تاراز قالاسى تۇرعىندارىنىڭ تۇرمىستىق جاعدايىن جاقسارتۋ ماقساتىندا جەكە قوسالقى شارۋاشىلىعىن جۇرگىزۋ جۇمىستارىنا دا اسا ءمان بەرىلۋدە. بۇل باعىتتا تاراز قالاسى، «اراي « شاعىن اۋدانىندا 50 گەكتار جەر تەلىمى ءبولىنىپ، كوپ قاباتتى تۇرعىن ۇيدە تۇراتىن تۇرمىستىق جاعدايى تومەن وتباسىلارىن جۇمىسپەن قامتۋ ماقساتىندا 833 تۇرعىنعا كۇندەلىكتى ءوزىن-وزى وسىمدىك ونىمدەرىمەن قامتاماسىز ەتۋ جانە ارتىلعان ءونىمدى نارىققا ۇسىنۋ (ساتۋ) ءۇشىن كوكونىس ەگۋگە 0،06 گەكتار جەردەن ءبولىپ بەرۋ سىزباسى دايىندالدى دەپ جازادى Qamshy.kz اقپارات اگەنتتىگى. 

اتالمىش 50 گەكتار جەرگە قىزاناق، قيار، كارتوپ، پياز ەگۋ جوسپارلانۋدا. بۇل كوكونىس تۇرلەرىنىڭ شىعىنى بىردەي، ياعني تۇقىم جانە مينەرالدى تىڭايتقىشتار باعاسى ءبىر شامادا. اتاپ ايتقاندا: 0،06 گەكتار جەردى دايىنداۋعا 3000 تەڭگە، تۇقىم ساتىپ الۋعا 7500 تەڭگە جانە مينەرالدى تىڭايتقىشتارعا 4200 تەڭگە جانە باسقا دا شىعىندارعا 9000 تەڭگە كولەمىندە قارجى جۇمسالادى. جىلىنا ءار تۇرعىن وزىنە تيەسىلى 0،06 گەكتار جەردەن 1،5 توننا قيار، 1،86 توننا قىزاناق، 3،6 توننا پياز، 2،7 توننا كولەمىندە كارتوپ ءونىمىن الۋىنا بولادى. اۋىل شارۋاشىلىق ونىمدەرىن ساقتاۋ ءۇشىن 144 شارشى مەتر عيمارات جانە شاتىرلاردى سالۋ ماقساتىندا جوبالىق سمەتالىق قۇجاتتامالارى ازىرلەنۋدە.

تۇرعىنداردىڭ تۇرمىس ساپاسى ولاردىڭ دەنساۋلىعىنىڭ مىقتىلىعىنا دا بايلانىستى ەكەنى بەلگىلى. بۇل تۇرعىدا وبلىس ورتالىعىندا بۇقارالىق سپورتقا دا ۇلكەن نازار اۋدارىلىپ وتىر. اتاپ ايتقاندا، قالا بويىنشا سپورت الاڭشالارىن سالۋ، قالپىنا كەلتىرۋ جانە جاڭعىرتۋ جول كارتاسى ازىرلەنىپ، جالپى 51 سپورت الاڭشالارىن سالۋ جۇمىستارى جوسپارلانعان. ونىڭ ىشىندە، 9 - جەكە مەنشىك، 27 – بيۋدجەت جانە 5 - دەمەۋشىلەر ەسەبىنەن سالىنۋى، ال 10 سپورت الاڭشاسىن قايتا قالپىنا كەلتىرىلۋ جۇمىستارى جوسپارلانعان بولاتىن. قازىرگى تاڭدا 5- سپورت الاڭشاسىنىڭ قۇرىلىسى اياقتالىپ، 6 سپورت الاڭشاسىنىڭ قۇرىلىس جۇمىستارى باستالىپ كەتتى. الداعى ۋاقىتتا قالعان سپورت الاڭشالارىن سالۋ جونىندە كونكۋرس جاريالاناتىن بولادى.

بۇدان بولەك، تۇرعىنداردىڭ قولايلى ءومىر سۇرۋىنە جاعداي جاساۋ ماقساتىندا «تەكتۇرماس» مادەني-تاريحي كەشەنىندە ماگيسترالدىق ينجەنەرلىك - كوممۋنيكاسيالىق جەلىلەرىنىڭ قۇرىلىسى نىسانىنىڭ جوبالىق-سمەتالىق قۇجاتتارىن ازىرلەۋ بويىنشا جوبالاۋشى «ارحستروي-2005 « ج ش س تانىلعان، جوبالىق-سمەتالىق قۇجاتتارىن ازىرلەنۋدە.

سونىمەن قاتار، «تەكتۇرماس» مادەني-تاريحي كەشەنىندەگى «كونە-قامال» عيماراتىنىڭ سالۋ جانە «اۋليە-اتا» ەسكەرتكىشىنىڭ اۋماعىن اباتتاندىرۋدىڭ جوبالىق-سمەتالىق قۇجاتتارىن ازىرلەۋ بويىنشا مەملەكەتتىك ساتىپ الۋ كونكۋرسى وتكىزىلۋدە. جوبا اعىمداعى جىلى اياقتالۋى جوسپارلانۋدا.