تاراز قالاسىنداعى ماگيسترالدىق جىلۋ جەلىلەرىن اۋىستىرۋ جۇمىستارى قىزۋ جۇرۋدە. اتاپ ايتقاندا، بيىل قالاداعى توزىعى جەتكەن جىلۋ جەلىلەرىن قايتا جاڭعىرتۋ ءۇشىن «نۇرلى جول» باعدارلاماسى اياسىندا 2 جوباعا 7،6 ملرد. تەڭگە سوماسىنا ۇزىندىعى 9،3 شاقىرىم ماگيسترالدى جىلۋ جەلىلەرىن اۋىستىرۋ جوسپارلانىپ وتىر دەپ جازادى Qamshy.kz اقپارات اگەنتتىگى. 

ناقتىسىن ايتقاندا، شاھاردا م-2 جىلۋ ماگيسترالىن رەكونسترۋكسيالاۋ جوباسىنا بولىنگەن 4 181،0 ملن.تەڭگەگە جاڭارتىلاتىن جەلىلەردىڭ ۇزىندىعى – 5،169 شاقىرىم قۇرايدى. جوبانىڭ باس مەردىگەرى «كورپوراسيا جيلستري تاراز» ج ش س. يگەرىلگەن قاراجات 2046،7 ملن. تەنگە نەمەسە 49 پايىز.

بۇگىنگە قازبا جۇمىستارىنىڭ ورىندالۋى – 4،9 شاقىرىم نەمەسە 96 پايىز، قۇبىرلاردى دەمونتاجداۋ – 4،7 شاقىرىم نەمەسە 91 پايىز، لاتوكتاردى مونتاجداۋ 3،6 شاقىرىم نەمەسە 70 پايىز، جالپى مونتاجداۋ جۇمىستارىنىڭ كولەمى – 58 پايىز-دى قۇرادى. قاجەتتى جابدىقتارمەن – 67،3 پايىز قامتىلعان.

قۇرىلىس مونتاجداۋ جۇمىستارى ۇستىمىزدەگى جىلدىڭ 1 ساۋىرىندە باستالىپ، 1 قازانىندا اياقتاۋ بەكىتىلگەن.

ال، م-4 جىلۋ ماگيسترالىن قايتا جاڭعىرتۋ جوباسىنا 3 416،9 ملن. تەڭگە ءبولىندى، جاڭارتىلعان جەلىلەردىڭ ۇزىندىعى – 4،138 شاقىرىم. جوبانىڭ باس مەردىگەرى «Techno Construction Company» ج ش س. يگەرىلگەن قاراجات 2 282،4 ملن. تەنگە نەمەسە 67 پايىز.

قازىرگى تاڭدا قازبا جۇمىستارىنىڭ ورىندالۋى – 3،9 شاقىرىم نەمەسە 94 پايىز، قۇبىرلاردى دەمونتاجداۋ – 3،9 شاقىرىم نەمەسە 91 پايىز، لاتوكتاردى مونتاجداۋ جۇمىستارى 83 پايىز، جالپى قۇرىلىس مونتاجداۋ جۇمىستارىنىڭ كولەمى – 82 پايىز-دى قۇرادى. قاجەتتى جابدىقتارمەن – 87،1 پايىز قامتىلعان. قۇرىلىس مونتاجداۋ جۇمىستارى 1 ءساۋىر مەن 1 قىركۇيەك ارالىعىنا جۇمىس جۇرگىزۋ كەستەسى بەكىتىلگەن.

اعىمداعى جىلدىڭ 10 قىركۇيەگىنەن باستاپ جامبىل داڭعىلىنداعى جانە ق. ساتپايەۆ كوشەسىندە ورنالاسقان كوپقاباتتى ۇيلەردەن باسقا بارلىق تۇرعىن ۇيلەرگە ىستىق سۋ بەرىلەتىن بولادى.

بۇگىنگە اتالعان جوبالار بويىنشا جالپى 4،3 ملرد.تەڭگەسى نەمەسە 58 پايىز يگەرىلىپ، جۇمىستاردىڭ 75 پايىز ورىندالعان. جالپى اتالعان جوبالار بويىنشا جۇمىستار بەكىتىلگەن كەستەگە سايكەس جۇرگىزىلۋدە.

وسىلايشا، تارازدىقتارعا جاقىن ۋاقىتتا ىستىق سۋدى جىل ون ەكى اي بويى پايدالانۋىنا جاعداي جاسالماق. ناتيجەسىندە، جىلدار بويى كۇرمەۋى تارقاتىلماي كەلە جاتقان ماسەلەلەر شەشىمىن تاپپاق. بۇل ماقساتتا شەتەلدىك ينۆەستورلار تارتىلىپ، جاڭا جوبالار جۇزەگە اسىرىلۋدا. اتالعان شارۋانىڭ

توڭىرەگىندە جۇمىس بارىسىن ەنەرگەتيكا سالاسىنىڭ ماماندارى شەتەلدىك كومپانيا وكىلدەرىمەن تالقىلادى.