قازاقستان رەسپۋبليكاسىنىڭ پرەزيدەنتى ق.توقايەۆتىڭ «سىنداردى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ەل كوكەيىندەگى ماڭىزدى ماسەلەلەر كوتەرىلدى.

ق ر پرەزيدەنتى جولداۋدا كەلەسى جىلى اتالىپ وتەتىن ماڭىزدى مەرەيتويلار مەن ەلەۋلى وقيعالارعا دا توقتالىپ ءوتتى.

عۇلاما ويشىل، ۇستاز ءال-فارابيدىڭ 1150 جىلدىق، حاكىم ابايدىڭ 175 جىلدىق مەرەيتويىن اتاپ ءوتۋ – اتالعان تۇلعالاردى ەڭبەكتەرىن كەڭىنەن تانىتۋعا، وسى ارقىلى جاس ۇرپاق تاربيەسىنە ەرەكشە ىقپال ەتۋگە باعىتتالادى. بۇل رەتتە، ءبىزدىڭ ايماعىمىزدا دا تاعىلىمى مول، ويلى شارالاردىڭ وتەتىن بولادى.

ال ەل تاۋەلسىزدىگىمىزدىڭ وتىز جىلدىعىن كەڭ كولەمدە مەرەكەلەۋ – ەلىمىزدىڭ تاۋەلسىزدىك بەلەستەرىنە، باعىندىرعان بيىكتەرىنە كوز جۇگىرتىپ، الداعى مەجەلەردى ايشىقتايدى. بۇل وقيعالار – مەملەكەت باسشىسى اتاپ وتكەندەي، جاس ۇرپاقتى «وتانشىلدىققا» تاربيەلەۋگە جول اشادى.

كەلەشەگى كەمەل مەملەكەتتىڭ تىرەگى – جاستار بولسا، ولاردىڭ بويىنا وتانسۇيگىشتىك قاسيەتتەردى سىڭىرۋگە ىقپال ەتۋ – ءبىزدىڭ، اعا بۋىننىڭ مىندەتى. ەل پرەزيدەنتىنىڭ جولداۋىنا قولداۋ بىلدىرە وتىرىپ، ايماقتىڭ اعا بۋىن وكىلدەرىن وسى باعىتتا جۇمىلۋعا شاقىرامىن.

ە.ءالىمجان،

جازۋشى-دراماتۋرگ