1 قىركۇيەك – ءبىلىم كۇنى قارساڭىندا شۋ اۋدانىنىڭ مەكتەپتەرى تاعى ءبىلىم وشاعىمەن تولىقتى. شۋ قالاسىنداعى شيىرلانعان جولى بار توعاي مولتەك اۋدانى بارشاعا تانىس.  اتالعان مولتەك اۋداننىڭ ءبىر ماسەلەسى مەكتەپتىڭ ازدىعى بولاتىن. بيىل بۇل ماسەلە شەشىلىپ، 300 ورىندىق جاڭا مەكتەپ تۇرعىندار يگىلىگىنە بەرىلدى. جوبالىق قۇنى 1،3 ميلليارد تەڭگەنى قۇراعان مەكتەپكە ت.رىسقۇلوۆ مەكتەبى كوشىرىلدى.

اشىلۋ سالتاناتىندا ءسوز سويلەگەن جامبىل وبلىسى اكىمىنىڭ ورىنباسارى ن.كالەندەروۆ ۇستازدار مەن وقۋشىلاردى، اتا-انالاردى ءبىلىم كۇنىمەن قۇتتىقتاپ، جاڭا مەكتەپتە جارقىن جەتىستىكتەرگە جەتۋلەرىنە تىلەك ءبىلدىردى. ءارى وبلىس اكىمى ا.مىرزاحمەتوۆتىڭ قۇتتىقتاۋىن جەتكىزىپ، مەكتەپكە ءتۇرلى-تۇستى تەلەديدار سىيلادى.

سونداي-اق سانالى عۇمىرىن ءبىلىم سالاسىنا سارپ ەتكەن زەينەتكەر-ۇستاز سەيىتقاسىم بەكەتايەۆ ءسوز الىپ، جينالعانداردى جاڭا مەكتەپتىڭ اشىلۋىمەن قۇتتىقتاپ، اق باتاسىن ارنادى. «-وقۋىمدى اياقتاپ، ارنايى جولدامامەن شۋ اۋدانىنا كەلدىم،سودان  شيرەك عاسىر قالاداعى تولە بي اتىنداعى مەكتەپ ۇستازدىق ەتتىم، ديرەكتور بولدىم. قالالىق ءبىلىم سالاسىن باسقاردىم. ءبىزدىڭ كەزەڭمەن قازىرگە كەزەڭدى سالىستىرۋعا كەلمەيدى. بۇگىندە ءبارى جاڭا تەحنولوگيا. سەندەرگە ايتارىم، ماتەماتيكانى مەڭگەرىندە، ۇبت-عا بۇگىننەن باستاپ دايىندالىندار، سوندا ەڭبەكتەرىن ناتيجەلى بولادى. جاڭا وقۋ جىلدارىن جەمىستى بولسىن»، دەپ ءسوزىن تۇيىدەدى سەيىتقاسىم بەكەتاي ۇلى.

مەكتەپ قۇرىلىسىن جۇرگىزگەن مەردىگەر كومپانيا وكىلى دانا اشىمبەك قىزى سيمۆوليكالىق كىلتتى مەكتەپ ديرەكتورى ايگۇل سەرىكقىزىنا تاپسىرىپ، كومپانيا اتىنان ارنايى سىيلىق تابىستادى.

ارداگەر ۇستاز س.بەكەتايەۆ پەن وبلىس اكىمىنىڭ ورىنباسارى ن.كالەندەروۆ مەكتەپتىڭ اشىلۋ سالتاناتىنا ارنالعان لەنتانى قيىپ، وقۋ عيماراتىنىڭ ىشكى بەزەنىمەن تانىستى.