بۇگىن جامبىل وبلىسى اكىمدىگى عيماراتىنىڭ ءماجىلىس زالىندا قازاقستان رەسپۋبليكاسىنىڭ پرەزيدەنتى ق.ك.توقايەۆتىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋىن ءتۇسىندىرۋ بويىنشا وبلىستىق اكتيۆ جيىنى ءوتتى.

جولداۋدا قامتىلعان ماڭىزدى باعىتتاردى، الەۋمەتتىك سالاداعى وتباسى ينستيتۋتىن قولداۋ مەن ينكليۋزيۆتى قوعام قۇرۋ، ءبىلىم بەرۋ، مەديسينالىق قىزمەتتىڭ قولجەتىمدىلىگى مەن ساپالى بولۋىن قامتاماسىز ەتۋ، مادەنيەت قىزمەتكەرلەرىن قولداۋ، الەۋمەتتىك قولداۋ جۇيەسىنىڭ دامۋى، وتاندىق زەينەتاقى جۇيەسىن دامىتۋ سىندى وزەكتى ماسەلەلەردى شەشۋ باعىتتارىن قاراستىرۋدى ماقسات ەتكەن جيىندا اتالعان باعىتتاعى تاپسىرمالاردىڭ جۇزەگە اسىرىلۋىن ورىنداۋدا جاۋاپكەرشگىلىكتى كۇشەيتۋ جانە ناقتى شارالار قابىلداۋ قاجەتتىگىن ءتۇسىندىرىلدى.

يدەولوگيالىق اكتيۆ جينالىسىنا وبلىس اكىمىنىڭ ورىنباسارلارى، ماسليحات دەپۋتاتتارى، اۋداندار اكىمدەرى، وبلىس اكىمدىگىنىڭ باسقارما، اۋماقتىق دەپارتامەنتتەر،  قۇقىق قورعاۋ ورگاندارى، جوعارى وقۋ ورىندارىنىڭ باسشىلارى، ساياسي پارتيالار، ەتنومادەني ورتالىقتار، ۇكىمەتتىك ەمەس ۇيىمدار، جاستار بىرلەستىكتەرى، بۇقارالىق اقپارات قۇرالدارى وكىلدەرى مەن وبلىستىق اقپاراتتىق توپ مۇشەلەرى قاتىستى.

اكتيۆ جيىنىندا اۋەلى وبلىس اكىمى ا.مىرزاحمەتوۆ ءسوز سويلەپ، جولداۋدىڭ باسىم باعىتتارىنا توقتالدى. سونىمەن قاتار، جولداۋدى وبلىستا ىسكە اسىرۋ بويىنشا نەگىزگى باياندامانى وبلىس اكىمىنىڭ ورىنباسارى س.قۇرمانبەكوۆا جاسادى.

سونداي-اق، جامبىل وبلىسى كاسىپكەرلەر پالاتاسىنىڭ ديرەكتورى و.قارجاۋوۆ، م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ رەكتورى، پروفەسسور م.سارىبەكوۆ، قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى جامبىل وبلىسى بويىنشا دەپارتامەنتى باسشىسىنىڭ مىندەتىن اتقارۋشى ن.ەركەبايەۆ، «جاستار زەرتتەۋ» جاستار قوعامدىق بىرلەستىگىنىڭ ءتورايىمى، ساياساتتانۋشى پ.مامەدوۆا، «نۇر پەريزات» مۇگەدەكتەر قوعامدىق بىرلەستىگىنىڭ ءتوراعاسى س.بايتاسوۆ ءوز سالالارى بويىنشا جولداۋدىڭ باعىتتارىنا سايكەس تاپسىرمالاردىڭ جۇزەگە اسىرىلۋى تۋرالى قابىلداناتىن شارالار مەن اتقارىلاتىن جۇمىس جوسپارلارىمەن تانىستىردى.

ايتا كەتەيىك، جامبىل وبلىسىندا جولداۋدى ءتۇسىندىرۋ بويىنشا قۇرامىندا 102 مۇشەسى بار 11 وبلىستىق اقپاراتتىق توپ قۇرامى جاساقتالدى. اكتيۆ جيىنىندا اقپاراتتىق توپ مۇشەلەرىنىڭ اۋدانداردا حالىقپەن كەزدەسۋ كەستەسى تانىستىرىلدى.

بەكىتىلگەن كەستەگە سايكەس، توپ مۇشەلەرى 6 قىركۇيەكتەن باستاپ جىل سوڭىنا دەيىن وبلىستىڭ 50-دەن استام ەلدى مەكەندەرىنە شىعىپ، مەكەمەلەردە، ەڭبەك ۇجىمدارىندا، وقۋ ورىندارىندا، كاسىپورىندار مەن مادەنيەت ۇيلەرىندە ءتۇسىندىرۋ جۇمىستارىن جۇرگىزىپ، ءىس-شارالارعا 15 مىڭنان استام ادام قامتىلادى دەپ كۇتىلۋدە.

جولداۋدا ايتىلعان مىندەتتەردى ورىنداۋ بويىنشا وبلىستىق                 ءىس-شارالار جوسپارى ازىرلەنىپ، قاجەتتى شارالار قابىلداناتىن بولادى. 

جيىن سوڭىندا ءبىرقاتار ازاماتتار جارىسسوزگە شىقتى.