تاراز قالاسىنىڭ تۇرعىندارىن باسپانامەن قامتۋ ماقساتىندا شاھار اۋماعىندا كوپقاباتتى ۇيلەردىڭ قۇرىلىسى قارقىندى جۇرۋدە. ماسەلەن، بيىلدىڭ وزىندە 26 نىساننىڭ قۇرىلىسىنا 11،8 ملرد.تەڭگە ءبولىندى. ولار: الەۋمەتتىك وسال توپتاعى ازاماتتارعا، از قامتىلعان كوپبالالى وتباسىلارعا ارنالعان 5 ارەندالىق تۇرعىن ءۇي جانە 21 كرەديتتىك تۇرعىن ءۇي. نىسانداردىڭ قۇرىلىس جۇمىستارى جالعاستىرىلۋدا دەپ جازادى Qamshy.kz اقپارات اگەنتتىگى. 

2019 جىلى تۇرعىن ءۇي مەن ينجەنەرلىك ينفراقۇرىلىم قۇرىلىسىنا 43 نىسانعا بيۋدجەت ەسەبىنەن 15،5 ملرد.تەڭگە ءبولىندى 21 تۇرعىن ءۇيدىڭ 10 ءۇيى 2018 جىلدان وتپەلى. ونىڭ ىشىندە، 4 كرەديتتىك تۇرعىن ءۇي پايدالانۋعا تاپسىرىلادى. ال، 6 كرەديتتىك تۇرعىن ءۇي تامىز ايىنىڭ سوڭىنا دەيىن قابىلدانادى. جاڭا 16 تۇرعىن ءۇي – 60 پاتەرلى كرەديتتىك-11 ءۇي، 80 پاتەرلى ارەندالىق-5 ءۇي 2020 جىلعا وتپەلى.

الايدا، بۇگىنگى تاڭدا 16 ءۇيدىڭ قۇرىلىس جۇمىستارى قارقىن جۇرۋىنە بايلانىستى جىل سوڭىنا دەيىن 10 تۇرعىن ءۇي پايدالانۋعا تاپسىرىلۋى جوسپارلانۋدا. ال، قالعان 6 ءۇي 2020 جىلعا وتپەلى.

ەلباسىنىڭ تاپسىرماسىنا سايكەس، حالىق ءۇشىن تۇرعىن ءۇيدىڭ قولجەتىمدىلىگىن ارتتىرۋ ماقساتىندا «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى اياسىندا ى.سۇلەيمەنوۆ كوشەسىنىڭ سوڭىنداعى 20،4 گا القاپتا 205 جەكە تۇرعىن ءۇيدىڭ قۇرىلىسى جۇرگىزىلۋدە. باعدارلاماعا سايكەس تۇرعىن ۇيلەردىڭ قۇنى 1 شارشى مەتر – 120،0 مىڭ تەڭگە. اتالعان ۇيلەر 3 ءتۇرلى جوبامەن ازىرلەنۋدە:

- 68 ءۇي (80 شارشى مەتر) – 9،6 ملن.تەڭگە؛

- 68 ءۇي (116 شارشى مەتر) – 13،92 ملن.تەڭگە؛

- 69 ءۇي (125 شارشى مەتر) – 15،0 ملن.تەڭگە.

باعدارلاما اياسىندا 2018 جىلى 5 ءۇي پايدالانۋعا تاپسىرىلسا، بيىل 9 ءۇي پايدالانۋعا تاپسىرىلدى. ودان بولەك، 51 ءۇيدىڭ قۇرىلىسى جۇرگىزىلۋدە، ونىڭ ىشىندە 9 ءۇي بويىنشا ىشكى ارلەۋ جۇمىستارى جۇرگىزىلۋدە، 7 ءۇي بويىنشا قابىرعالارى كوتەرىلگەن، 11 ءۇي بويىنشا ىرگە تاستارى اياقتالعان، 15 ءۇيدىڭ سىرتقى جۇمىستارى اياقتالىپ، ىشكى ارلەۋ جۇمىستارى اياقتالماعان، 9 ءۇي بويىنشا ترانشەيالار دايىندالعان. بۇگىنگى تاڭدا، جەكە تۇرعىن ۇيلەر ماگيسترالدىق ينجەنەرلىك ينفراقۇرىلىممەن قامتاماسىز ەتىلگەن. ۋاقىتشا ەلەكترمەن، اۋىز جانە كارىز سۋمەن قامتاماسىز ەتۋ ماقساتىندا قۇرىلىس جۇمىستارى تولىق اياقتالعان، ءار ۇيگە قوسۋ جۇمىستارى جۇرگىزىلۋدە.

بۇگىنگى كۇنگە، سالىناعان تۇرعىن ۇيلەردىڭ قۇرىلىس جۇمىستارىن جانداندىرىپ، تۇرعىندارعا قولايلى تۇردە تاپسىرىلۋىن قامتاماسىز ەتۋ ماقساتىندا ارنايى شتاب قۇرىلىپ، 115 ەرىكتى تارتىلىپ، كەزەكتە تۇرعان ازاماتتارعا 7421 ەسكەرتۋ حات تاراتىلدى. ونىڭ ىشىندە 3 192 ازامات

باعدارلاماعا قاتىسۋعا نيەت بىلدىرگەن. ال، 141 ازاماتقا باعدارلاماعا قاتىسۋ ءۇشىن تولەم قابىلەتتىلىگىن انىقتاۋ ماقساتىندا تۇرعىن ءۇي قۇرىلىس جيناق بانكىنە جولداما بەرىلدى. ونىڭ ىشىندە 10 ازاماتتىڭ الدىن-الا تولەم قابىلەتتىلىگى راستالدى.