قازاقستان رەسپۋبليكاسىن يندۋستريالىق-يننوۆاسيالىق دامىتۋدىڭ 2015 - 2019 جىلدارعا ارنالعان مەملەكەتتiك باعدارلاماسى تالاي جوبالاردىڭ بويىنا جان ۇرلەگەنى بەلگىلى. اسىرەسە كاسىپكەرلىكتىڭ كوكجيەگىن جىل ساناپ كەڭەتۋدە. جامبىل وبلىسىندا بۇل باعىتتا باعدارىن تاپقان باستامالار بارشىلىق. سونداي جوبالاردىڭ ەكەۋى جامبىل اۋدانىندا جۇزەگە اسىپ جاتىر دەپ جازادى Qamshy.kz اقپارات اگەنتتىگى. 

ماسەلەن اۋدانعا قاراستى قاروي اۋىلدىق وكرۋگىنەن «تارازگازونىمدەرى» جاۋاپكەرشىلىگى شەكتەۋلى سەرىكتەستىگىنىڭ «سۇيىتىلعان گاز ونىمدەرىن وندىرەتىن زاۋىت» قۇرىلىسىن ىسكە اسىرىلۋدا. جوبا جۇڭگو حالىق رەسپۋبليكاسىنىڭ «ۆيزون ينجينيرينگ لتد» كومپانياسىمەن بىرلەسە جۇيەسىن تاۋىپ جاتىر. جوبا قۇنى شامامەن 16 ميلليارد تەڭگە. جەر كولەمى – 16،0 گەكتار. 108 ادام جۇمىسپەن قامتىلاتىن بولادى. جوبانىڭ باس جوسپارى مەن تەحنيكا-ەكونوميكالىق نەگىزدەمەسى ازىرلەنگەن. «ۆيزون ينجينيرينگ» كومپانياسىمەن جوبانى ىسكە اسىرۋ بويىنشا الدىن-الا ءتيىستى كەلىسىم-شارت جۇمىستارى جۇرگىزىلگەن. قىتايلىق ينۆەستور كومپانيا تاراپىنان جوبانىڭ سمەتالىق قۇجاتتارى ازىرلەنۋدە. جوبا جامبىل وبلىسىنىڭ يندۋستريالاندىرۋ كارتاسىنا ەنگىزىلدى.

ءايشابيبى اۋىلدىق وكرۋگىنەن «سۋپەر فارم» جاۋاپكەرشىلىگى شەكتەۋلى سەرىكتەستىگىنىڭ «ءبىر رەتتىك مەديسينالىق بۇيىمدار شىعاراتىن زاۋىتىنىڭ كولەمىن كەڭەيتۋ» جوباسىنا دا جان بىتكەن. جوبا قۇنى شامامەن 3،5 ميلليارد تەڭگە. جەر كولەمى – 1،5 گەكتار. 250 ادام جۇمىسپەن قامتىلاتىن بولادى. قازىرگى كەزدە قۇرىلىس مونتاج جۇمىستارى جۇرگىزىلۋدە. پايدالانۋعا بەرۋ مەرزىمى 2019 جىلدىڭ قاراشا ايى. جوبا جامبىل وبلىسىنىڭ يندۋستريالاندىرۋ كارتاسىنا ەنگىزىلدى.

جالپى جامبىل وبلىسى يندۋستريالىق جوبالارعا تاپتىرماس ايماق. وسىنى تۇسىنگەن شەتەلدىك ينۆەستورلار جىلدا قىرۋار قارجى اۋدارۋعا قۇلىقتى. ونىڭ ءبىر رەتى اۋىل شارۋاشىلىعى سالاسىنا سالىنىپ جاتسا، وتاندىق ءوندىرىستى ورىستەتۋگە دە قۇيىلىپ جاتقان ينۆەستيسيا جەتەرلىك. بۇل ارينە ءوڭىر ەكونوميكاسىنا قارقىن قوساتىنى انىق. سوندىقتان جامبىل اۋدانىندا جاندانىپ جاتقان ەكى يندۋستريالىق جوبانىڭ دا جۇرتشىلىققا بەرەرى مول دەپ سەنەمىز.

ارينە ءبارى بىردەن بولا قالمايتىنى بەلگىلى. الىپ كاسىپورىنداردىڭ بويىنا قان جۇگىرتۋ ءۇشىن ۇلكەن كۇش پەن ۋاقىت قاجەت. دەگەنمەن ءوندىرىس ورنى ءوزىنىڭ قۋاتتى كۇشىنە شىققاندا تالاي جامبىلدىقتاردى جۇمىسپەن قامتىپ، تاۋارلارى ەكسپورتتىڭ الەۋەتىن ارتتىرادى دەپ كۇتەمىز.