ق ر سىبايلاس جەمقورلىققا قارسى ءىس-قيمىل اگەنتىكتىگىندە جاڭادان الدىن الۋ جانە پاراساتتىلىق دەپارتامەنتتەرى قۇرىلعان بولاتىن. وسىعان وراي، جامبىل وبلىستىق دەپارتامەنتىندە وسى باعىتتاعى باسقارمالار قۇرىلىپ، ءوز جۇمىستارىن باستادى دەپ جازادى Qamshy.kz اقپارات اگەنتتىگى. 

وسىعان دەيىن ق ر پرەزيدەنتىنىڭ جەمقورلىققا قارسى ءىس-قيمىلدىڭ ناقتى نەگىزگى شارالارىن اتاپ وتكەن بولاتىن. ونىڭ ىشىندە قوعامدا جەمقورلىققا مۇلدەم توزبەۋشىلىك قاعيداتىن قالىپتاستىرۋ، قوعامدىق باقىلاۋدى كۇشەيتۋ، بيۋدجەتتىك ساياساتتىڭ اشىقتىعى، بيزنەسكە اكىمشىلىك قىسىمدى تومەندەتۋ شارالارىنا باسا نازار اۋدارعان ەدى.

وسى ورايدا، ەسەپتىك 1 اي ىشىندە وسى جوعارىدا اتالعان باعىتتار بويىنشا ءبىرقاتار جۇمىستار اتقارىلدى. اتاپ ايتقاندا، قوعامدا جەمقورلىققا مۇلدەم توزبەۋشىلىك قالىپتاستىرۋ باعىتى بويىنشا «پاراساتتىلىق مەكتەبى» ۇيىمداستىرىلدى. «پاراساتتىلىق مەكتەبىندە» ساراپشىلار مەن ارنايى جاتتىقتىرۋشىلار وبلىستىڭ جوعارى وقۋ ورىندارى مەن كوللەدج وقىتۋشىلارى، زاڭگەرلەر جانە «سانالى ۇرپاق» جوبالىق كەڭسەلەرى باسشىلارىنا سىبايلاس جەمقورلىققا قارسى قولدانۋعا بولاتىن جاڭا ازىرلەمەلەر جانە ادالدىق پەن پاراسات قاعيدالارى تۋرالى وقۋ كۋرسىنان ءوتتى.

سونىمەن قاتار، 2019 جىلدىڭ 27 شىلدەسى دەپارتامەنت جانە «Transparency Kazakhstan» قوعامدىق قورىمەن بىرلەسىپ سىبايلاس جەمقورلىققا قارسى جازعى مەكتەبى ۇيىمداستىرىلدى.

ەندىگى كەزەكتە اتالعان مەكتەپتەردە ءبىلىم العان وقىتۋشىلار مەن ساراپشىلار ءبىلىم وردالارىندا پاراساتتىلىققا بەيىمدەلگەن شارالار مەن وقۋ كۋرستارىن ۇيىمداستىراتىن بولادى.

اتاپ ايتقاندا، ءبىلىم العان وقىتۋشىلار قىركۇيەك ايىنان وقۋ ورىندارىنىڭ ستۋدەنتتەرىنە «پاراسات مەكتەبىنىڭ» اپتالىق كۋرسىن وتكىزىپ، ءتيىستى راستايتىن سەرتيفيكاتتار تابىستايتىن بولادى. ال، مەكتەپتەردە «ادال ۇرپاق» ەرىكتىلەر كلۋبى ارقىلى ءتۇرلى باعىتتاعى وقۋشار اراسىنداعى اكسيالار، زياتكەرلىك جانە ىسكەرلىك ويىندار ارقىلى ادالدىق جانە پاراساتتىلىق قاعيدالارى تۇسىندىرىلەتىن بولادى. ونىڭ جوسپارى ءبىلىم باسقارماسىمەن بىرلەسىپ ازىرلەندى.

ال، قوعامدىق باقىلاۋدى كۇشەيتۋ باعىتى بويىنشا «جامبىل – ادالدىق الاڭىمەن» جوبالىق كەڭسەسىمەن جۇمىستار جۇرگىزىلۋدە. مىسالى الدىنڭعى ايدا «جەمقورلىققا جول بەرمە، قولىڭدى تازا ۇستا» اتتى بانەرلەرى تاراز قالاسى مەن اۋدانداردا تۇرمىستىق جەمقورلىق كورىنىستەرىنىڭ بولدىرماۋ ماقساتىندا جانە پاتريوتتىققا، ادىلدىككە، پاراساتتىلىققا تاربيەلەيتىن جالپى سانى 24 باننەرلەر ءىلىندى.