مەملەكەت باسشىسى قاسىم-جومارت توقايەۆ اپتا باسىنداعى جولداۋىندا ەلىمىزدەگى باستى قۇندىلىقتاردىڭ ءبىرى – ۇلتتار دوستىعى ەكەنىن باسا ايتقانى بەلگىلى. ال جامبىل وڭىرىندە ۇلىستاردىڭ ىنتىماعى كوپكە ۇلگى ەكەنى بايىردان بەلگىلى. سونىڭ انىق ايعاعى رەتىندە تاراز قالاسىنىڭ دوستىق ۇيىندە وبلىستىق قحا انالار مەن اقساقالدار كەڭەسىنىڭ ەتنومادەني بىرلەستىك جاستارىمەن «ەلىمنىڭ ەركىندىگى – اتا زاڭىم» اتتى كەزدەسۋى ءوتتى دەپ جازادى Qamshy.kz اقپارات اگەنتتىگى. 

وبلىستىق قازاقستان حالقى اسسامبلەياسى مەن وبلىس اكىمى اپپاراتىنىڭ «قوعامدىق كەلىسىم» مەكەمەسى ۇيىمداستىرعان شاراعا ەتنومادەني بىرلەستىكتەرىنىڭ وكىلدەرى، «جاڭعىرۋ جولى» جاستار قوزعالىسى جانە وبلىستىق جانە قالالىق ب ا ق وكىلدەرى قاتىستى.

جيىندى وبلىس اكىمى اپپاراتىنىڭ «قوعامدىق كەلىسىم» كمم باسشىسى رانو ۋبايدۋللايەۆا اشىپ، كۇن تارتىبىندەگى ماسەلەلەرگە توقتالىپ ءوتتى.

بۇدان كەيىن قحا انالار كەڭەسىنىڭ ءتورايىمى، «جامبىل وبلىسىنىڭ وزبەك ەتنومادەني بىرلەستىگى» قوعامدىق بىرلەستىگىنىڭ باسقارما مۇشەسى مۋحاببات ميراجاپوۆا «قازاقستان رەسپۋبليكاسىنىڭ كونستيتۋسياسى - ەركىندىك، تەڭدىك جانە بوستاندىق مۇراتتارىن ۇستانۋ» تاقىرىبىندا بايانداما جاساپ، كونستيتۋسيامىزدىڭ ەرەكشە تۇستارىن اتاپ ءوتتى. كەلەسى كەزەكتە «احىسكا» تۇرىك ەتنومادەني ورتالىعى» قوعامدىق بىرلەستىگىنىڭ جامبىل وبلىستىق فيليالى» ءتوراعاسىنىڭ ورىنباسارى يبراگيم زۋفاروۆ اتا زاڭىمىز – كونستيتۋسيانىڭ ءبىزدىڭ ومىرىمىزدەگى ماڭىزدىلىعى جونىندە ءوز ويىن ورتاعا سالىپ، قازاقستان كونستيتۋسياسىنا سايكەس قازاقستاندىقتاردىڭ ۇلتىنا، تىلىنە، دىنىنە شەكتەۋ قويىلماي، قۇقىقتارى تەڭ دارەجەدە قارالاتىندىعى، كەز-كەلگەن قازاقستانداعى ەتنوس ءوز سالت-داستۇرلەرىن ۇستانۋعا، كوپشىلىك نازارىنا ۇسىنۋعا قۇقىلى ەكەنىن ايتتى. «جانە ءاربىر قازاقستاندىق ازامات كونستيتۋسيادا كورسەتىلگەن زاڭعا سايكەس ارەكەت ەتسە، قازاقستاننىڭ بولاشاعى جارقىن بولارى انىق. «احىسكا» ەتنومادەني بىرلەستىگى ەلىمىزدىڭ اتا زاڭىنا تولىق ارقا سۇيەپ، مەدەت تۇتامىز» - دەپ ءسوزىن تۇيىندەدى.

جيىن سوڭىندا جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ماحسۇد قىزى ءىس-شاراعا قاتىسقان ەتنومادەني بىرلەستىكتەردىڭ اعا بۋىنى مەن جاستارىن كونستيتۋسيا كۇنىمەن قۇتتىقتادى.

وسىلايشا اۋليەاتالىق ەتنوس وكىلدەرى ايتۋلى مەرەكەگە ايرىقشا وزىندىك ءۇنىن قوستى.