ءتىلسىز جاۋدىڭ الدىنا الۋ جانە ونىمەن كۇرەس – توتەنشە جاعدايلار دەپارتامەنتىنىڭ باستى مىندەتتەرىنىڭ ءبىرى. دەسە دە، ءتۇرلى فاكتورلاردىڭ سەبەبىنەن ءورتتى بولدىرماۋ مۇمكىن بولار ەمەس. ماسەلەن، اعىمداعى جىلدىڭ 8 ايى ىشىندە جامبىل وبلىسىنىڭ اۋماعىندا 467 ءورت تىركەلدى. وندا 3 ادام قازا بولىپ جانە 3 ادام ءارتۇرلى دارەجەدەگى كۇيىك الدى دەپ جازادى Qamshy.kz اقپارات اگەنتتىگى. 

تىركەلگەن ورتتەردىڭ سالدارىنان ماتەريالدىق شىعىن 76 ملن. 780 مىڭ تەڭگەنى قۇرادى. 2018 جىلمەن سالىستىرعاندا ءورت سانى 3 پايىزعا ءوستى، ءبىراق ماتەريالدىق شىعىنى 40 پايىزعا، ادام ءولىمى 3 ەسەگە، ال جاراقات العاندار 40 پايىزعا كەمىدى. ءورتتىڭ ەڭ باسىم كوپشىلىگى مەملەكەتتىك ورتكە قارسى قىزمەت ورگانىنىڭ باقىلاۋىنان تىس وبەكتىلەردە، ياعني تۇرعىن ءۇي سەكتورى مەن اۆتوكولىك قۇرالدارىندا ورىن العان.

ءورت قاۋىپسىزدىگى سالاسىنداعى مەملەكەتتىك ينسپەكتورلارمەن 1701 شارۋاشىلىق سۋبەكتىلەرىنە ءورت تەحنيكالىق تەكسەرۋ جۇرگىزىلدى، ناتيجەسىندە 8551 ءورت قاۋىپسىزدىگى ەرەجەلەرىنىڭ بۇزىلۋى انىقتالدى: ەرەكشە ءتارتىپ بويىنشا تەكسەرۋ -1060، جوسپاردان تىس -641.

اكىمشىلىك جاۋاپكەرشىلىككە 1172 لاۋازىمدى جانە زاڭدى تۇلعالار اكىمشىلىك جاۋاپكەرشىلىككە تارتىلدى، ونىڭ ىشىندە 118 ەسكەرتۋ، 1054 ادامعا جالپى سومماسى 21 ملن. 30 مىڭ 725 تەڭگە ايىپپۇل سالىندى.

سونىمەن بىرگە، ءورتتىڭ ورىن الۋىنا سەبەپشى بولعان 271 تۇلعالارعا اكىمىشىلىك جازا قولدانىلدى، ونىڭ ىشىندە 162 اقشالاي ايىپپۇل جالپى سومماسى 1 ملن. 295 مىڭ 325 تەڭگە جانە 109 ەسكەرتۋ.

اۋدانارالىق ەكونوميكالىق سوتقا ءورت قاۋىپسىزدىگى ەرەجەلەرىنىڭ بۇزىلۋمەن پايدالانىپ وتىرعان 28 وبەكتىنىڭ جۇمىسىن توقتاتۋ بويىنشا تالاپ ارىز جولدىندى جانە ولار سوت شەشىمىمەن قاناعاتتاندىرىلدى. الدىڭعى بەرىلگەن ۇيعارىمدامانى ورىنداماعانى ءۇشىن 95 ماتەريالدار اكىمشىلىك سوتقا جولداندى. جوعارىدا اتالعان وبەكتىلەر بويىنشا ۆەدومستۆا باسشىلارى جانە جەرگىلىكتى اتقارۋشى ورگاندار اقپاراتتاندىرىلدى.

2019 جىلعى 26 تامىزعا دەيىن وبلىس اۋماعىندا دالالىق القاپتا 1136 گەكتار جەردە 146 جانۋ وقيعاسى تىركەلگەن، ورمان قورى اۋماعىندا 11 ورمان ءورتى ورىن الىپ، اۋماعى 37110،16 گەكتاردى قۇرادى. ناتيجەسىندە 16 ملن. 285 مىڭ 624 تەڭگە شىعىن كەلتىرىلدى، سونداي - اق 577 گەكتار جەردە 8 دالا ءورتى ورىن العان، شىعىنى 3 ملن. 560 مىڭ تەڭگەنى قۇرادى.

وسىعان وراي جامبىل وبلىستىق توتەنشە جاعدايلار دەپارتامەنتى ءتىلسىز جاۋدىڭ الدىن الۋ جانە بولدىرماۋ شارالارىن جۇيەلى تۇردە جۇزەگە اسىرۋدا.