ەل پرەزيدەنتى قاسىم-جومارت توقايەۆ اپتا باسىنداعى جولداۋىندا اۋىل شارۋاشىلىعى كووپەراتيۆتەرىن قۇرۋ، شارۋاشىلىقتاردىڭ باسىن بىرىكتىرۋ، سۋارمالى ەگىستىك كولەمىن ۇلعايتىپ، مال باسىن ارتتىرۋ ماسەلەسىن تاعى ءبىر مارتە كوتەرگەنى بەلگىلى. ال بۇل باعىتتاعى جۇمىستار جامبىل جەرىندە بىرەر جىلدان بەرى جۇيەسىن تاۋىپ وتىر دەپ جازادى Qamshy.kz اقپارات اگەنتتىگى. 

الاقانداي جامبىل اۋدانىنىڭ وزىندە وسىعان دەيىن 3 اۋىل شارۋاشىلىق كووپەراتيۆتەرى جۇمىس ىستەپ تۇر. اتاپ ايتساق، اسا اۋىلىندا – «اسا فەرمەر» اوك. بورداقىلاناتىن ءمىق سانى – 20 باس. گرودەكوۆو اۋىلىندا – «التىن بەلگى» اوك. ساۋىندى سيىر سانى – 70 باس. جيناعان ءونىم كولەمى – 163 توننا. تۇركسىب اۋىلىندا – «بەس-تۋر» اوك. بورداقىلاناتىن ءمىق سانى – 200 باس. ساۋىندى سيىر سانى – 240 باس. جيناعان ءونىم كولەمى – 95 توننا.

ال اعىمداعى جىلى جاڭادان 7 اۋىل شارۋاشىلىق كووپەراتيۆتەرى قۇرىلدى. ولار قاراتاۋ اۋىلىنداعى – «رايىمبەك» اشك. ەگىن جانە مال شارۋاشىلىعى باعىتى بويىنشا. بەساعاش اۋىلىنداعى – «بەرەكە-بەساعاش» اشك. ەگىن جانە مال شارۋاشىلىعى باعىتى بويىنشا. شايقورىق اۋىلىنداعى – «گۇلجان» اشك. ءسۇت ونىمدەرى باعىتى بويىنشا. ساۋىندى سيىر سانى – 362 باس. ەڭبەك اۋىلىنداعى – «ەڭبەك-2019» اشك. جەم-شوپ ءوندىرۋ باعىتى بويىنشا. اششىبۇلاق اۋىلىنداعى – «جانبيكە» اشك. ەت جانە ءسۇت ونىمدەرىن جيناۋ باعىتى بويىنشا. ساۋىندى سيىر سانى – 20 باس. قاراكەمەر اۋىلىنداعى – «مالدىقىز» اشك. ەت جانە ءسۇت ونىمدەرىن جيناۋ باعىتى بويىنشا. ساۋىندى سيىر سانى – 80 باس. جاسوركەن اۋىلىنداعى – «امەتكۋلوۆ شىناربەك» اشك. ءسۇت ونىمدەرى بويىنشا. ساۋىندى سيىر سانى -735 باس.

بۇدان بولەك اۋداندا – 90 جىلىجاي بار (كولەمى 8 212 گا)، ونىڭ ىشىندە اسا اۋىلدىق وكرۋگىندە – 3، ءايشابيبى اۋىلدىق وكرۋگىندە – 1، اقبۇلىم اۋىلدىق وكرۋگىندە – 6، قاراتوبە اۋىلدىق وكرۋگىندە – 79، پولاتقوسشى اۋىلدىق وكرۋگىندە - 1.

سۋ ۇنەمدەۋ تەحنولوگياسىنا كەلسەك، اۋدان بويىنشا بارلىعى 1094،7 گەكتار ەگىس القاپتارى جاڭا سۋ ۇنەمدەۋ تەحنولوگياسىمەن سۋعارىلادى. ونىڭ ىشىندە 230 گەكتار جاڭبىرلاتىپ، 864،7 گەكتار تامشىلاتىپ سۋارۋ ءادىسى ەنگىزىلگەن.

اۋىل شارۋاشىلىق تەحنيكالارىنا توقتالساق، شارۋا قوجالىقتاردىڭ ءوز قاراجاتتارى ەسەبىنەن بيىل 12 ملن. 350 مىڭ تەڭگەگە 5 تەحنيكا ساتىپ الىنعان. تەحنيكالار قاراكەمەرلىك «عالىمجان» شارۋا قوجالىعىنا تيەسىلى.

وسىلايشا جامبىلدىقتار اسىراۋشى سالانى الشاڭ باستىرۋدا.