ەلباسىنىڭ «بەس الەۋمەتتىك باستاماسىندا» شالعاي ەلدى مەكەندەردىڭ ءوزىن مەديسينالىق مەكەمەلەرمەن قامتۋ باسا ايتىلعان بولاتىن. وسىعان وراي بۇگىندە وڭىر-وڭىرلەردە اۋقىمدى شارالار قولعا الىنۋدا. جامبىل وبلىسى دا بۇل باعىتتا وركەنيەت كوشىنەن ءبىر ەلى قالماي كەلەدى دەپ جازادى Qamshy.kz اقپارات اگەنتتىگى. 

ەلىمىزدە ۇلت دەنساۋلىعى ەڭ باستى ورىندا. سوندىقتان دا ەلىمىزدە دەنساۋلىق ساقتاۋ سالىسىنا، اسىرەسە اۋىلدىق جەرلەردەگى مەديسينالىق-سانيتارلىق كومەكتىڭ قولجەتىمدىلىگىنە اسا كوڭىل ءبولىنىپ كەلەدى. سوڭعى جىلدارى قورداي اۋدانىندا الەۋمەتتىك نىساندار كوپتەپ اشىلىپ، حالىق قۋانىشقا بولەنۋدە. وتكەن جىلى مەملەكەتتىك-جەكەمەنشىك سەرىكتەستىك ارقىلى جاڭاتۇرمىس جانە ءالجان انا اۋىلدارىندا اۋىسىمىنا 15 كەلۋشىگە ارنالعان دارىگەرلىك امبۋلاتوريانىڭ قۇرىلىسى اياقتالىپ، قولدانىسقا بەرىلدى. سونداي-اق، كوگادىر اۋىلىنداعى اپاتتى جاعدايداعى مەديسينالىق پۋنكتتىڭ ورنىنا جاڭا 10 كەلۋشىگە ارنالعان مەديسينالىق پۋنكت سالىندى.

ال، اعىمداعى جىلى اۋىلدىق جەرلەردە مەديسينالىق نىسانداردى كوبەيتۋ ماقساتىندا مەملەكەتتىك-جەكەمەنشىك سەرىكتەستىك ارقىلى قالعۇتى، كەنەن، بەل، مۇزبەل، سارباستاۋ جانە قىزىلساي اۋىلدارىنا اۋىلدىق امبۋلاتوريا مەن فەلشىلەرىك پۋنكتەر سالۋ بويىنشا قۇرىلىس جۇمىستارى باستالدى.

سونداي-اق، 2019 جىلعا جاڭادان ىسكە قوسىلعان وبەكتىلەرگە (دا ءالجان انا، دا جاناتۋرمىس، مت كوگادىر) نەگىزگى قۇرالداردى (جۇرەك ىرعاعىنىڭ بۇزىلۋى كۋىندە ەلەكترويمپۋلستىك تەراپيا ارنالعان اپپارات،قان قىسىمىن، دەنە قىزىۋىن، ەكگ، جۋرەك سوعۋىن كورسەتىپ جازاتىن اپپارات، جارالاردان سۋىقتاردى سورۋعا ارنالعان اپپارات، كوك تامىر ىشىنە بەلگىلى ءبىر جىلدامدىقپەن دارى-دارمەكپەن پرەپاراتىن ەڭگىزۋگە ارنالعان اپپارات، ەندوسكوپتاردى جۋۋعا جانە دەزينفەكسيالاۋعا ارنالعان اۆتومات) ساتىپ الۋ ءۇشىن 423،6 ميلليون تەڭگە ءبولىندى. سكرينينگتىك زەرتتەۋلەر ءۇشىن رەسپۋبليكالىق بيۋدجەتتەن – 271،1 ميلليون تەڭگە قارالدى.

1000 ءتىرى تۋىلعاندارعا نارەستە ءولىمى 4،9 پروميل نەمەسە 8 بالا شەتىنەدى. شەتىنەۋ سەبەبى: 5- مەرزىمىنەن بۇرىن تۋىلعان، شالا، 1- ينفەكسيالىق اۋرۋلاردان، 1 – ىشكى قان كەتۋدەن، 1- مەرزىمىنەن كەش تۋىلعان. ينديكاتور جىل سوڭىندا ەسەپتەلەدى، جىلدىق جوسپار 5،6 پروميل. انالار ءولىمى اۋداندا تىركەلمەگەن.

بۇل ارينە باس بارماقپەن باعالاۋعا تۇرارلىق دۇنيە. ۇلت ساۋلىعى ءۇشىن ۇكىمەتتەن اۋقىمدى باستامالار كوتەرىلىپ جاتقاندا، جەرگىلىكتى بيلىك تە جوبالارعا جان ءبىتىرىپ، تۇرعىندار ساۋلىعى ءۇشىن بارىن جاساعانى ابزال. بۇل سەنىم مەن جاۋاپكەرشىلىك جۇگىنەن قوردايلىقتار تولىقتاي شىعىپ وتىر.