تاراز قالاسىنداعى جول ماسەلەلەرى جىل ويكەن سايىن شەشىمىن تاۋىپ كەلەدى. ماسەلەن، بيىل «اراي» القابىنىڭ بارلىق كوشەلەرى مەن بۇرىلىستارىنا ورتاشا جوندەۋ جۇمىستارىن جۇرگىزۋ جوسپارلانعان. ناتيجەسىندە، جالپى ۇزىندىعى 31،086 شاقىرىم جولعا اسفالت جابىندىسى توسەلەدى دەپ جازادى Qamshy.kz اقپارات اگەنتتىگى. 

جوبانىڭ جالپى قۇنى 584 ميلليون 522 مىڭ 581 تەڭگەنى قۇرايدى. جالپى جوبا 4 كومپلەكسكە بولىنگەن.مەملەكەتتىك ساتىپ الۋ كونكۋرسى وتكىزىلىپ، جەڭىمپاز مەردىگەر مەكەمە انىقتالدى. بۇگىنگە كۇندە تەحنيكالىق قاداعالاۋشىنى انىقتاۋ كونكۋرسى قارجى باقىلاۋ ورگانىندا شاعىمدانۋ ساتىسىندا تۇر. شاعىمداردى قاراۋ مەرزىمى اعىمداعى جىلدىڭ 24 تامىزىندا اياقتالادى. تەحنيكالىق قاداعالاۋشى انىقتالعاننان كەيىن قۇرىلىس-مونتاجدىق جۇمىستار باستالادى.

2019 جىلى قالا بيۋدجەتىندە جول قۇرىلىستارىنا 2 160 ميلليون تەڭگە قارالعان. بۇل قاراجاتتارعا «بۇرىل ا،ب،ۆ» تۇرعىن القاپتارىنىڭ 26 شاقىرىمدى قۇرايتىن 50 كوشەسىنە قيىرشىق تاس جولدارىنىڭ جانە ى. سۇلەيمەنوۆ كوشەسىنىڭ سوڭىنداعى القاپتا ىشكى كۆارتالدىق اۆتوموبيل جولدارىنىڭ قۇرىلىس جۇمىستارى جۇرگىزىلۋدە.

جالپى قالاداعى 136 كوشەنىڭ ورتاشا جوندەۋ جۇمىستارىنا 1 ميلليارد 511،1 ميلليون تەڭگە بولىنگەن.

قوعامدىق كولىكتەر قاتىنايتىن ۇزىندىعى 740 شاقىرىم قۇرايتىن 83 كوشەدە كولەمى 22600 شارشى مەتر شۇڭقىرلاردى قالىپقا كەلتىرۋ ءۇشىن 100 ميلليون تەڭگە ءبولىنىپ، جوندەۋ جۇمىستارى جۇرگىزىلدى.

ودان بولەك قالاداعى كوپ قاباتتى تۇرعىن ۇيلەردىڭ 71 000 شارشى مەتر قۇرايتىن اۋلالارىن اعىمداعى جوندەۋ جۇمىستارىن جۇرگىزۋگە 250 ميلليون تەڭگە قارجى ءبولىنىپ، جۇمىستار جۇرگىزىلۋدە. (26-30 سلايد)

سونىمەن قاتار، قالادا گاز جۇگھرگىزۋ جۇمىستارى دا جۇرۋدە. تاراز قالاسىن گازبەن قامتاماسىز ەتۋشى مەكەمە «قازترانسگاز ايماق» اق جامبىل وندىرىستىك فيليالى. قالاداعى گاز قۇبىرلارىنىڭ ۇزىندىعى 1475 شاقىرىم قۇرايدى، ونىڭ ىشىندە:

- 1112 شاقىرىم جەراستى قۇبىرلار - (جوعارعى قىسىمدى - 35 شاقىرىم، ورتا قىسىمدى - 994 شاقىرىم، تومەن قىسىمدى - 83 شاقىرىم)،

- 363 شاقىرىم جەراستى قۇبىرلار - (جوعارعى قىسىمدى - 0،045 شاقىرىم، ورتا قىسىمدى - 24 شاقىرىم، تومەن قىسىمدى - 339 شاقىرىم).

اعىمداعى جىلى «قازترانسگاز ايماق» اق ءجوف ينۆەستيسيالىق باعدارلاماسى بويىنشا ءوز قاراجاتى ەسەبىنەن «تاراز قالاسىنىڭ گاز تاراتۋ جۇيەلەرىن جاڭعىرتۋ. 2 كەزەڭ» جوباسىنىڭ قۇرىلىس-مونتاج جۇمىستارى قالانىڭ ورتالىق بولىگىندە جۇرگىزىلۋدە. باس مەردىگەر - «دس-تاس» ج ش س.

جۇمىس جوسپارى بويىنشا اۋىستىرىلاتىن پوليەتيلەندى گاز قۇبىرلارىنىڭ ۇزىندىعى - 37،4 شاقىرىم. كوشەلەردىڭ جالپى سانى - 128.