ءداۋىردىڭ دارا تۇلعاسى، ەلباسى نۇرسۇلتان ءابىش ۇلى نازاربايەۆتىڭ سارابدال ساياساتىن بۇگىندە الەم ەلدەرى مويىنداعانى جاسىرىن ەمەس. ۇلت جاناشىرى، ۇلت كوش باسشىسىنىڭ ءاربىر ءىسى تاريحتا التىن ارىپتەرمەن ساقتالارى دا داۋسىز. وسى ورايدا، «رۋحاني جاڭعىرۋ» مەملەكەتتىك باعدارلاماسى اياسىندا شۋ اۋدانى شۋ قالاسىنداعى س.سەيفۋللين اتىنداع ورتا مەكتەبىندە «ن.نازاربايەۆ: ءداۋىر،تۇلعا، قوعام» اتتى كوشپەلى كورمەسى جوباسى اياسىندا ايتۋلى شارا ۇيىمداستىرىلدى دەپ جازادى Qamshy.kz اقپارات اگەنتتىگى. 

اتالعان كورمە اياسىندا قازاقستان رەسپۋبيكاسىنىڭ تۇڭعىش پرەزيدەنتى-ەلباسى كىتاپحاناسى «تۇڭعىش» ەكسكۋرسيالىق كونسەپسياسىنىڭ نەگىزىگىندە كەلۋشىلەر «تاريحي تاڭداۋ.باستاماسى» «تاريحي تاڭداۋ.ۇمتىلىس» «قازاقستاننىڭ سپورتتىق داڭقى» تاقىرىپتىق ەكسكۋرسيالارىن تاماشالادى.

شارا الدىندا ەلباسى كىتاپحاناسىنىڭ ديرەكتورى ءا.م.راحىمجانوۆ، ورىنباسارى ك.ق.اقتايەۆا، جامبىل وبلىسى اكىمىنىڭ ورىنباسارى س.قۇرمانبەكوۆا، اۋدان اكىمى ج.ايتاقوۆ جينالعاندار الدىندا ءسوز سويلەپ، سىي سياپاتتار الماستى. اتاپ ايتقاندا ءا.راحىمجانوۆ شارانىڭ ماڭىزى مەن مازمۇنىنا توقتالىپ، جوبا اۆتورى ساياساتتانۋشى عالىم، كورنەكتى قايراتكەر، ەلباسى ن.نازاربايەۆتىڭ قاسىندا 30 جىل جۇمىس جاساپ كەلە جاتقان م.قاسىمبەكوۆتىڭ دۇعاي سالەمىن جەتىكىزىپ، اۋدان اكىمى ج.ايتاقوۆقا جانە مەكتەپ ديرەكتورى ج.شالبايەۆاعا العىس حات تاپسىرىپ، ۇيىمداستىرۋعا ات سالىسقاندارى ءۇشىن العىسىن جەتكىزىپ، ەلباسى تۋرالى قۇندى ەڭبەكتەردى سىيعا تارتتى. سونداي –اق اۋدان باسشىسى ج.ايتاقوۆ تا وڭىرگە كەلگەن مەيماندارعا ريزاشىلىعىن ءبىلدىرىپ، جوبا جۇمىسىنان ساتتىلىك تىلەپ ەلباسى كىتاپحاناسىنا ەستەلىك سىيلىق تابىستادى.

سودان كەيىن كەلۋشىلەر ەلباسى ومىرىنەن سىر شەرتەتىن، حابار بەرەتىن دەرەكتەرمەن تانىسىپ،جادىگەرلەردى جاقىنان كورىپ، تاجىربيەلى نۇسقاۋشىلاردىڭ بايانداماسىن تىڭدادى. اۋدان تۇرعىندارىنا سيرەك كەزدەسەتىن بەينەماتەريالدىڭ، فوتوسۋرەتتەر مەن ارحيۆتىك قۇجاتتار، جادىگەرلەردىڭ بىرەگەي كەشەنى ۇسىنىلىپ، كەلۋشىلەرگە ەرەكشە اسەر سىيلادى.ال، ءامىرحان مۇراتبەك ۇلى ءار اۋديتوريانى ارالاپ، كەلۋشىلەرمەن سۇحباتتاستى. جوبانىڭ ماقساتى مەن مىندەتىن ءتۇسىندىردى.

قورداي اۋدانىنىڭ ءالجان انا اۋىلىنان باستاۋ العان كوشپەلى كورمە جوباسى شۋ اۋدانىنا ايالداعاننان كەيىن تاراز قالاسىندا شوقتىعى بيىك شارالارمەن جالعاساتىن بولادى.