قازىرگى ۋاقىتتا شالعاي جانە ناشار قولجەتىمدى ايماقتاردىڭ تۇرعىندارىنا، تەمىرجولشىلارعا، ولاردىڭ وتباسىلارىنا، دياگنوستيكالىق زەرتتەۋ جانە مەديسينالىق كومەك الۋ ءۇشىن قازاقستاننىڭ ءىرى قالالارعا بارىپ ۇزاق ۋاقىت جوعالتۋدىڭ ۋاقىت پەن قاراجات جۇمساۋدىڭ قاجەتى جوق. 2010 جىلى ىسكە قوسىلعان "جاردەم" پويىزى ەلىمىزدىڭ شالعاي ستانسيالارىنا قىزمەت كورسەتەدى دەپ جازادى Qamshy.kz اقپارات اگەنتتىگى. 

جۋىردا اتالعان «دوڭگەلەكتى ەمحانا» جامبىل وبلىسىنا كەلدى. ءبىرىنشى كۇنى "تالاس" ستانساسىنىڭ جاقىن ماڭداعى ەلدى مەكەندەرىنەن 120 تۇرعىن(ونىڭ ىشىندە 30 بالا) قاجەتتى مەديسينالىق كاسىبي كەڭەس جانە كومەك الدى.

بۇل جولى جامبىل وبلىسىنداعى تالاس ،قاراتاۋ، تامدى، شايقورىق، قۇمشاعال، ءشولدالا سياقتى 6 ستانسانىڭ تۇرعىندارىنا قىزمەت كورسەتۋ جوسپارلانۋدا.

مەديسينالىق پويىزدىڭ نەگىزگى مىندەتى – كەشەندى دياگنوستيكالىق كومەك كورسەتۋ، دياگنوستيكالىق قۇرال-جابدىقتاردى، اپپاراتۋرالاردى پايدالانا وتىرىپ، لابوراتوريالىق، قىزمەتتىك، قۇرال-سايماندىق ادىستەرمەن ەمدەلۋشىلەردى تەكسەرۋ، مىندەتتى مەديسينالىق تكسەرۋدەن وتكىزۋ، مەديسينالىق تالداۋ جانە انىقتالعان مەديسينالىق كورسەتكىشتەرگە سۇيەنە وتىرىپ، ناۋقاستارعا جوسپارلى ەمدەلۋگە، اۋرۋحانادا ەمدەلۋگە جولداما بەرۋ.

ارنايى پوەزد ۆاگوندارىندا تولىققاندى دياگنوستيكالىق كورپۋس، تىركەۋ ورنىمەن،قىزمەتكەرلەردىڭ تاماقتانۋىنا جانە دەمالۋىنا ارنالعان بلوكتار ورنالاسقان . ارنايى ماماندارعا ۇلكەن كەزەك بار. مۇندا ۋلترا دىبىستىق زەرتتەۋ، دياگنوستيكا، تاڭۋ، ەمشارا كابينەتتەرى جانە كىشى حيرۋرگيالىق وپەراسيالار جۇرگىزىلەتىن وپەراسيالىق بلوك قاراستىرىلعان.

بارلىق كابينەتتەر تولىعىمەن كومپيۋتەرلەنگەن. ساندىق فليۋوروگرافيالىق اپپارات ناۋقاسقا رەنتگەن سۋرەتىن بىردەن بەرەدى، ال تاپسىرىلعان تالداۋلاردىڭ ناتيجەلەرى ۇزاق كۇتتىرمەيدى. حالىق اراسىندا مەديسينالىق پويىزداردىڭ جۇمىسى ۇلكەن قولداۋعا يە.

«قازاقستان – 2050» ستراتەگياسىندا: “ۇلت دەنساۋلىعى – ءبىزدىڭ جارقىن بولاشاعىمىزدىڭ نەگىزى. ازاماتتاردىڭ دەنساۋلىعىن جاقسارتۋ، قولجەتىمدى جانە ساپالى مەديسينالىق قىزمەت كورسەتۋ – ەلىمىزدەگى الەۋمەتتىك ساياساتتىڭ ماڭىزدى باعىتى» دەپ ايرىقشا اتاپ كورسەتىلگەندەي، بۇگىنگى كۇنى وبلىسىمىزدا بولىپ، اۋىل تۇرعىندارىنا ساپالى مەديسينالىق كومەك كورسەتۋلەرىڭىزدى ۇلكەن قولداۋ دەپ بىلەمىز. سوندىقتان دا ۇلت ساۋلىعى، دەنساۋلىق ساقتاۋ جۇيەسىن جەتىلدىرۋ، مەديسينالىق قىزمەت كورسەتۋ ساپاسىن ارتتىرۋ ماسەلەلەرى مەملەكەتتىك ساياساتتىڭ باسىم باعىتتارى ەكەنى بەلگىلى.