مەملەكەت باسشىسى قاسىم-جومارت توقايەۆ قازاقستان حالقىنا جاساعان جولداۋىندا جەرگىلىكتى بيلىك وكىلدەرىنىڭ جۇمىسى ءجىتى باقىلاۋدا بولاتىندىعىن ايشىق ايتقان بولاتىن. ارينە بۇل ەڭ ءبىرىنشى اكىمدەردىڭ اشىقتىق ءپرينسيپىن ۇستانىپ، بۇقارامەن بەرىك بايلانىستا بولۋعا جول اشاتىنى انىق. وسى ورايدا اۋليەاتالىق اكىمدەردىڭ الەۋەتى مەن جۇيەلى جۇمىسى كوڭىل قونارلىقتاي دەپ جازادى Qamshy.kz اقپارات اگەنتتىگى. 

اتاپ ايتساق، جامبىل وبلىسى تالاس اۋدانىندا جالپى وندىرىلگەن ءونىمنىڭ جانە قىزمەتتەردىڭ كولەمى شىلدە ايىندا 23 ملرد. 973،2 ملن. تەڭگەنى قۇراپ، 2018 جىلدىڭ شىلدە ايىمەن سالىستىرعاندا 3 ملرد. 756،8 ملن.تەڭگەگە ارتىق ورىندالدى (2018 جىلدىڭ شىلدە ايىندا 20 ملرد. 216،4 ملن. تەڭگە).

ونەركاسىپ ونىمدەرى شىلدە ايىندا 13 ملرد. 850 ملن. 200 مىڭ تەڭگەگە ءوندىرىلىپ، ونەركاسىپ ءوندىرىسىنىڭ كورسەتكىشتەرى 2018 جىلدىڭ شىلدە ايىمەن سالىستىرعاندا 2 ملرد. 854،4 ملن.تەڭگەگە ارتىق ورىندالدى (2018 جىلدىڭ شىلدە ايىندا 10 ملرد. 995،8 ملن. تەڭگە). ناقتى كولەم يندەكسى 102،3 پايىز.

نەگىزگى كاپيتالعا سالىنعان ينۆەستيسيالار شىلدە ايىندا 5 ملرد. 924 ملن. 500 مىڭ تەڭگەنى قۇراپ، 2018 جىلدىڭ شىلدە ايىمەن سالىستىرعاندا 351،1 ملن. تەڭگەگە ارتىق ورىندالدى (2018 جىلدىڭ شىلدە ايىندا 5 ملرد. 573،4 ملن. تەڭگە).

اۋىل شارۋاشىلىعى ءونىمى شىلدە ايىندا 5 ملرد. 523 ملن. تەڭگەگە ءوندىرىلىپ، 2018 جىلدىڭ شىلدە ايىمەن سالىستىرعاندا 325،8 ملن.تەڭگەگە ارتىق ورىندالدى (2018 جىلدىڭ شىلدە ايىندا 5 ملرد. 197،2 ملن. تەڭگە). ناقتى كولەم يندەكسى 102،7 پايىز.

ەسەپتى كەزەڭدە جەكە جانە شاعىن كاسىپورىندارداعى ساۋدا تاۋار اينالىمى 1 ملرد. 002 ملن. 100 مىڭ تەڭگەنى قۇراپ، وتكەن جىلدىڭ شىلدە ايىمەن سالىستىرعاندا 106،9 ملن.تەڭگەگە ارتىق ورىندالدى (2018 جىلدىڭ شىلدە ايىندا 895،2 ملن. تەڭگە). ناقتى كولەم يندەكسى 105،8 پايىز.

ەسەپتى مەرزىمدە قۇرىلىس جۇمىستارىنىڭ كولەمى 3 ملرد. 597 ملن. 900 مىڭ تەڭگەنى قۇراپ، وتكەن جىلدىڭ شىلدە ايىمەن سالىستىرعاندا 469،7 ملن.تەڭگەگە ارتىق ورىندالدى (2018 جىلدىڭ شىلدە ايىندا 3 ملرد. 128،2 ملن. تەڭگە). ناقتى كولەم يندەكسى 110،0 پايىز.

اۋدان بويىنشا پايدالانۋعا بەرىلگەن تۇرعىن ۇيلەردىڭ جالپى كولەمى ماۋسىم ايىندا 5410 شارشى مەتردى قۇراپ، 2018 جىلدىڭ شىلدە ايىمەن سالىستىرعاندا 16404 شارشى مەترگە كەم ورىندالدى (2018 جىلدىڭ شىلدە ايىندا 21814 شارشى مەتر).

دەسە دە، اۋداننىڭ اتقارىپ جاتقان جۇمىسى از ەمەس. جىل سوڭىنا دەيىن بۇل باعىتتاعى باستامالار باعدارىن تابادى دەپ سەنەمىز.