ەلباسى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جوباسىن ىسكە اسىرۋدا جامبىل وبلىسىنان 8 ادام جەڭىمپاز اتانعان بولاتىن. سونىڭ ءبىرى، ءارى بىرەگەيى سەيدازيموۆ سەمبەك ابەتاي ۇلى ەدى. وسىعان وراي، تاراز قالاسىنىڭ «دوستىق» ۇيىندە «اقپارات تولقىنى» الاڭشاسىندا «رۋحاني جاڭعىرۋ» باعدارلاماسى اياسىندا جامبىل وبلىسى قازاقستان حالقى اسسامبلەياسى ەتنومادەني بىرلەستىكتەر جاستارىنىڭ «100 جاڭا ەسىم» جوباسىنىڭ جەڭىمپازى، مەسەنات، وبلىستىڭ قوعام قايراتكەرى – سەمبەك ابەتايۇلىمەن كەزدەسۋ ءوتتى دەپ جازادى Qamshy.kz اقپارات اگەنتتىگى. 

ءىس-شارانىڭ مودەراتورى جامبىل وبلىسى اكىمى اپپاراتى «قوعامدىق كەلىسىم» كمم باسپا ءسوز ورتالىعىنىڭ ءباسپاسوز-حاتشىسى بيبىگۇل ۋتەپوۆا كەش قوناعىمەن كەزدەسۋدى بەلسەندى جاستاردى جۇمىلدىرا سۇحبات تۇرىندە وتكىزىپ وتىردى.

وتكىزىلگەن ءىس-شارانىڭ ماقساتى ۇلتتىق قۇندىلىقتاردى ساقتاۋ، جاس قازاقستاندىقتاردى مادەني، قوعامي اعارتۋ جاقتارىن تاربيەلىك نىسانعا الۋ، قازاقستاندىق بىرەگەيلىك پەن قوعامدىق كەلىسىمدى قالىپتاستىرۋ بولىپ كوزدەلدى. كەزدەسۋگە قاتىسقان وبلىستىق اسسامبلەيانىڭ «جاڭعىرۋ جولى» جاستار قوزعالىسى مەن «اق جەلكەن» جاستار ليگاسى، انالار مەن اقساقالدار كەڭەسى، ەتنومادەني بىرلەستىكتەر وكىلدەرىمەن قوسا وبلىستىق، قالالىق ب ا ق تىلشىلەرى دە اسسامبلەيا ۇيىمداستىرعان ءىس-شارادان قالىس قالمادى.

سەمبەك سەيدازيموۆ قحا جاستارىمەن كەزدەسۋ بارىسىندا ءوزىنىڭ ومىردە قولى جەتكەن جەتىستىكتەرىمەن بولىسە وتىرىپ، ەلىنىڭ سۇيىكتى ازاماتىنا اينالۋىنا نەنىڭ سەبەپ بولعانى جونىندە سىر شەرتتى. بەدەلدى ازامات دەگەن اتاق-دارەجەگە جەتىپ، ەلىنىڭ ەلەۋلىسى، حالقىنىڭ قالاۋلىسى بولۋ ءۇشىن بار بولعانى – ءوز وتانىنىڭ كەلەشەكتە كوركەيىپ گۇلدەنەتىنىنە تولىق سەنىمنىڭ بولىپ، جانە دە سول وتاندى دامىتۋ جولىندا ايانباي ەڭبەك ەتۋدى بولاشاق ۇرپاققا ۇلگى تۇتتى. ءوزى تۇلەپ ۇشقان كيەلى جامبىل توپىراعىنا ايانباي ەڭبەك ءسىڭىرىپ، تالاي قايىرىمدى ىستەرگە ۇيىتقى بولىپ جۇرگەن نار تۇلعانىڭ ەلىمىز ەگەمەندىك العاننان باستاپ وبلىس ءۇشىن اتقارعان يگى ىستەرى ەرەن ەكەنىنە تاعى ءبىر كوز جەتكىزدىك.

ەركىن سۇحبات الاڭىنا اينالعان كەزدەسۋ بارىسىندا جاستار كەشتىڭ قۇرمەتتى قوناعىنا وزدەرىن قىزىقتىرعان ساۋالدارىن قويىپ جاتتى. ءار سۇراققا اسا مۇقياتتىلىقپەن جاۋاپ بەرگەن سەمبەك ابەتاي ۇلى ومىرلىك تاجىريبەسىنەن ءتۇرلى مىسالدار كەلتىرە وتىرىپ، جامبىل وبلىسىنىڭ قوعامدىق جانە الەۋمەتتىك دامۋ جولىندا نەندەي ءىس-شارالارعا اتسالىسقانى تۋراسىندا دا ءوز ويىن ورتاعا سالدى.

ەل سىيلاعان قوعام قايراتكەرىنىڭ جاستارمەن ارنايىلاپ التىن ۋاقىتىن ءبولىپ، كەزدەسۋگە كەلىپ، «100 جاڭا ەسىم» جوباسىنىڭ يەگەرى بولۋ دارەجەسىنە جەتۋ جولىندا تىڭ دۇنيەلەرمەن بولىسكەنى ءۇشىن وبلىس اكىمى اپپاراتى «قوعامدىق كەلىسىم» كمم باسشىسى رانو ۋبايدۋللايەۆا العىس ايتىپ،

اسسامبلەيا اتىنان ەستەلىك سىيلىق پەن العىس حات تابىستادى. كەش ەستەلىك سۋرەتكە تۇسۋمەن اياقتالدى.