تاراز قالاسىندا «رۋحاني جاڭعىرۋ» جوبالىق ءوفيسى قىزمەتكەرلەرىنە ارنالعان وبلىستىق وقىتۋ سەمينارى ءوتتى دەپ جازادى Qamshy.kz اقپارات اگەنتتىگى.
ەكى كۇنگە سوزىلعان سمينار جۇمىسىنا وبلىستىڭ شالعاي اۋداندارىندا «رۋحاني جاڭعىرۋ» باعدارلاماسىن جەرگىلىكتى تۇرعىندار ناسيحاتتاۋ، دارىپتەۋ جۇمىستارىمەن اينالىسىپ جۇرگەن ماماندار ارنايى شاقىرىلدى. شارانىڭ العاشقى كۇنى تاراز مەملەكەتتىك پەداگوگيكالىق ۋنيۆەرسيتەتىنىڭ «بالاساعۇن» مۋزەيىندە ءوتتى. بۇل مۋزەي بىلتىر «رۋحاني جاڭعىرۋ» باعدارلاماسىنىڭ «تۋعان جەر» ارنايى جوباسى اياسىندا اتىمتاي جومارت ازاماتتاردىڭ قارجىلاندىرۋ ەسەبىنەن بوي كوتەرگەن بولاتىن. سەميناردىڭ اشىلۋ سالتاناتىندا جامبىل وبلىسى اكىمدىگى ىشكى ساياسات باسقارماسىنىڭ باسشىسى داۋىل بەيسەنقۇلوۆ ءسوز سويلەپ، ەلباسىنىڭ «بولاشاققا باعدار: رۋحاني جاڭعىرۋ» ماقالاسىنان تۋىنداعان مىندەتتەردى ەل اراسىندا ءجۇرىپ ىسكە اسىراتىن جوبالىق وفيس ماماندارىنىڭ بىلىكتىلىگىن ارتتىرۋدىڭ ماڭىزدىلىعىنا توقتالدى.
باسقارما باسشىسىنان كەيىن ءسوز العان جامبىل وبلىسىنىڭ «رۋحاني جاڭعىرۋ» جوبالىق ءوفيسىنىڭ جەتەكشىسى سەرىكبول بەرىكقوجا وقىتۋ سەمينارىنا قاتىسۋشىلارعا باعدارلامانىڭ باسىم باعىتتارى جانە ارنايى جوبالارمەن ءتيىمدى جۇمىس جاساۋ جولدارىن تۇبەگەيلى ءتۇسىندىرىپ، الداعى اتقاراتىن جۇمىستاردىڭ جوسپارىمەن تانىستىردى. ەكى سەكسيالىق جۇمىستارمەن جالعاسقا سەمينار «رۋحاني جاڭعىرۋ» باعدارلاماسىنىڭ جوبالارىمەن جۇمىس جاساۋ جانە اتقارىلعان جۇمىستاردى اقپاراتتاندىرۋ جولدارى ءتۇسىندىرىلدى. بۇل ورايدا باق-پەن ءوزارا ءىس-قيمىل جاساۋ باعىتىنداعى اشىق ارىپتەستىككە باسا ءمان بەرىلدى.
سەميناردىڭ ەكىنشى كۇنىندە قاتىسۋشىلار «رۋحاني جاڭعىرۋ» باعدارلاماسىنىڭ «قازاقستاننىڭ كيەلى جەرلەرىنىڭ گەوگرافياسى» ارنايى جوباسىنا وڭىردەن ەنگەن كيەلى جەرلەرگە ەكسكۋرسيا جاسادى. ەكسكۋرسيادا سوڭ سەمينار قاتىسۋشىلارى "تورتكۇل" كەرۋەن سارايىندا جينالىپ، «SANA» وقىتۋ ورتالىعىنىڭ كوۋچەرى دانيار ومىربەكوۆ، «اينالايىن» قوعامدىق بىرلەستىگىنىڭ ءتورايىمى ايگۇل رازاقوۆا جۇرگىزگەن ترەنينگتەرگە بەلسەنە ات سالىستى. سونداي-اق شارا بارىسىندا قاتىسۋشىلار اراسىندا ۇلتتىق ويىن تۇرلەرىنەن جارىستار دا وتكىزىلدى.
ەكى كۇندىك سەميناردى قورىتىندىلاعان وبلىستىق جوبالىق وفيس باسشىسى سەرىكبول قايرات ۇلى قاتىسۋشىلارعا العىس حاتتار مەن باعالى سىيلىقتار تابىستادى.
پىكىر قالدىرۋ