جامبىل وبلىسىندا قوعامدىق جەمقورلىق جاعدايلارىنا جول بەرمەۋ ماقساتىندا «ادال جول» جوباسى جۇرگىزىلۋدە. ناتيجەسىندە ق ر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى مەن «جامبىل – ادالدىق الاڭى» جوبالىق ءوفيسى وكىلدەرىمەن ەسەپتىك ءبىر اي ىشىندە كولىكتىك باقىلاۋ ينسپەكسياسىمەن بىرلەسە بيلەتسىز جولاۋشىلاردى انىقتاۋ ماقساتىندا 8 رەيدتىك شارا جۇرگىزىلگەن بولاتىن. وندا 4 بيلەتسىز جولاۋشىلاردى الۋدىڭ فاكتىسى انىقتالىپ، جولسەرىكتەرگە 50 500 تەڭگەگە اكىمشىلىك حاتتاما تولتىرىلدى. ال وبلىستىق ماڭىزى بار جولداردا جۇرگىزىلگەن رەيدتىك ءىس-شارالار ناتيجەسىندە جۇك اۆتوكولىكتەرى جۇرگىزۋشىلەرىنە ارتىق سالماقتاعى جۇك تاسىمالداعانى ءۇشىن 20 حاتتاما تولتىرىلىپ، 3 853 757 تەڭگە ايىپپۇل سالىنعان دەپ جازادى Qamshy.kz اقپارات اگەنتتىگى. .

بۇدان بولەك، دەپارتامەنتتىڭ باستاماشى بولۋىمەن «جول بەر – ءومىردى ساقتا» اكسياسى وتكىزىلدى. اكسيانىڭ ماقساتى – جۇرگىزۋشىلەردى ادالدىققا جانە جاۋاپكەرشىلىككە شاقىرۋ. ولاردىڭ سانالارىنا ادام ءومىرىن ساقتاۋدا جەدەل-جاردەم اۆتوكولىگىنە ءار سەكۋند ماڭىزدى ەكەنىن ءتۇسىندىرۋ. ءىس-شارا بارىسىندا جول ءجۇرۋ ەرەجەسىن بۇزىپ، جەدەل-جاردەم اۆتوكولىگىنە جول بەرمەگەن اۆتوكولىك يەلەرىنە 3 اكىمشىلىك حاتتاما تولتىرىلىپ،جۇرگىزۋشىلەرمەن ءتۇسىندىرۋ جۇمىستارى جۇرگىزىلدى. بۇل اكسيانى ايىنا 1 رەت وتكىزىپ، جۇرگىزۋشىلەر بويىندا پاراساتتىلىق بەينەنى قالىپتاستىرۋ جۇمىستارى جۇرگىزىلمەك.

سوىمەن قاتار، دەپارتامەنت ايماقتاعى جوعارى وقۋ ورىندارىندا وتكەن ماگيستراتۋراعا ءتۇسۋ بويىنشا وتكەن ەمتيحاندارعا باقىلاۋ جاساعان. اتاپ ايتقاندا، 2019 جىلدىڭ 10-14 تامىزى ارالاعىندا م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە ماگيستراتۋراعا ءتۇسۋ ءۇشىن تالاپكەرلەر كەشەندى تەستىلەۋدەن ءوتتى. اتالعان تەسلىلەۋ جۇمىستارىنا دەپارتامەنت قىزمەتكەرلەرى، ارنايى مونيتورينگتىك توپ وكىلدەرى جانە «جامبىل – ادالدىق الاڭى» جوبالىق كەڭسەسى باقىلاۋشى بولىپ قاتىستى.

كەشەندى تەستىلەۋگە 834 تالاپكەر ءوتىنىش ءبىلدىرىپ، ونىڭ 778ء-ى تەستىلەۋگە قاتىسقان. تالاپكەرلەردەن ۇيالى تەلەفون، كالكۋلياتورلار، «شپارگالكا» جانە باسقا دا تىيىم سالىنعان زاتتار تابىلعان جاعدايدا اۋديتوريادان شىعارىلىپ، اكت جاسالىپ، ودان ءارى تەستىلەۋگە قاتىسۋدان بوساتىلاتىنى الدىن-الا ەسكەرتىلدى.

ەمتيحانعا كىرەر الدىندا تالاپكەرلەردەن 517 ۇيالى تەلەفون، 80 شپارگالكا، 6 كوررەكتور الىندى. تەستىلەۋ پروسەسىندە اۋديتوريالار بەينەكامەرالار ارقىلى باقىلانىپ، الدىن الا ۇيالى بايلانىس ءوشىرىلدى.

كەشەندى تەستىلەۋدىڭ جالپى ناتيجەسى بويىنشا 15 ستۋدەنت ەمتيحان بارىسىندا ۇيالى تەلەفون قولدانعانى ءۇشىن تەستىلەۋ زالىنان شەتتەتىلىپ، اكت تولتىرىلىپ، تەستىلەۋگە قاتىسۋدان بوساتىلدى.