جامبىل وبلىسىندا ءورت شىعۋ وشاقتارىن باقىلاۋ جۇمىستارى عارىشتىق مونيتورينگ ارقىلى جۇرگىزىلۋدە. ماسەلەن 2019 جىلى وبلىس اۋماعىنىڭ عارىشتىق مونيتورينگىن جۇرگىزۋگە وبلىس بيۋدجەتىنەن 5 ملن.200 مىڭ تەڭگە ءبولىندى. «گەوسات» جشس-مەن كەلىسىم شارت جاسالدى. قازىرگى ۋاقىتتا ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ قىزمەتكەرلەرى كۇنىنە 3 رەت وبلىستىڭ مەملەكەتتىك ورمان قورى اۋماعىن «قازاۆياورمانقورعاۋ» رمقك جالپى الاڭى 3،2 ملن. گەكتار اۆياتەحنيكامەن ۇشۋ ارقىلى ارالاۋدا دەپ جازادى Qamshy.kz اقپارات اگەنتتىگى

«قازاۆياقۇتقارۋ» اق اۆياتەحنيكاسىمەن وبلىس اۋماعىنداعى ءورت ءقاۋىپتى ۋچاسكەلەردى ارالاپ شىعۋ جانە ولاردىڭ ورتكە قارسى جاعدايىنا مونيتورينگ جۇرگىزۋ ءۇشىن اعىمداعى جىلى وبلىس اكىمدىگىمەن 42،8 ملن تەڭگە (48 ۇشۋ ساعاتى) ءبولىندى. سونىمەن قاتار، 2018 جىلى جەرگىلىكتى بيۋدجەتتەن 21 ملن. تەڭگە سوماسىنا ۇشقىشسىز ۇشۋ اپپاراتى ("سۋپەركام ح 6م2م") ساتىپ الىندى.

مەملەكەتتىك ورمان قورىنىڭ اۋماعىنا جانە اۆتوموبيل جولدارىنىڭ بويىندا ءورت قاۋىپسىزدىگى ەرەجەلەرىن ساقتاۋ تاقىرىبىنا 315 انشلاگ، 40 پاننو جانە 25 بيلبورد، 10 باننەر ورناتىلدى جانە جاڭارتىلدى. ورمان ورتتەرىن دەر كەزىندە انىقتاۋ ءۇشىن 18 ءورت باقىلاۋ مۇناراسى ورناتىلدى. مەملەكەتتىك مەكەمەلەردىڭ اۋماعىنا كىرەتىن جەرلەردە قوسىمشا 24 باقىلاۋ پۋنكتى ورناتىلدى.

رەسپۋبليكالىق ماڭىزى بار اۆتوجولداردا جول قىزمەتتەرىنىڭ جۇمىس جوسپارىنا سايكەس 1074 كم قاشىقتىقتا ورمان ەكپەلەرىنىڭ بويىندا، وبلىستىق ماڭىزى بار اۆتوجولداردىڭ بويىندا 367 كم قاشىقتىقتا جانە تەمىر جولداردىڭ بويىندا 104 كم قاشىقتىقتا جىرتۋ جۇرگىزىلدى.

قازىرگى ۋاقىتتا جەرگىلىكتى اتقارۋشى ورگاندار وبلىستىڭ تج دەپارتامەنتى مەن ب ا ق وكىلدەرىمەن بىرلەسىپ ورمان جانە دالا ورتتەرىنىڭ الدىن الۋ جانە جويۋ بويىنشا بەلسەندى الدىن الۋ جۇمىستارىن جۇرگىزۋدە.

الدىن الۋ جۇمىستارىن جۇرگىزۋ ءۇشىن جەرگىلىكتى بيۋدجەت ەسەبىنەن دەپارتامەنت جالپى سوماسى 1 ملن 78 مىڭ تەڭگەگە ورتكە قارسى تاقىرىپتاعى 140 مىڭ دانا باسپا ونىمدەرىن الدى.

ورمان قورى اۋماعىنداعى 395 ورمان پايدالانۋشىلارمەن ورتكە قارسى كۇرەس شارالارىن ۇيىمداستىرۋ جونىندە كەلىسىم-شارتتار جاسالدى. مەنشىك تۇرىنە قاراماستان، اۋىل شارۋاشىلىعى تەحنيكاسىنىڭ تەحنيكالىق جاعدايىنا، ۇشقىن وشىرگىشتەردىڭ بولۋىنا، ورتكە قارسى تالاپتاردىڭ ساقتالۋىنىڭ قاجەتتىلىگى بويىنشا 5 مىنان استام جادىنامالار جانە ەسكەرتۋ حاتتارى شارۋا قوجالىقتارىنىڭ جانە باسقا دا اۋىل شارۋاشىلىعى سۋبەكتىلەرىنىڭ باسشىلارىنا تابىستالدى.

اۋىل شارۋاشىلىق سۋبەكتىلەرىنىڭ ءبىرىنشى باسشىلارى مەن قىزمەتكەرلەرىمەن، ساياجاي ءماسسيۆىنىڭ تۇرعىندارىمەن ءورت قاۋىپسىزدىگى ەرەجەلەرىن ساقتاۋ تۋرالى 2820 ادامنىڭ قاتىسۋىمەن 459 نۇسقاۋلىق وتكىزىلدى، 1014 ادامدى قامتي وتىرىپ، 142 جيىن ۇيىمداستىرىلدى.

اۋىل شارۋاشىلىق سۋبەكتىلەرىنىڭ ءبىرىنشى باسشىلارى مەن قىزمەتكەرلەرىمەن، ساياجاي ءماسسيۆىنىڭ تۇرعىندارىمەن ءورت قاۋىپسىزدىگى ەرەجەلەرىن ساقتاۋ تۋرالى 514 ادامنىڭ قاتىسىمەن 52 دوڭگەلەك ۇستەل وتىرىسى وتكىزىلدى.