بۇگىن، 1 قىركۇيەكتە تاراز قالاسىنداعى نازاربايەۆ زياتكەرلىك مەكتەبىندە «سانالى ۇرپاق – جارقىن بولاشاق» تاقىرىبىندا ءبىلىم كۇنى اتالىپ ءوتتى دەپ جازادى Qamshy.kz اقپارات اگەنتتىگى Tarazy.kzسايتىنا سىلتەمە جاساپ.
قىزىققا تولى جازعى ماۋسىمنان سوڭ وقۋشىلار جاڭا ءبىلىم مەن جاڭا جەتىستىكتەر جىلىنا قايتا اياق باستى. جاز بويى ولار «ەكى اپتا اۋىلدا»، «10 كۇن اتا-انا جۇمىسىندا» مەكتەپ جوبالارىنا بەلسەنە قاتىسىپ، اۋىل ومىرىمەن تانىسىپ، اتا-انالارىنىڭ جۇمىسى تۋرالى كوپتەگەن قىزىقتى مالىمەتتەر الدى.
وتكەن وقۋ جىلىنىڭ قورىتىندىسى بويىنشا ۇزدىك جەتىستىكتەرى ءۇشىن 10-سىنىپ وقۋشىسى ءاليحان قالماحانبەت اقش-تىڭ ستەنفورد ۋنيۆەرسيتەتىندە جازعى كۋرسقا قاتىسىپ قايتتى. ال «ازات» مەكتەپ شاڭىراعى «تۋعان ەلگە تاعزىم» زەرتتەۋ-ولكەتانۋ ەكسپەديسياسى اياسىندا ەكى اپتا اتىراۋ وڭىرىندە بولدى.
وسى جازدا العاش رەت «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمى شەتەلدىك قازاق دياسپوراسىنىڭ بالالارى ءۇشىن «ۇلى دالا ۇرپاعى» جازعى مەكتەبىن ۇيىمداستىردى. ەلوردادا رەسەي، يران، موڭعوليا، تۇركىمەنستان، تاجىكستان، وزبەكستان جانە قىرعىزستاننان 150 وقۋشى جينالدى. جازعى مەكتەپ اياسىندا بالالار تاۋەلسىز قازاقستاننىڭ جەتىستىكتەرىمەن تانىستى.
الداعى وقۋ جىلى دا ماڭىزدى ءارى مازمۇندى وقيعالارعا تولى بولماق. ويتكەنى، 2020 جىلى ۇلى وتان سوعىسىنىڭ اياقتالعانىنا 75 جىل تولادى. وقۋشىلاردى ۇلى وتان سوعىسى باتىرلارىنىڭ مىسالىندا تاربيەلەۋ پاتريوتتىق تاربيە بويىنشا جۇمىستىڭ باستى باعىتى بولۋى ءتيىس.
2020 جىل قازاقستاندا ەرىكتىلەر جىلى دەپ جاريالانعانىن دا اتاپ ءوتۋ قاجەت. «ەرىكتىلىك – بۇل شىنايى ءپاتريوتيزمنىڭ بەينەسى، ويتكەنى سىزدەر ءوز ەلىنە قىزمەت ەتۋدىڭ يگى يدەياسىن، حالقىڭىز ءۇشىن جاقسى ءارى ىڭعايلى جاعداي جاساۋدى كوزدەيسىز»، – دەپ اتاپ ءوتتى قازاقستان پرەزيدەنتى قاسىم-جومارت توقايەۆ 20-21 مامىر ارالىعىندا قوستانايدا وتكەن رەسەي-قازاقستان جاستار ىنتىماقتاستىعى فورۋمىندا. سونداي-اق، 2020 جىلى مەكتەپ بارلىق قازاقستاندىقتارمەن بىرگە ۇلى جازۋشى اباي قۇنانبايەۆتىڭ 175 جىلدىق مەرەيتويىن اتاپ وتەدى.
بيىلعى وقۋ جىلىندا تاراز قالاسىنداعى نازاربايەۆ زياتكەرلىك مەكتەبىنىڭ وقۋشىلارى قاتارىنا 140 «وركەن» ءبىلىم گرانتىنىڭ يەگەرى قابىلداندى. مەكتەپ ديرەكتورى تيمۋر نۋركەشوۆ ءوز سوزىندە مەكتەپ قاۋىمىنا جاڭا وقۋ جىلىندا جەمىستى ەڭبەك ەتىپ، بيىك بەلەستەرگە جەتە بەرۋلەرىنە تىلەكتەستىگىن ءبىلدىردى.
سالتاناتتى جيىن اياقتالعاننان كەيىن بارلىق سىنىپتاردا «سانالى ۇرپاق-جارقىن بولاشاق» تاقىرىبىندا ازاماتتىلىق پەن ءپاتريوتيزمنىڭ جالپى رەسپۋبليكالىق ساباقتارى ءوتتى.
2018-2019 وقۋ جىلىندا تارازدىق زياتكەرلىك مەكتەبىن 88 تۇلەك اياقتادى. نازاربايەۆ ۋنيۆەرسيتەتىنە 31 وقۋشى تۇسسە، 47 وقۋشى وتاندىق باسقا دا بەدەلدى ۋنيۆەرسيتەتتەردى تاڭداعان. 10 وقۋشى ۆەنگريانىڭ، سينگاپۋردىڭ، يسپانيانىڭ، رەسەي مەن قىرعىزستاننىڭ جوو-نا شاقىرتۋ العان.
پىكىر قالدىرۋ