مەملەكەت باسشىسى قاسىم-جومارت توقايەۆتىڭ بۇگىنگى حالىققا ارناعان العاشقى جولداۋى بيزنەس وكىلدەرى ءۇشىن توسىن، ءارى جاعىمدى جاڭالىقتارعا تولى بولدى.
اسىرەسە، پرەزيدەنتتىڭ «جۇمىس بەرۋشىنىڭ جۇمىسشىعا قوسىمشا 5 پايىز زەينەتاقى اۋدارۋى 2023 جىلعا شەگەرىلەدى»، - دەگەن ءسوزى كاسىپكەرلەردىڭ ەڭسەسىن كوتەرىپ تاستادى. بۇل ماسەلە ايتىلعان ساتتەن باستاپ «اتامەكەن» ۇلتتىق كاسىپكەرلەر پالاتاسى بيزنەسكە ارى قاراي اۋىرتپالىق سالۋدى ۇلعايتۋعا قارسىلىعىن ءبىلدىرىپ، اتالعان نورمالاردى قايتا قاراۋ بويىنشا ناقتى پوزيسيانى ۇستانعان بولاتىن. سونىمەن قاتار، ۇلتتىق پالاتا ءوز كەزەگىندە كاسىپكەرلەردى، قاۋىمداستىقتاردى، تاۋەلسىز ساراپشىلاردى تارتۋ ارقىلى ماسەلەنى جان-جاقتى تالقىلاۋعا دا شاقىردى. مىنە، بۇگىن ناتيجەنى كورىپ وتىرمىز، قاسىم-جومارت كەمەل ۇلى 5 پايىزدىق مىندەتتى زەينەتاقىلىق جارنانىڭ ەنگىزىلۋ مەرزىمىن شەگەرۋدى تاپسىردى.
جولداۋداعى بيزنەس وكىلدەرى ءۇشىن كەلەسى ۇلكەن قولداۋ – پرەزيدەنتتىڭ ميكرو جانە شاعىن بيزنەس كومپانيالارىن تابىسقا سالىناتىن سالىقتان 3 جىلعا بوساتۋ تۋرالى ۇكىمەتكە زاڭدى نەگىز قۇرۋدى تاپسىرۋى. جامبىل وبلىسىنىڭ بيزنەس وكىلدەرى سوڭعى كەزدەرى كورشى وزبەكستان ەلىندەگى شاعىن جانە ورتا بيزنەسكە كورسەتىلىپ جاتقان جەڭىلدىكتەردى قىزىعا ايتىپ، وسى ماسەلەنى كاسىپكەرلەر پالاتاسىنىڭ وڭىرلىك كەڭەس مۇشەلەرى دە كوتەرىپ جۇرگەن بولاتىن. مەملەكەت باسشىسىنىڭ بۇگىنگى
جولداۋدا ۇكىمەتكە بەرگەن تاپسىرماسىن كاسىپكەرلەر قۋانا قابىلدادى. ناتيجەسىمەن جاڭا جۇمىس ورىندارى اشىلىپ، ءوز ەلىمىزدە وندىرىلەتىن ونىمدەر ساپىنىڭ ارتارى ءسوزسىز.
جولداۋدا ايتىلعان «بيزنەستىڭ جول كارتاسى» باعدارلاماسىنا قوسىمشا بولىنەتىن 250 ملرد.تەڭگە، مەملەكەتتىك ساتىپ الۋداعى اشىقتىقتى تالاپ ەتۋ، 2020 جىلدان باستاپ 3 جىلعا دەيىن ميكرو جانە شاعىن كاسىپكەرلىكتى تەكسەرۋگە تىيىم سالۋ، ەكونوميكانى ءارتاراپتاندىرۋعا قاتىستى ماسەلەلەر كاسىپكەرلەردىڭ كوكەيىندە جۇرگەن جايتتار بولاتىن.
مەملەكەت باسشىسى بۇل قادامدار ارقىلى ەلىمىزدە كاسىپكەرلىكتى قولداۋ الداعى ۋاقىتتا دا جان-جاقتى جۇرگىزىلەتىندىگىن كورسەتتى. جولداۋ كاسىپكەرلەرگە وسىنداي كورسەتىلمەك جەڭىلدىكتەرىمەن قۇندى.
ولجاس قارجاۋوۆ، جامبىل وبلىسى كاسىپكەرلەر پالاتاسىنىڭ ديرەكتورى
پىكىر قالدىرۋ