جامبىلدىقتار جاڭا وقۋ جىلىن جاڭا لەپپەن باستاماق. وڭىردە جىل سايىن جاڭا مەكتەپ پەن بالاباقشالار قۇرىلىسى قارقىن الىپ كەلەدى. بۇل بۇگىنگى ۇرپاقتىڭ ءبىلىم نارىمەن سۋسىنداپ، ومىردەن ءوز ورنىن تابا بىلەتىن ءبىلىمدى، ساۋاتتى مامان بولىپ شىعۋى ءۇشىن جاسالعان قادام.

جامبىل وبلىسىندا 2019-2020 وقۋ جىلىندا 5 مەكتەپ پايدالانۋعا بەرىلدى. ونىڭ 1ء-ۋى ءۇش اۋىسىمدى، 1ء-ۋى اپاتتى جانە 3ء-ۋى ورىن تاپشىلىعى بار مەكتەپتىڭ ماسەلەسىن شەشتى. (ت.رىسقۇلوۆ اۋدانى جالپاقساز اۋىلىنداعى 48 ورىندىق باستاۋىش مەكتەپ (اپاتتى مەكتەپ)؛ بايزاق اۋدانى، اقشولاق ست. 120 ورىندىق ورتا مەكتەپ (ءۇش اۋىسىمدى)؛ شۋ قالاسى توعاي القابىنداعى 300 ورىندىق ورتا مەكتەپ (وقۋشى ورنى تاپشىلىعى بار مەكتەپ)؛ جامبىل اۋدانى بىرلەسۋ-ەڭبەك اۋىلىنداعى 140 ورىندىق ورتا مەكتەپ (وقۋشى ورنى تاپشىلىعى بار مەكتەپ)؛ مەركى اۋدانى قازاق-ديحان اۋىلىنداعى 120 ورىندىق ورتا مەكتەپ (وقۋشى ورنى تاپشىلىعى بار مەكتەپ)
سونىمەن قاتار جىل سوڭىنا دەيىن 4 نىسان پايدالانۋعا بەرىلەدى (3 مەكتەپكە قوسىمشا عيمارات، 1 مەكتەپ-ينتەرناتىنا جەدەل ساتى ورناتۋ).
قالعان اپاتتى جانە ورىن تاپشىلىعى بار مەكتەپتەردىڭ قۇرىلىسىن جۇرگىزۋگە وبلىستىق بيۋدجەتتەن قارجى ءبولىنىپ، ماسەلەسى كەزەڭ-كەزەڭىمەن شەشىلەتىن بولادى.

بيىل وبلىستىڭ ءبىلىم جۇيەسىن قارجىلاندىرۋعا 130 ملرد. تەڭگە ءبولىندى، بۇل وتكەن جىلمەن سالىستىرعاندا 22،2 ملرد. تەڭگەگە ارتىق (2018 جىلى – 107،8 ملرد. تگ.). ونىڭ 5،1 ملرد. تەڭگەسى ءبىلىم بەرۋ نىساندارىنىڭ قۇرىلىسى مەن كۇردەلى جوندەۋگە قارالىپ، بۇگىندە 16 ءبىلىم نىسانىنىڭ قۇرىلىسى جۇرگىزىلۋدە.

140 ورىندىق بىرلەسۋ-ەڭبەك ورتا مەكتەبى دەموگرافيالىق وسىمگە بايلانىستى ورىن تاپشىلىعىن جويۋ ماقساتىندا جاڭادان سوعىلدى. ءبىلىم مەكەمەسىندە بالالاردىڭ ساپالى ءبىلىم الۋلارىنا بارلىق جاعداي جاسالعان. مەكتەپتە 18 وقۋ قابينەتى، سپورت زالى، ءماجىلىس زالى، اسحانا، 2 كومپيۋتەرلىك سىنىپ، روبوتوتەحنيكا جانە جاڭا موديفيكاسيالىق كابينەتتەر بار.

بيىل مەكتەپتە 250 وقۋشى (17 سىنىپ) 2 اۋىسىمدا وقيتىن بولادى. وقۋشىلارعا 39 پەداگوگ ساباق بەرەدى. ونىڭ 12،5 % جاس مامان.