«مەكتەپكە جول» رەسپۋبليكالىق اكسياسى سوڭعى بەسجىلدىقتىڭ بەدەرىندە ەڭ اۋقىمدى اكسيالاردىڭ ءبىرى بولعانى داۋسىز. جاڭا وقۋ جىلى ماۋسىمىندا جوبا ارقىلى تالاي بالا قۋانىشقا كەنەلۋدە. بۇل باعىتتاعى جۇمىستار جامبىل وبلىسىندا دا كوپكە ۇلگى بولارلىق دەپ جازادى Qamshy.kz اقپارات اگەنتتىگى.
بۇل باستاماعا بۇگىندە وڭىردە ەتومادەني بىرلەستىكتەر دە ايرىقشا ۇلەس قوسۋدا. وسى ورايدا تارازا قالاسىنداعى «دوستىق ۇيىندە» ۇيعىر ەتنوسىنىڭ ءبىرىنشى سىنىپ وقۋشىلارى «جامبىل وبلىسى بويىنشا ماحمۇت قاشقاري اتىنداعى ۇيعىر ەتنومادەني بىرلەستىگى» قوعامدىق بىرلەستىگىنىڭ جەتەكشىسى جانە اتالعان ءىس-شارانىڭ ۇيىمداستىرۋشىسى مۋحابات تۋردىيەۆا حانىممەن كەزدەستى.
مۋحابات ابدراحمان قىزى بالالار مەن ولاردىڭ اتا-انالارىن جاڭا وقۋ جىلىنىڭ باستالۋىمەن قۇتتىقتادى:
- «بۇلدىرشىندەر، سىزدەر ءۇشىن "مەكتەپ"اتتى جاڭا جول اشىلعالى تۇر. ءسىز ءۇشىن بۇل جول قىزىققا جانە تاعىلىمعا تولى بولسىن. سىزدەر تەك قانا جاقسى باعالارمەن عانا ەمەس، سونىمەن قاتار ۇقىپتىلىقتارىڭىزبەن مىنا بىزدەردى قۋانتادى دەپ سەنەمىن! اق جول تىلەيمىن سىزدەرگە!، -دەدى م.تۋردىيەۆا.
ودان ءارى وقۋشىلارعا «دوستىق ءۇيى» عيماراتىنىڭ ىشىندە جانە ماحمۇت قاشقاري اتىنداعى ۇيعىر ەتنومادەني بىرلەستىگىنىڭ مۇراجايى بويىنشا تانىمدىق ەكسكۋرسيا جۇرگىزىلدى. مۇحابات ابدراحمان قىزى بالالارعا ولاردىڭ مادەني مۇراسى مەن ونداعى ەكسپوناتتارى تۋرالى تولىق ايتىپ بەردى. بالالار ايتىلعان اڭگىمەلەرگە ۇلكەن قىزىعۋشىلىق تانىتىپ، سۇراقتارىن قويدى.
كەزدەسۋ سوڭىندا بالالارعا العىس حات پەن مەكتەپكە قاجەتتى قۇرال-جابدىقتار سالىنعان سومكە تابىس ەتىلدى. ايتا كەتۋ كەرەك، مۋحابات ابدراحمان قىزى ءۇشىن بۇل داستۇرگە ەندى. جىل سايىن ول ءبىرىنشى سىنىپ وقۋشىلارىن سىيلىقتارمەن مەكتەپ اتتى كەمەگە شىعارىپ سالادى.
وسىلايشا ەتنومادەني بىرلەستىكتەر «مەكتەپكە جول» اكسياسىنا وزىندىك ۇندەرىن قوسۋدا.
بۇل ارينە كوپكە ۇلگى بولارلىق دۇنيە. تاعى ءبىر ايتا كەتەرلىگى، بۇگىندە جامبىل وبلىسىنداعى ەتومادەني بىرلەستىكتەر ءتۇرلى قايىرىمدىلىق شارالارعا دا ۇيىتقى بولۋدا. ونىڭ قاتارىندا جالىندى جاستار دا مۇمكىندىگى شەكتەۋلى، كوپبالالى وتباسىلارعا مەتريالدىق جانە رۋحاني قامقورلىق كورسەتۋدە. سونداي-اق ءار ەتنومادەني بىرلەستىك ايتۋلى مەرەكەلەردە بالعىندارعا ءتۇرلى مەزىرەتتەن تارتۋ جاساۋدا. بۇل دا بولسا اۋليەاتاداعى ۇلتتار مەن ۇلىستاردىڭ تاتۋلىعىن تانىتىپ تۇرعانى انىق.
پىكىر قالدىرۋ