وتىر.وسى ماقساتتا جامبىل وبلىسى قورداي اۋدانىندا تۇرعىن ءۇي قۇرىلىسى كەزەڭ-كەزەڭىمەن جۇيەلى تۇردە جۇزەگە اسۋدا دەپ جازادى Qamshy.kz اقپارات اگەنتتىگى. 

جالپى قورداي اۋدانىندا جەكە تۇرعىن ءۇي قۇرىلىسىنا جەر ۋچاسكەلەرىنە كەزەكتە 11 514 ازامات تىركەلگەن، كەزەكتە تۇرعان ازاماتتاردىڭ نەگىزگى ۇلەسى 50 پايىزى قورداي اۋىلىنا تيەسىلى. وسىنى ەسكەرە وتىرىپ، اۋدان ورتالىعىن دامىتۋدىڭ باس جوسپارىنا سايكەس ينجەنەرلىك جانە كوممۋنيكاسيالىق ينفراقۇرىلىمدى دامىتۋدىڭ وبلىستىق جول كارتاسىنا جالپى كولەمى 1471 گەكتاردى قۇرايتىن 6560 جەر ۋچاسكەسىنە 4 جاڭا ماسسيۆتەر قوسىلىپ (سولتۇستىك-شىعىس-615 گا/2776 جەر ۋچاسكەسى، باتىس-106 گا/388 ۋچاسكەسى، سامال تاۋ-750 گا/3396 ۋچاسكە) ، بۇگىندە 3 ماسسيۆ بويىنشا ماسەلەلەر شەشىمىن تاپتى. اتالعان ماسسيۆتەرگە بۇگىنگى كۇنگە ءتيىستى قاراجات ءبولىنىپ، ينفراقۇرىلىمدارىن نىعايتۋ بويىنشا جۇمىستار جۇرگىزىلۋدە. وسى ماسسيۆتەردىڭ ءبىرى - «باتىس» تۇرعىن ءۇي ءماسسيۆىنىڭ جالپى كولەمى، 106،0 گەكتار. جاڭا ءماسسيۆتى ەگجەي-تەگجەيلى جوباسىنا سايكەس قوعامدىق-ىسكەرلىك ايماققا اينالدىرىپ، اۋداندىق سوت، اۋداندىق پوليسيا ءبولىمى جانە وزگەدە اكىمشىلىك، كاسىپكەرلىك عيماراتتارىن سالۋ جوسپارلانۋدا. سونداي-اق، 280 ورىنعا ارنالعان بالاباقشا، 240 ورىندىق مەكتەپ، سپورت كەشەنى مەن 5 قاباتتى 10 تۇرعىن ءۇيدىڭ قۇرىلىس جۇمىستارى جۇرگىزىلەتىن بولادى.

بۇگىندە جاڭا ءماسسيۆتىڭ ينفراقۇرىلىمىن دامىتۋ بويىنشا 6 جوبانىڭ جوبالىق-سمەتالىق قۇجاتتارى ازىرلەنىپ، ونىڭ ىشىندە 50 پاتەرلى كوپقاباتتى تۇرعىن ءۇيدىڭ مەملەكەتتىك ساراپتاماسى الىنىپ، قۇرىلىس جۇمىستارى باستالدى. جارىقتاندىرۋ جۇمىستارىن جۇرگىزۋ ءۇشىن اۋداندىق بيۋدجەتكە ءوتىنىم بەرىلدى.

بۇل جوبالار تولىققاندى ىسكە اسقاننان كەيىن اۋدان ورتالىعىندا جەر ۋچاسكەلەرىنە كەزەكشىلىك ماسەلەسى تۇبەگەيلى شەشىمىن تاباتىن بولادى.

ال اۋىلدىق وكرۋگتەر بويىنشا ينجەنەرلىك جانە كوممۋنيكاسيالىق ينفراقۇرىلىمدى دامىتۋ وبلىستىق جول كارتاسىنا 13 ماسسيۆ ەنگىزىلدى. ونىڭ ىشىندە ءبىرىنشى كەزەڭدە 8 ماسسيۆ 2019-2020 جىلدار ارالىعىندا ىسكە اسادى دەپ جوسپارلانىپ، جول كارتاسىنا سايكەس اعىمداعى جىلى حالىق تىعىز ورنالاسقان 4 ەلدى مەكەننىڭ (وتار، اۋقاتتا، ماسانچي، سورتوبە) جوبالىق-سمەتالىق قۇجاتتارىن ازىرلەۋ ءۇشىن اۋداندىق بيۋدجەتتەن قاراجات ءبولىندى. وسىلايشا كەزەڭ-كەزەڭمەن جەر ۋچاسكەلەرى بەرىلەتىن بولادى.

اۋدان بويىنشا مەملەكەتتىك تۇرعىن ءۇي قورىنان تۇرعىن ۇيگە نەمەسە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ازامات رەتىندە 1303 ازامات كەزەكتە تۇر. كەزەكتە تۇرعان ازاماتتاردىڭ وتىنىشتەرىن قاناعاتتاندىرۋ ماقساتىندا اۋداندا جوبالىق قۇنى 472،8 ملن. تەڭگەنى قۇرايتىن، ءبىر 50 پاتەرلى 5 قاباتتى تۇرعىن ءۇي قۇرىلىسىنا جوبالىق-سمەتالىق قۇجاتتاما ازىرلەنگەن. قازىرگى تاڭدا، اۋداندىق كوممۋنالدىق تۇرعىن ءۇي قورىنىڭ تۇرعىن ءۇيىن سالۋعا جانە (نەمەسە) رەكونسترۋكسيالاۋعا الەۋەتتى وسال توپتاعى ازاماتتارعا نىسانالى دامۋ ترانسفەرتتەرىنەن رەسپۋبليكالىق بيۋدجەتتەن 50،0 ملن.تەڭگە جانە وبلىستىق بيۋدجەتتەن 5،5

ملن. تەڭگە قاراجات ءبولىندى. سونداي-اق، قورداي اۋىلىنا 5 قاباتتى 60 پاتەرلى 4 تۇرعىن ءۇي قۇرىلىسىن سالۋ ءۇشىن جوبالىق-سمەتالىق قۇجاتتامانى ازىرلەۋ جانە ۆەدومستۆودان تىس كەشەندى ساراپتاما جۇرگىزۋگە اۋدان بيۋدجەتىنەن 40،6 ملن. تەڭگە ءبولىندى.

سونداي-اق، كوپ بالالى انالاردى تۇرعىن ۇيمەن قامتاماسسىز ەتۋ ءۇشىن رەسپۋبليكالىق بيۋدجەتتەن 58،8 ملن تەڭگە ءبولىنىپ، 7 وتباسىعا تۇرعىن ءۇي سالىناتىن بولادى. بۇدان بولەك، اۋدانداعى كاسىپكەرلەردىڭ دەمەۋشىلىگىمەن بۇگىنگى كۇنگە 5 وتباسى باسپانالى بولدى.