جامبىل وبلىسىندا «ۇلى دالا ەلىنىڭ كيەلى مۇراسى» اتتى تاريحي ەكولوگيالىق اكسياسى اياسىندا «مەنىڭ تاريحىم، مەنىڭ حالقىم، مەنىڭ ەلىم» اتتى جاستار ەكسپەديسياسى اياقتالدى دەپ جازادى Qamshy.kz اقپارات اگەنتتىگى.
ەكسكۋرسيا مارشرۋتتىق جوسپارعا سايكەس ەكى باعىت بويىنشا وتكىزىلگەن بولاتىن. ءبىرىنشىسى تاراز-بايزاق-رىسقۇلوۆ-شۋ-قورداي-مەركى اۋداندارىن، ەكىنشىسى تاراز-جامبىل-جۋالى-تالاس-بايزاق-مەركى اۋداندارىن قامتىدى. قاتىسۋشىلار الدىندا جامبىل وبلىسى اكىمى اپپاراتىنىڭ قوعامدىق كەلىسىم «كوممۋنالدىق مەملەكەتتىك مەكەمەسىنىڭ باس ساراپشىسى البينا تاپايەۆا ءسوز سويلەدى. سونىمەن بىرگە، جامبىل وبلىسى اكىمى اپپاراتى «قوعامدىق كەلىسىم» كمم باسشىسىنىڭ ورىنباسارى ساۋلە قۇرمانقۇلوۆا ەكسپەديسيا قاتىسۋشىلارىنا ءسات ساپار تىلەدى. «جاڭعىرۋ جولى» وكىلدەرىنە وسى ءىس-شارا بويىنشا تەحنيكا قاۋىپسىزدىگى شارالارى جۇرگىزىلدى.
ەكسپەديسيا قاتىسۋشىلارى تارازدا ارحەولوگيالىق ساياباق پەن «كونە تاراز» كەشەنىنە باردى. ەكسكۋرسيادان كەيىن بەلگىلەنگەن نىسان بويىنشا قاتىسۋشىلار اراسىندا لوگيكالىق تاپسىرمالارى بار كۆەست-ويىندارى وتكىزىلدى. بىرلەسكەن ەكسكۋرسيادان كەيىن قاتىسۋشىلار ەكى باعىت بويىنشا ءبولىنىپ، جولعا شىقتى.
ءبىرىنشى توپ اقىرتاس كەشەنىنە، قۇلان اۋىلىنداعى، شۋ جانە قورداي قالاسىنداعى مۇراجايلارعا بارسا، باعدارلامانىڭ زياتكەرلىك جانە ەكسكۋرسيالىق نىسانى بويىنشا ، "جاڭعىرۋ جولى" جاستار قوزعالىسىنىڭ جاستارى #Birge#TazaQazaqstan رەسپۋبليكالىق ەكولوگيالىق اكسياسىن قولدادى . بالالار ساپار بارىسىندا اتالعان اۋدانداردا ەكواكسيا وتكىزدى. اكسيانىڭ ماڭىزدىلىعى - قازاقستان جاستارىن ءوز ايماقتارىنىڭ تازالىعىن ساقتاۋعا شاقىرۋ. كوردايدا قاتىسۋشىلار كوۆوركينگ-ورتالىعىنا بارىپ، «100 جاڭا وقۋلىق» جوباسى اياسىندا «ادامزاتتىڭ قىسقاشا تاريحى» جانە «جاسامپاز جانداردىڭ 7 داعدىسى» اتتى ستيۆەن ر. كوۆيدىڭ ەكى كىتابىمەن تانىستى. كورداي تاريحي-ولكەتانۋ مۇراجايىندا بالالار ەكسپوزيسيالارى ارقىلى بەينە-چەللەندجىن ءتۇسىردى. ودان ءارى بەلگىلەنگەن باعىتقا سايكەس بەلسەندىلەر "قاراقوڭىز" مەملەكەتتىك تابيعي بوتانيكالىق قاۋمالىنا ساپار شەگىپ، قحا جاستارى ىلە الاتاۋى جوتاسىنىڭ باتىس بولىگىنىڭ بىرەگەي وسىمدىكتەرىمەن تانىستى. ەكىنشى توپ ءبىرىنشى كۇنى «كونە تاراز» تاريحي-مادەني ورتالىعىنا، قاراحان مەن ايشا ءبيبى كەسەنەلەرىنە جول تارتىپ، وسى تاريحي ورىنداردىڭ تاريحى تۋرالى ماعلۇمات الدى. كۇننىڭ ەكىنشى بولىگىندە ەكسپەديسياعا قاتىسۋشىلار باۋىرجان مومىش ۇلى مۇراجايىندا ورنالاسقان ەكسپوناتتارمەن تانىسىپ، "شاقپاق اتا اۋليە" ۇڭگىرىنە باعىتتادى. ەكسپەديسيانىڭ ەكىنشى كۇنىندە قاتىسۋشىلار تالاس اۋدانىنداعى تامدى قالاشىعىنىڭ جانە بەرىكقارا شاتقالىنىڭ تاريحىمەن تانىستى. ءۇش كۇندىك ەكسپەديسيا اياقتالعاننان كەيىن قاتىسۋشىلارعا سەرتيفيكاتتار مەن ەستەلىك سىيلىقتار تابىس ەتىلدى.
پىكىر قالدىرۋ