جامبىل وبلىسىندا «وڭىرلەردى دامىتۋدىڭ 2020 جىلعا دەيىنگى» مەملەكەتتىك باعدارلامىسى شەڭبەرىندە جول قۇرىلىسىنا جىل ساناپ ءجىتى كوڭىل بولىنۋدە. بۇرىنعى كەزى ات تۇياعى جەتە بەرمەيتىن جەرگە بۇگىندە جۇرتشىلىق تاستايداي تەگىس جولدارمەن قاتىناۋدا. ودان بولەك، اۋدان مەن اۋىلىشىلىك جولداردىڭ دا ساپاسى جىل ساناپ جاقسارۋدا دەپ جازادى Qamshy.kz اقپارات اگەنتتىگى. 

2019 جىلى جۋالى اۋداندىق ماڭىزى بار 7،033 شاقىرىم اۆتوموبيل جولدارىنا 119 938،9 مىڭ تەڭگە قارجى ءبولىنىپ، ورتا جوندەۋدەن وتكىزىلەدى. ناتيجەسىندە جاقسى جانە قاناعاتتاندىرىلىق جاعدايداعى وبلىستىق جانە اۋداندىق ماڭىزى بار جولدار ۇلەسى 88،0 پايىزدى قۇرايتىن بولادى. ەسەپتى جىلى جوندەۋ جۇمىستارى جۇرگىزىلەتىن جولدار اتاساق.

اۋداندىق ماندەگى «تالاپتى-الاتاۋ-زاستاۆا» - 12،3 شق اۆتوموبيل جولىن ورتا جوندەۋ بويىنشا جۇمىسى 2019 جىلعا وتپەلى. 2019 جىلعا بولىنگەن قارجى كولەمى 28 862،9 مىڭ تەڭگە. جۇمىستار تۋاقىتىلى تولىق اتقارىلىپ، ماۋسىم ايىنىڭ 20 جۇلدىزىنا اۆتوموبيل جولى قابىلداپ الىندى.

اۋداندىق ماندەگى «جاڭاتالاپ-كۇركىرەسۋ» - 3،069 شق اۆتوموبيل جولىن ورتا جوندەۋ بويىنشا بولىنگەن قارجى كولەمى 47057،0 مىڭ تەڭگە. كونكۋرس وبلىستىق باسقارما ارقىلى جاريالاندى. جەڭىمپاز مەردىگەر «راۋان» ج ش س انىقتالىپ، كەلىسىم-شارت جاسالىپ، جۇمىستار 01 ماۋسىمدا باستالدى. قازىرگى ۋاقىتتا اسفالت توسەۋ جۇمىستار اتقارىلاۋدا.

سونىمەن قاتار قوسىمشا وبلىستىق بيۋدجەتتەن 44 019،0 مىڭ تەڭگە «شاقپاقاتا-ت.دۇيسەباي ۇلى» اۆتوموبيل جولىن ورتا جوندەۋگە ءبولىنىپ شىلدە ايىندا جۇمىستار باستالدى. ۇتىپ العان مەردىگەر «تاراز كولىك جولى» ج ش س.

«وڭىرلەردى دامىتۋدىڭ 2020 جىلعا دەيىنگى» باعدارلامىسىنىڭ شەڭبەرىندە جۋالى اۋدانىنىڭ ەلدى مەكەندەرىنىڭ ينفراقۇرىلىمدىق كەشەنىن جاڭعىرتۋ ءىس-شارالارىن جۇزەگە اسىرۋ ماقساتىندا 2019 جىلعا ب.مومىش ۇلى اۋىلى مەن اۋىلدىق وكرۋگتەرگە ۇسىنىلعان 23 جوباعا قورىتىندى بەرىلىپ، 46 301،0 مىڭ تەڭگە قاراستىرىلىپ، ءتيىستى جۇمىستار اتقارىلاۋدا.

شىندىعى كەرەك، بۇرناعى كەزى مويىنقۇم، سارىسۋ، تالاس سىندى شالعاي اۋداندارعا جەتۋ قيىننىڭ-قيىنى ەتىن. سەبەبى جولدىڭ اتى بولعانىمەن، زاتى سىن كوتەرمەيتىن. كەيىنگى ونجىلدىقتا تالاس پەن سارىسۋ اۋدانىدا «باتىس ەۋروپا-باتىس جۇڭگو» ءاۆتودالىزى باعىت الىپ، اتالمىش ەلدى مەكەندەرگە قاتىناۋ ەكى-ۇش ەسەگە وڭاي تۇسكەن-دى. ەندى بيىلدان باستاپ مەركى اۋدانىنان مويىنقۇمعا بەت العان اسفالت جول تولىقتاي جاڭارتۋدان وتۋدە. ودان بولەك، جۋالى اۋدانى سىندى اۋىلىشىلىك جولداردىڭ دا جاقسارىپ جاتقانى قۋانتادى. بۇل ءسوز جوق مەملەكەتتىك باعدارمالاردىڭ بۇقارا بەرىپ جاتقان مول ىرىزدىعى.