اعىمداعى جىلدىڭ 7 ايى ىشىندە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ Call-center ورتالىعىنا ءار ءتۇرلى قۇقىق بۇزۋشىلىقتار تۋرالى 768 ازاماتتىڭ ءوتىنىشى تۇسكەن، ولاردىڭ ىشىندە 30 جامبىل وبلىسىنىڭ اۋماعىندا جاسالىنعان زاڭ بۇزۋشىلىقتارعا قاتىستى دەپ جازادى Qamshy.kz اقپارات اگەنتتىگى. 

جوعارىدا كورسەتىلگەن 30 ءوتىنىش دەپارتامەنتكە ءتۇسىپ، بىردەن اقپاراتتاردى ەسەپكە الۋ كىتابىنا تىركەلىپ، بارلىق وتىنىشتەر بويىنشا قاجەتتى تەكسەرۋ شارالارى جۇرگىزىلگەن. Call-center ورتالىعىنا تۇسكەن وتىنىشتەر بويىنشا قىلمىتىق ىستەر قوزعالماعان.

Call-center ورتالىعىنا تۇسكەن وتىنىشتەرگە جۇرگىزىلگەن تالداۋعا سايكەس، كوپ جاعدايدا ازاماتتار اكىمشىلىك جانە ونىڭ قۇرىلمدىق بولىمشەلەرى قىزمەتكەرلەرىنىڭ زاڭسىز ارەكەتتەرىنە قاتىستى شاعىمدانادى، ودان كەيىن ىشكى ىستەر ورگاندارىنىڭ قىزمەتكەرلەرىنە قاتىستى. وتىنىشتەردىڭ مانىنە كوڭىل اۋداراتىن بولساق، كوبىنەسە لاۋازىمدى ادامدارمەن اقشا تالاپ ەتۋ دەرەكتەرى بولىپ تابىلادى.

قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىمەن قازاقستان رەسپۋبليكاسى ۇكىمەتىنىڭ 2015 جىلعى 30 جەلتوقسانداعى №1131 بەكىتىلگەن «سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى كوتەرمەلەۋ تۋرالى قاعيداسىنا» سايكەس ازاماتتارمەن ۇنەمى تۇردە جۇمىستار جۇرگىزىلۋدە.

سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسكەن ادامدارعا، ەگەر كىنالى ادامعا قاتىستى اكىمشىلىك جازا قولدانۋ تۋرالى سوت قاۋلىسى نەمەسە ايىپتاۋ ۇكىمى زاڭدى كۇشىنە ەنگەن بولسا، ءبىرجولعى اقشالاي سىياقى تولەنەدى.

وسىلايشا، اعىمداعى جىلدىڭ 7 ايىندا سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان – 18 ادامعا (2018ج. 12 ايىندا – 13 ازامات) جالپى سومماسى 2،5 ملن. تەڭگەگە (2018ج. 12 ايىندا – 1،7 ملن. تەڭگە) ءبىرجولعى اقشالاي سىياقى تۇرىندە كوتەرمەلەۋ تولەنگەن.

ستاتيستيكالىق اقپاراتقا جۇگىنەتىن بولساق، جوعارىدا كورسەتىلگەن 18 ءوتىنىش بويىنشا ق ر قك-نىڭ تومەندەگى باپتارى بويىشا قىلمىستىق ىستەر قوزعالعان.

بارلىق تىركەلگەن سىبايلاس جەمقورلىق قۇقىق بۇزۋشىلىق دەرەكتەرى بويىنشا، لاۋازىمدى ادامدار ءار ءتۇرلى قىلمىستىق جاۋاپتىلىقتارعا تارتىلعان.