ق ر پرەزيدەنتتىڭ جەمقورلىققا قارسى ءىس-قيمىل جوسپارىنىڭ جەتى نەگىزگى شاراسىنىڭ ءبىرى رەتىندە مەملەكەت پەن ازاماتتىق قوعام ينستيتۋتتارىنىڭ كونسترۋكتيۆتى ارىپتەستىگىن اتاپ، جەمقورلىقپەن كۇرەستە كۇشتىك شارالار ازدىق ەتەتىن ايتقان بولاتىن. بۇل رەتتە، جامبىل وبلىسىندا اشىق بيۋدجەتتەردىڭ ينتەراكتيۆتى كارتاسى جوباسى ىسكە اسىرىلۋ كوزدەلىپ وتىر. اشىق بيۋدجەتتىڭ ينتەراكتيۆتى كارتاسى العاش رەت حالىققا بيۋدجەتتىك شىعىندار تۋرالى ماڭىزدى مالىمەتتەردى قول جەتىمدى جانە تۇسىنىكتى ەتتى جانە قوعامدىق باقىلاۋدىڭ ءتيىمدى مەحانيزمىن قۇرادى دەپ جازادى Qamshy.kz اقپارات اگەنتتىگى.
كارتا ناقتى ۋاقىت رەجيمىندە الەۋمەتتىك نىسانداردى سالۋ، جوندەۋ جانە كۇتۋگە بولىنگەن بيۋدجەت قاراجاتى تۋرالى تولىق مالىمەتتى كورسەتەدى. كارتا مەردىگەرلەر، بولىنگەن قارجى، قۇرىلىستىڭ مەرزىمى، كەپىلدى مىندەتتەمەلەر، قۇرىلىستىڭ ەگجەي-تەگجەيىن، اسفالت توسەمىنىڭ قالىڭدىعى تۋرالى اقپاراتقا قول جەتكىزۋگە مۇمكىندىك بەرەدى. كەز كەلگەن ادام وسى پروسەسستەردى تاۋلىك بويى باقىلاي الادى، ولاردى قۇجاتتامامەن تەكسەرىپ، سايكەسسىزدىكتەر تۋىنداعان جاعدايدا ءتيىستى فوتولار مەن بەينەماتەريالداردى تىركەي وتىرىپ، مەملەكەتتىك ورگانعا حابارلاي الادى. تۇسكەن ارىز شاعىمدار بويىنشا ءتيىستى مەملەكەتتىك ورگان جاۋاپ بەرەدى، ال ەگەر ارىز-شاعىمداردىڭ ىشىندە سىبايلاستىق ەلەمەنتتەرى بولعان جاعدايدا ءبىزدىڭ ورگان نازارعا الىپ زاڭنامامەن بەلگىلەنگەن تارتىپپەن جۇمىستار جاسايتىن بولادى.
سونداي-اق، وبلىس كولەمىندە بيزنەسكە اكىمشىلىك قىسىمدى تومەندەتۋ شارالارى دا نازاردان تىس قالىپ جاتقان جوق.
«Protecting Business and Investments» جوباسى اياسىندا 21 ينۆەستورمەن جالپى سوماسى 363 936 600 000 تەڭگە كۇرايتىن سىبايلاس جەمقورلىققا قارسى سۇيەمەلدەۋ كەلىسىمگە وتىرىپ، كاسىپكەرلەر پالاتاسىمەن بىرلەسە 17 كومپانيانىڭ زاڭدى قۇقىقتارى قورعالدى. ايتارلىعى ينۆەستورلارعا قانداي دا ءبىر اكىمشىلىك كەدەرگى تۋىنداسا، دەپارتامەنتتىڭ مىندەتى وعان دەر كەزىندە قولداۋ كورسەتىپ، زاڭنامامەن كوزدەلگەن تارتىپتە شەشۋ بولىپ تابىلادى.
سونىمەن قاتار، جوبا اياسىندا اعىمداعى جىلدىڭ 30 شىلدەسىندە ينۆەستورلار جانە كاسىپكەرلەرمەن كەزدەسۋ ۇيىمداستىرىلىپ بيزنەسكە قولداۋ ماسەلەرى تۇسىندىرىلسە، ال 20 تامىزدا سىبايلاس جەمقورلىق تاۋەكەلدەردى بولدىرماۋ تاقىرىبىندا اۋدان اكىمدەرى مەن باسقارما باسشىلارىنىڭ قاتىسۋىمەن ارنايى جيىن ءوتتى.
پىكىر قالدىرۋ