ەل ەكونوميكاسىن العا ىلگەرىلەتۋدە قۇرىلىس – مونتاج جۇمىستارىنىڭ الار ورنى ەرەك. وعان قوسا ەلباسى دا جەر-جەرلەردى ەڭ الدىمەن ينفراقۇرىلىممەن قامتاماسىز ەتىپ بارىپ، حالىقتى قونىستاندىرۋدى باسا ايتىپ كەلدى. بۇل باستاما بۇگىندە ەل پرەزيدەنتى قاسىم-جومارت توقايەۆتىڭ تاراپىنان جالعاۋ تاۋىپ، جامبىل جەرىندە تەتىگىن تابۋدا دەپ جازادى Qamshy.kz اقپارات اگەنتتىگى. 

اتاپ ايتساق، جۋالى اۋدانى ب.مومىش ۇلى اۋىلىنداعى كوكتوبە جاڭا تۇرعىن القابىنا (ەلەكتر قۋاتىمەن، گازبەن، سۋمەن قامتاماسىز ەتۋ جانە اۆتوموبيل جولدارى) ينفراقۇرىلىم نىساندارىنىڭ قۇرىلىسى (سمەتالىق قۇنى – 612 000،0 مىڭ تەڭگە) بويىنشا جامبىل وبلىسى اكىمدىگىنىڭ قۇرىلىس، جولاۋشىلار كولىگى جانە اۆتوموبيل جولدارى باسقارماسى ارقىلى مەملەكەتتىك ساتىپ الۋ كونكۋرسى جاريالانىپ، ناتيجەسىندە «تالاس-قۇرىلىس» جشس-گى جەڭىمپاز بولىپ انىقتالعان. قىركۇيەك ايىنىڭ 14ء-ى كۇنى «تالاس-قۇرىلىس» جشس-مەن جالپى سوماسى 404 320،0 مىڭ تەڭگەنى قۇرايتىن №51 ساندى كەلىسىم شارت راسىمدەلىپ، جۇمىس باستالعان. 2018 جىلعا قۇرىلىس-مونتاج جۇمىستارىنا قاراستىرىلعان 178 571،4 مىڭ تەڭگە تولىق يگەرىلدى. ءساۋىر ايىنان باستاپ، جۇمىستىڭ ءىى كەزەڭى باستالىپ 168 659،0 مىڭ تەڭگە قارجىسى يگەرىلدى. جۇمىستاردىڭ ساپالى ءارى جوباعا سايكەس ورىندالۋى ءبولىم مەن «تەحنادزور-2015» جشس-گى قىزمەتكەرلەرى جانە جوبا اۆتورى – «كازرەمجيلپروەكت» ءجشس-نىڭ جوبا ينجەرەنەرى ارقىلى ۇدايى باقىلانۋدا.

قوشمامبەتوۆ مەكتەبىنە قوسىمشا سپورتزال (قازاندىعىمەن بىرگە) قۇرىلىسى (135 839،0 مىڭ تەڭگە) «ەكسپەرتيزا پرو» جشس-گى ارقىلى ساراپتامادان ءوتىپ، قۇرىلىس-مونتاج جۇمىستارىنا قارجى ءبولىنىپ، مەملەكەتتىك ساتىپ الۋدىڭ اشىق كونكۋرسىنىڭ ناتيجەسىنە سايكەس «تاراز قۇرىلىس-ينۆەست» جشس-گى جەڭىمپاز بولىپ تابىلدى. جۇمىستار مامىر ايىنىڭ ءىى جارتىسىندا باستالىپ 39 345،3 مىڭ تەڭگە قارجىسى يگەرىلدى.

وسىلايشا جۋالىلىقتار قۇرىلىس-مونتاج جۇمىستارىنا ءجىتى كوڭىل ءبولىپ، ەلدى مەكەننىڭ ەڭسەسىن تىكتەۋدە. مۇنداي باياندى باستامالار بۇگىندە جامبىل وبلىسىنا قاراستى وزگە اۋدانداردا دا جالعاسىن تابۋدا. ءتىپتى وبلىس ورتالىعىنان شالعاي جاتقان مويىنقۇم اۋدانىنا قاراستى مىڭارال، قاشقانتەڭىز، قياقتى سىندى اۋىلداردا دا قۇرىلىس-مونتاج جۇمىستارىنا ايرىقشا ماڭىزدىلىق بەرىلۋدە. بۇل جەرگىلىكتى بيلىكتىڭ جۇرتشىلىققا جاساپ جاتقان قولداۋى مەن قامقورلىعى ەكەنى داۋسىز. ق ر تۇڭعىش پرەزيدەنتتى نۇرسۇلتان نازاربايەۆتتىڭ جولداۋلارىنىڭ كوزدەگەن تۇپكى ماقساتى دا وسى. الەۋمەتتىڭ الەۋەتىن ارتتىرۋ. بۇل تۇرعىدا جامبىل وبلىسى كوشتەن قالىپ جاتقان جوق.