جالپى قانداي سالادا بولماسىن جۇمىستا دالدىك پەن جۇيەلى جوسپار قاجەت ەكەنى بەلگىلى. اسىرەسە قۇرىلىس سالاسىندا ءاربىر تەڭگە ماقساتتى جۇمسالۋى ءتيىس. بۇل باعىتقا باعىتتالعان مەملەكەتتىك-جەكەشەلىك سەرىكتەستىك سەكىلدى مەملەكەتتىك باعدارلامالار دا بار. سونداي-اق جامبىل وبلىسىنىڭ اكىمى اسقار مىرزاحمەتوۆ تە ۇنەمدەگەن ءاردايىم ۇتىستا بولاتىندىعىن ايتىپ، جوبالاۋ جۇمىستارىن جىل باسىنان بەرى ءجىتى زەردەلەۋدەن وتكىزۋدە دەپ جازادى Qamshy.kz اقپارات اگەنتتىگى. 

ماسەلەن اسقار يسابەك ۇلى جىل باسىندا بارلىق قۇرىلىس جۇمىستارىنا بولىنگەن قارجى كولەمىن ءجىتى تەكسەرىپ، ءبىرقاتار نىساندار بويىنشا مەملەكەتتىك قارجى جوبا شەكتەۋىنەن تىم ارتىق قارالعانىن انىقتاپ، جازا باسقانداردى جازاسىز قالدىرماعان بولاتىن. اسىرەسە 1 ميلليارد تەڭگەگە جۋىق قارجىعا جوسپارلانعان مويىنقۇم اۋدانىنداعى كوپىر قۇرىلىسى تەكسەرىستەن كەيىن قارجىسىنىڭ تەڭ جارتىسى قىسقارتىلعان. وسىنداي قارجى ۇنەمدەۋگە باعىتتالعان جۇمىستار جىل ءىشى بويى جۇرگىزىلىپ، قۇرىلىس نىساندارىنىڭ جوبالاۋ-سمەتالىق قۇجاتتارىنا ازا ءمان بەرىلدى. سونىڭ ناتيجەسىندە اۋدان اكىمدەرى دە قۇرىلىسقا قاجەتتى قارجىنى «جەتى ولشەپ، ءبىر كەسىپ» بارىپ عانا بيۋدجەتتىك ءوتىنىم رەتىندە جولدايتىن بولدى. جۋالى اۋدانى دا بيىل اۋىزسۋ جۇيەلەرى بويىنشا جوبالاۋ قۇجاتتارىن اسى ۇقىپتىلىقپەن جۇرگىزگەن.

اتاپ ايتساق، ت.دۇيسەباي ۇلى اۋىلى بويىنشا - «تابىس جوبا» جشس-گى. (جسق اياقتالدى، 2.02.2019ج مەملەكەتتىك ساراپتامانىڭ قاراۋىنا ۇسىنىلدى) جالپى سمەتالىق قۇنى 420 678،0 مىڭ تەڭگەنى قۇرايتىن جوباعا 2019 جىلدىڭ 13 ماۋسىمىندا №19-0151/19 ساندى مەملەكەتتىك كەشەندى ساراپتاماسى قورىتىندىسى الىندى.

قوڭىرتوبە اۋىلى بويىنشا – «ساتۋرن ليۋكس» جشس-گى. (جسق 23-شىلدەدە باستالىپ، 26-قىركۇيەكتە اياقتالدى، ساراپشى مەردىگەرى «ەكسپەرتيزا پرو» ج ش س 05.02.2019 ج كەلىسىم شارت راسىمدەلدى).

اقتوبە اۋىلى بويىنشا – «ليدەر پروەكت ديزاين» جشس-گى (جسق 20-شىلدە باستالىپ، 17-قازان اياقتالدى، ساراپشى مەردىگەرى «ەكسپەرتيزا پرو» ج ش س 05.02.2019ج كەلىسىم شارت راسىمدەلدى).

ەرتاي اۋىلى بويىنشا – «تاراز تاۋ جوبا» جشس-گى. (جسق 14-تامىز باستالىپ، 14-قازان اياقتالدى، مەملەكەتتىك ساراپتامانىڭ قاراۋىنا ۇسىنىلدى). جالپى سمەتالىق قۇنى 389 999،0 مىڭ تەڭگەنى قۇرايتىن جوباعا 2019 جىلدىڭ 12 ماۋسىمىندا №19-0147/19 ساندى مەملەكەتتىك كەشەندى ساراپتاماسى قورىتىندىسى الىندى.

رىسبەك باتىر، كارىقورعان-تاسباستاۋ، جاڭاتالاپ-اقتوعان، بايتەرەك اۋىلدارى بويىنشا – «سىر جوبا» جشس-گى (جسق 25-تامىز باستالدى، 25-جەلتوقساندا اياقتالدى، ساراپتاماعا اشىق كونكۋرس جاريالانىپ، ناتيجەسىندە «سترويپرودۋكتيۆ» ج ش س كەلىسىم شارتقا وتىردى).

مىنە، بۇل قىراعى قاداعالاۋ مەن جىل باسىنداعى جوسپارلى جۇمىستىڭ جەمىسى.