«سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى مەملەكەت باسشىسى قاسىم-جومارت توقايەۆتىڭ حالىققا جولداۋى قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆتىڭ باسشىلىعىمەن الەمدەگى بەدەلدى ءارى ورنىقتى مەملەكەتكە اينالعان ەلىمىزدىڭ تاۋەلسىزدىگىن نىعايتىپ، حالقىمىزدىڭ جاعدايىن جاقسارتۋدىڭ جاڭا ساپالى كەزەڭىنىڭ مۇمكىندىكتەرى جانە مىندەتتەرى ايقىندالىپ وتىر. 5 ينستيتۋسيونالدىق رەفورما جانە ۇلت جوسپارىن تولىق جۇزەگە اسىرۋ قاجەتتىلىگىن كوزدەيتىن جولداۋ پرەزيدەنتتىڭ سايلاۋ الدىنداعى باعدارلاماسىنىڭ نەگىزى بولىپ تابىلادى.
ساياسي جۇيەنىڭ «كۇشتى پرەزيدەنت - ىقپالدى پارلامەنت – ەسەپ بەرەتىن ۇكىمەت» فورمۋلاسى مەملەكەت تۇراقتىلىعىنىڭ نەگىزى بولىپ تابىلاتىنىڭ اتاپ كورسەتكەن مەملەكەت باسشىسى ازاماتتىق قوعامدى قولداۋ جانە نىعايتۋ قاجەتتىلىگىنە توقتالدى. وسى ماقساتتا قۇرىلعان قوعامدىق سەنىمنىڭ ۇلتتىق كەڭەسى روتاسيالىق قاعيداتپەن جۇمىس جاسايتىن بولادى. پارتيا قۇرىلىسىنىڭ پروسەسىن جالعاستىرۋ جانە ەلىمىزدەگى كوپپارتيالىق، ساياسي باسەكەلەستىك جانە پىكىرلەر ۇستانىمى ساياسي جۇيەنىڭ تۇراقتىلىعى ءۇشىن وتە ماڭىزدى ەكەندىگىنە باسا نازار اۋداردى. الداعى پارلامەنت ءماجىلىسى جانە ءماسليحاتتار سايلاۋى ەلىمىزدەگى كوپپارتيالىق جۇيەنىڭ ارى قاراي دامۋىنا ىقپال ەتەتىندىگىن اتاپ كورسەتتى. مەملەكەتتىك ورگاندار قىزمەتىندەگى باسىمدىقتار قوعامىق ديالوگ، اشىقتىق، ازاماتتاردىڭ مۇڭ – مۇقتاجىن جىلدام قابىلداۋ تۇرعىندارمەن كەرى بايلانىستىڭ تيىمدىلىگىن ارتتىرادى. جولداۋدا دامۋدىڭ جاڭا كەزەڭىندەگى الەۋمەتتىك سالاداعى باسىمدىقتار ايقىندالعان. ءبىلىم بەرۋ ساپاسىن جاقسارتۋ ماقساتىندا وقۋشىلاردىڭ
قابىلەتىن ايقىنداپ، كاسىبي باعىت-باعدار بەرۋ ساياساتىن جۇرگىزۋ وتە وزەكتى. جولداۋدا اتاپ كورسەتىلگەندەي، ەلىمىزدە ماماندار دايارلاۋدىڭ وتاندىق جۇيەسى ناقتى ەڭبەك نارىعىنان تىس قالعان. ونىڭ دالەلى، ورتا مەكتەپتى اياقتاعان تۇلەكتەر تەحنيكالىق جانە كاسىپتىك جانە جوعارى وقۋ ورىندارىنا قابىلدانباي قالىپ، جۇمىسسىزدار جانە مارگينالدار قاتارىن كوبەيتۋى بۇگىنگى كۇننىڭ شىندىعى. سالدارىنان ولاردىڭ قىلمىستىق توپتارعا، ەكسترەميستىك ءدىني اعىمداردىڭ ىقپالىنا ءتۇسىپ كەتۋى ورىن الۋدا. سوندىقتان دا، جولداۋدا كورسەتىلگەندەي، ورتا ءبىلىم بەرۋدىڭ ۇلتتىق ستاندارتى وقۋشىلارعا كاسىبي باعدار بەرۋ تيىمدىلىگىن قامتاماسىز ەتۋگە باعىتتالۋى ءتيىس. جولداۋدا ايتىلعان وزەكتى ماسەلەنىڭ ءبىرى - مۇعالىمدەر مەن وقىتۋشىلاردىڭ الەۋمەتتىك جاعدايى. پرەزيدەنت تامىز كونفەرەنسياسىندا الداعى 4 جىل ىشىندە مۇعالىمدەردىڭ ەڭبەكاقىسىن 2 ەسە ارتتىرۋدى تاپسىرعان بولاتىن. كەلەسى جىلدان باستاپ ۇستازداردىڭ جالاقىسى 20 پايىزعا وسەتىندىگى بۇكىل ۇستازدار قاۋىمى ءۇشىن ۇلكەن قولداۋ دەپ سانايمىن. ءوز كەزەگىندە پەداگوگتار بولاشاق ۇرپاقتىڭ تاربيەسى مەن ءبىلىم الۋى ءۇشىن ۇلكەن جاۋاپكەرشىلىكپەن قىزمەت اتقارۋى ءتيىس. 2020 جىل – ەرىكتىلەر جىلى دەپ جاريالاندى. مەملەكەت باسشىسى اتاپ ايتقانداي، جاستاردىڭ بويىندا بەلسەندى ومىرلىك ۇستانىم داعدىلارىن قالىپتاستىرۋ ارقىلى ازاماتتىق قوعامدى نىعايتۋ ءبىزدىڭ جۇمىسىمىزدىڭ ماڭىزدى قۇرامدى بولىگى بولىپ تابىلادى. سىندارلى قوعامدىق ديالوگ – تاتۋلىق پەن تۇراقتىلىق نەگىزى. رەفورمالاۋدىڭ جاڭا كەزەڭىنە قادام باسقان ەلىمىز ءۇشىن جولداۋدا ايقىندالعان مىندەتتەردى ساپالى ورىنداۋعا ءاربىر ازامات ءوز ۇلەسىن قوسۋى ءتيىس. پرەزيدەنت اتاپ كورسەتكەندەي، وسى ماقساتتا مەملەكەتتىك ورگانداردىڭ جۇمىستى جەدەل اتقارىپ، ناقتى ناتيجەگە قول جەتكىزۋى تالاپ ەتىلەدى. ءتيىستى رەفورمانىڭ جۇزەگە اسىرىلۋى ءۇشىن مەكەمە باسشىلارىنا دەربەس جاۋاپكەرشىلىك جۇكتەلىپ، ايماقتارداعى حالىقتىڭ جاعدايى ساۋالناما نەگىزىندە ناقتى باعالانۋى جولداۋدىڭ سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى بولىپ تابىلاتىندىعىن دالەلدەپ وتىر. حالىقتى تولعاندىراتىن بارلىق ماسەلەلەردىڭ شەشىلۋىن كوزدەيتىن جاڭا جولداۋ ەل تاعدىرىنا جانى اشيتىن ءاربىر ازاماتقا زور سەنىم ارتادى.
ورىنبايەۆا جانار
جامبىل پوليتەحنيكالىق جوعارى كوللەدجىنىڭ ديرەكتورى،
تاراز قالالىق ءماسليحاتىنىڭ دەپۋتاتى
پىكىر قالدىرۋ