«دەنى ساۋدىڭ – جانى ساۋ» دەيدى دانا قازاق. سوندىقتان ۇكىمەت ءاردايىم دەنساۋلىق پەن سالاۋاتتى ءومىر سالتىن قالىپتاستىرۋ باعىتىنا ءجىتى كوڭىل ءبولىپ كەلەدى. ءبىر جىلدارى باستاۋ العان «دەنساۋلىق» باعدارلاماسى بۇگىندە ءوز مىندەتىن ورىنداپ جاتسا، بۇقارالىق سپورتتى دامىتۋعا باعىتتالعان مەملەكەتتىك باعدارلاما دا ۇلت ساۋلىعىن جاقسارتۋعا ولشەۋسىز ۇلەس قوسۋدا. بۇل تۇرعىدا جامبىل ءوڭىرىنىڭ كوپكە ۇلگى بولارلىق تىرلىگى كوپ دەپ جازادى Qamshy.kz اقپارات اگەنتتىگى.
ەڭ الدىمەن دەنساۋلىق ساقتاۋ سالاسىنا كەلسەك، جامبىل وبلىسى جۋالى اۋدانىندا ەسەپتى كەزەڭدە انا ءولىمى بولعان جوق، ءسابي ءولىمى بويىنشا 9 جاعداي ورىن الدى (2018 جىلدىڭ وسى كەزەڭىندە – 4 جاعداي).
بالا ولىمىنە اكەپ سوقتىرعان نەگىزگى سەبەپ - بۇل بالانىڭ ىشتەن تۋا بىتكەن اقاۋىنىڭ اسقىنۋى جانە مەرزىمىنەن ەرتە بوسنۋدان تۋىلعان وتە از سالماقتاعى سابيلەردىڭ شەتىنەۋى نەگىزىندە جەدەل دامىعان اۋرۋدان وتە اۋىر جاعدايدا جانساقتاۋ بولىمىنە ءتۇسۋ جانە كەنەتتەن قايتىس بولۋ فاكتورلارى ورىن الۋدا.
ەسەپتى مەرزىمگە تۋبەركۋلەزبەن ناۋقاستانعاندار سانى 27 ادام (2018 جىلدىڭ ءىى-توقسانىنا 31 ادام)، 100 مىڭ ادامعا شاققاندا كورسەتكىش 51،9 پايىز. (2018 جىلدىڭ ءىى-توقسانىنا 59،6 پايىز).
سپورت باعىتىنا توقتالساق، اعىمداعى جىلى ۇيىمداستىرىلعان 188 ءىس-شاراعا (180 – سالاۋاتتى ءومىر سالتىن ناسيحاتتاۋ بويىنشا، 8 – سالالىق سپارتاكيادالار) 34 820 اۋدان تۇرعىنى قاتىسقان. جۇيەلى تۇردە دەنە شىنىقتىرۋ جانە سپورتپەن اينالىساتىن تۇرعىنداردىڭ ۇلەسى (52523) تۇرعىننىڭ 15547ء-سى نەمەسە 29،6 پايىزدى قۇرادى (2018 جىلدىڭ وسى كەزەڭىندە 28،9%).
بولىمگە باعىنىستى سپورت مەكتەپتەرىندە 2019 جىلدىڭ ەسەپتى مەرزىمىندە 1 548 شۇعىلدانۋشى وقۋشىلار تىركەلدى. بۇل جۋالى اۋدانى بويىنشا جالپى 7 – 18 جاس ارالىعىنداعى بالالاردىڭ 15،0% قۇراپ وتىر.
2019 جىلدىڭ 1 شىلدەسىنە جۋالى اۋدانى بويىنشا 112 سپورت نىسانى انىقتالدى. ونىڭ ىشىندە 1 ستاديون، 1 سپورت كەشەنى، 38 سپورت زال، 11 فۋتبول الاڭى، 61 سپورت الاڭشاسى بار.
مىنە، بۇل تۇرعىندار دەنساۋلىعىن جاقسارتۋ مەن سالاۋاتتى ءومىر سالتىن قالىپتاستىرۋدا جولعا قويىلعان كەشەندى شارالاردىڭ كورىنىسى مەن جەمىسى. ارينە ءالى دە بولسا اتقارار جۇمىس جەتەرلىك. جانە جوعارىدا اتالعان كەمشىل تۇستاردىڭ ورنىن تولتىرۋ قاجەت. بۇعان جۋالى اۋدانىنىڭ جەرگىلىكتى بيلىگى ءجىتى كوڭىل بولەدى دەپ سەنەمىز.
پىكىر قالدىرۋ