قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازاربايەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا التى باسىمدىقتى بەلگىلەپ بەرگەنى بەلگىلى. جولداۋ مىندەتتەرى جامبىل وبلىسىندا جۇيەلى ورىندالۋدا دەپ جازادى Qamshy.kz اقپارات اگەنتتىگى.  جولداۋداعى ءبىرىنشى باسىمدىق –حالىق تابىسىنىڭ ءوسۋى. ەكىنشى باسىمدىق – تۇرمىس ساپاسىن ارتتىرۋ.ءۇشىنشى باسىمدىق – ءومىر سۇرۋگە جايلى ورتا قالىپتاستىرۋ. ءتورتىنشى باسىمدىق – ازاماتتار سۇرانىسىنا بەيىمدەلگەن مەملەكەتتىك اپپارات.

بەسىنشى باسىمدىق – ءتيىمدى سىرتقى ساياسات. التىنشى باسىمدىق – ءاربىر قازاقستاندىقتىڭ ەلىمىزدەگى وزگەرىستەر ۇدەرىستەرىنە اتسالىسۋى.

قازاقستاننىڭ ءار ازاماتىنىڭ ءال-اۋقاتىن ارتتىرۋعا باعىتتالعان، قاجەتتى شەشىمدەردى قامتيتىن بۇل جولداۋ مەملەكەتتىك ورگاندار، بيزنەس پەن قوعام ءۇشىن ءىس-قيمىلدىڭ تۇتاس ستراتەگياسىن ايقىندايتىن، ءوزىنىڭ ءمانى مەن مازمۇنى جاعىنان ەرەكشە قۇجات.

بۇل جاڭا الەۋمەتتىك باستامالار قوعامىمىزدىڭ الەۋمەتتىك بىرلىگىن نىعايتۋعا جانە ءاربىر قازاقستاندىقتىڭ ءال-اۋقاتىن ارى قاراي جاقسارتا تۇسۋگە باعىتتالعان.

ن.ءا. نازاربايەۆ 2018 جىلعى 5 قازانداعى جولداۋىندا 2019 جىلدى – جاستار جىلى دەپ جاريالاعان بولاتىن.

پرەزيدەنت جاستاردىڭ بۇگىنى مەن بولاشاعىنا قامقورلىق جاساۋدى ءوز ساياساتىنىڭ نەگىزگى ءمانى دەپ سانايدى. ول جىل سايىنعى ءداستۇرلى جولداۋلارىندا جاستار ساياساتىن جەتىلدىرۋ بويىنشا ىرگەلى تاپسىرمالار بەرىپ جۇرگەنى بەلگىلى، ويتكەنى جاستار قوعامنىڭ ءبىر بولىگى رەتىندە مەملەكەتتە ماڭىزدى ءرول اتقارادى. جاستاردى جۇمىسپەن قامتۋ ماسەلەسى ەلىمىزدە باستى نازارداعى ماسەلە ەكەنى بەلگىلى. وسى پروبلەمانى جويۋ ءۇشىن ەلىمىزدە «ديپلوممەن اۋىلعا»، «بيزنەستىڭ جول كارتاسى»، «جۇمىسپەن قامتۋ-2020»، «ءاربىر وتباسىنا «7-20-25» باعدارلاماسى اياسىندا باسپانا الۋدىڭ جاڭا مۇمكىندىكتەرىن بەرۋ»، «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ»، تاعى باسقا باعدارلامالار قولعا الىنىپ، ەلىمىزدىڭ تۇكپىر-تۇكپىرىندە جۇزەگە اسىرىلىپ جاتىر.

2019 جىلدىڭ قاڭتار – ماۋسىم ايلارىندا اتقارىلعان شارالاردىڭ ناتيجەسىندە جۋالى اۋداننىڭ نەگىزگى الەۋمەتتىك-ەكونوميكالىق دامۋ كورسەتكىشتەرىنىڭ ورىندالۋى قامتاماسىز ەتىلدى.

جالپى العاندا، اۋدان ەكونوميكاسى ەلىمىزدىڭ ءبىرتۇتاس ەكونوميكالىق كەڭىستىگىنىڭ قۇرامداس بولشەگى. اۋداننىڭ الەۋمەتتىك-ەكونوميكالىق كورسەتكىشتەرىنە جىلدان-جىلعا ارتىعىمەن قول جەتكىزىلۋدە.

بۇل جولداۋدىڭ تيگىزگەن شاراپاتى ەكىنى داۋسىز.