مەملەكەت باسشىسى قاسىم-جومارت توقايەۆ كۇنى كەشەگى حالىققا جاساعان جولداۋىندا اۋىل شارۋاشىلىعىن الشاڭ باستىرۋدىڭ تىڭ تەتىكتەرىن تابۋدى تاپسىراعىنى بەلگىلى . وسى ورايدا جامبىل وبلىسىنا قاراستى جامبىل اۋدانىندا بارلىعى 2 389 اگروقۇرىلىمدار جۇمىس جۇرگىزىپ جاتسا، ونىڭ ىشىندە 3 وندىرىستىك كووپەراتيۆ، 25 اۋىلشارۋاشىلىق كووپەراتيۆى جانە 2 361 شارۋا قوجالىقتارى بار دەپ جازادى Qamshy.kz اقپارات اگەنتتىگى. 

اعىمداعى جىلى جامبىل اۋدانىندا اۋىل شارۋاشىلىعى ءونىمىنىڭ جالپى شىعارىلىمى 9 ملرد. 249،7 ملن. تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 116،7%-دى قۇراعان. (2018 جىلى – 7 ملرد. 923،6 ملن. تەڭگە). ال، ناقتى كولەم يندەكسى 102،7%-عا جەتتى.

وسىمدىك شارۋاشىلىعى بويىنشا 1 ملرد. 987،4 ملن. تەڭگەگە ءونىم ءوندىرىلدى نەمەسە 2018 جىلدىڭ ءتيىستى كەزەڭىمەن سالىستىرعاندا 125،9%-دى قۇرادى (2018 جىلى – 1 ملرد 577،9 ملن.تەڭگە). ناقتى كولەم يندەكسى 96،6%-عا جەتتى.

مال شارۋاشىلىعىندا وندىرىلگەن ءونىم كولەمى 7 ملرد. 251 ملن. تەڭگەنى قۇرادى نەمەسە 114،5%-عا ورىندالدى (2018 جىلى – 6 ملرد. 328،3 ملن. تەڭگە). ناقتى كولەم يندەكسى 104،4%-عا جەتتى.

اۋدان بويىنشا 2019 جىلعا اۋىل شارۋاشىلىعى داقىلدارىنىڭ جوسپارلى ەگىس كولەمى 55 300 گەكتاردى قۇراپ، ونىڭ ىشىندە، 2 000 گەكتار كۇزدىك بيداي، 11 010 گەكتار جازدىق ارپا، 1 500 گەكتار داندىك جۇگەرى، 3 640 گەكتار مايلى داقىلدار، 1 500 گەكتار قانت قىزىلشاسى، 425 گەكتار كارتوپ، 7 290 گەكتار كوكونىس، 535 گەكتار باقشا، 27 400 گەكتار كوپجىلدىق ءشوپ. بۇگىنگى جاعدايىنا 2 026 گەكتار كۇزدىك بيداي، 11 310 گەكتار جازدىق ارپا، 1 672 گەكتار داندىك جۇگەرى، 3 151 گەكتار مايلى داقىلدار، 605 گەكتار قانت قىزىلشاسى، 525 گەكتار كارتوپ، 7 660،5 گەكتار كوكونىس، 740،5 گەكتار باقشا جانە 26 714 گەكتار مال ازىعى سەبىلدى.

ماساقتى ءداندى داقىلدار تولىق ورىلدى. جالپى ءتۇسىم كۇزدىك بيدايدان 48 621 توننانى (24،0 س/گا) جانە جازدىق ارپادان 23 977 توننانى (21،7 س/گا) قۇرادى. سونداي اق 540 گا-دان 14 580 توننا باقشا جينالىپ، 26 600 گا-دان 166 603 توننا مال ازىعى دايىندالدى.

اۋداننىڭ جالپى جەر كولەمى 430 954 گەكتاردى قۇرايدى. ونىڭ ىشىندە اۋىل شارۋاشىلىق ماقساتىنداعى جەرلەر 244 999 گەكتار. ەلدى مەكەن جەرلەرى 28 258 گەكتار. جالپى ەگىستىك جەردىڭ كولەمى 64 189 گەكتار (32 974 گەكتار سۋارمالى ەگىستىك، 31 215 گەكتار سۋارىلمايتىن ەگىستىك)، ونىڭ ىشىندە اۋىل شارۋاشىلىعى ماقساتىنداعى پايدالانۋعا جارامدى ەگىستىك كولەمى 59 163 گەكتار (30 333 گەكتار سۋارمالى ەگىستىك، 28 830 گەكتار سۋارىلمايتىن ەگىستىك)،

1 638 گەكتار كوپ جىلدىق ەكپەلەر، 9452 گەكتار شابىندىق، 339 315 گەكتار جايىلىمدىق، 16 360 گەكتار بوگدە جەر ۋچاسكەلەرى.

سوڭعى ەكى جىل كولەمىندە 8 805،05 گەكتار جەر مەملەكەتتىك جەر قورىنا الىنىپ، 7 866،5 گەكتار جەر كونكۋرس ارقىلى قايتا اينالىمعا قوسىلدى.