قازىرگى تاڭدا بالانىڭ قىزىعۋشىلىعىنا سەپتىگىن تيگىزىپ، يكەمىنە قاراي جاڭا قىرىنان تانىلۋىنا، ومىرلىك جولىن انىقتاۋدا اۋلا كلۋبتارىنىڭ ماڭىزى زور. اۋلا كلۋبىنىڭ ماقساتى – وقۋشىلاردىڭ مەكتەپتەن تىس ءومىرىن ءتيىمدى پايدالانىپ، وزدەرى وقىپ جۇرگەن پاندەرىن تەرەڭدەتىپ وقىتۋ، جالپى بالانى جان-جاقتى دامىتىپ، بەيىمىن جەتىلدىرۋ بولىپ تابىلادى. وسىعان وراي، تاراز قالاسىندا جاستار رەسۋرستىق ورتالىعىنا قاراستى «اراي»، «بوتاقان»، «بالاۋسا»، «جاس بالعىن» اۋلا كلۋبتارى تۇراقتى جۇمىس اتقارۋدا دەپ جازادى Qamshy.kz اقپارات اگەنتتىگى. 

اتالعان اۋلا كلۋبتارىندا 4 جاستار ءىسى جونىندەگى ينسپەكتور 206 تاربيەلەنۋشىلەرمەن «قولونەر»، «شەبەر قولدار»، «سۋرەت»، «ۇلتتىق ويىندار»، «قۋىرشاق تەاترى»، «ءتىل دامىتۋ»، «سالاۋاتتى ءومىر سالتى» ۇيىرمەلەرى بويىنشا جۇمىس جاساۋدا.

2016 جىلى تاراز قالاسىنداعى №1 اۋماقتىق وكرۋگكە قاراستى «استانا» ىقشام اۋدانى №30 «ا» ۇيدە ورنالاسقان «ازيمۋت» اۋلا كلۋبىنىڭ جەرتولەسىندەگى قۇبىرلارىنىڭ جارىلۋىنا بايلانىستى ۋاقىتشا جۇمىسىن توقتاتقان بولاتىن. 2019 جىلى اتالعان اۋلا كلۋبقا كۇردەلى جوندەۋ جۇمىستارىن جۇرگىزۋ ءۇشىن 9 ميلليون 986 مىڭ تەڭگە قاراجات ءبولىنىپ، جوندەۋ جۇمىستارىن جۇرگىزۋ جوسپارلانۋدا. 2019 جىلدىڭ سوڭىنا دەيىن اتالعان اۋلا كلۋب پايدالانۋعا بەرىلەتىن بولادى.

سونداي-اق، تاراز قالاسىندا №9 اۋماقتىق وكرۋگكە قاراستى «بايتەرەك» ىقشام اۋدانىندا، «قۇمشاعال» تۇرعىن القابىندا بالالارعا ارنالعان اۋلا كلۋبتارىن جىل سوڭىنا دەيىن اشىلاتىن بولادى.

اتالعان اۋلا كلۋبتاردى ماتەريالدىق-تەحنيكالىق جابدىقتارمەن قامتاماسىز ەتۋ ءۇشىن جەرگىلىكتى بيۋدجەتتەن 6 ميلليون تەڭگە قاراجات ءبولىندى.

سونىمەن قاتار، 2019 جىلدىڭ 1 ماۋسىم كۇنى حالىقارالىق بالالاردى قوعاۋ كۇنىنە وراي «بالاۋسا» اۋلا كلۋبىندا اتالعان اۋلا كلۋبقا كەلۋشى بالالاردىڭ ۇسىنىسى بويىنشا «STREET WORKOUT» الاڭشاسىن، Wi-Fi زوناسىن، شاعىن كينوزالىن، تەننيس ستولىن، قالقان كۇركە (بەسەدكا)، كومپيۋتەرلەر پايدالانۋعا بەرىلدى.

تۇرعىندارعا قولايلى بولۋى ءۇشىن قالادا، سونداي-اق، «سيفرلى قازاقستان» مەملەكەتتىك باعدارلاماسىنىڭ شەڭبەرىندە «Iكomek»-109 قالانىڭ كوممۋنالدىق قىزمەتتەرىنىڭ ءبىرىڭعاي ديسپەچەرلىك ورتالىعىن قۇرۋ جۇمىستارى جۇرگىزىلۋدە. بۇل – حالىقپەن كەرى بايلانىستىڭ ءبىرىڭعاي جۇيەسى، قالا تۇرعىندارى ءۇشىن امبەباپ كومەكشى. ەندى اكىمدىككە كەلىپ، كەزەكتە تۇرۋدىڭ قاجەتى جوق. قوڭىراۋ شالۋ نەمەسە حابارلاما، سۋرەت جىبەرۋ جەتكىلىكتى، جانە ءسىزدىڭ ماسەلەڭىزدى شەشەتىن بولادى. بۇگىنگى كۇنگە، ءتيىستى اعىمدى جوندەۋ جۇمىستارى جۇرگىزىلىپ، ورتالىقتى اعىمداعى جىلدىڭ 1 قىركۇيەگىنە اشۋ جوسپارلانىپ وتىر.