بۇگىندە ەلىمىزدەگى قۇرىلىس قارقىنى كوز قۋانتادى. ءتۇرلى مەملەكەتتىك باعدارلامالار اياسىندا بوي كوتەرىپ جاتقان الەۋمەتتىك نىساندار مەن تۇرعىن ۇيلەردىڭ ەل ەكونوميكاسىنىڭ دامۋىنا وزىندىك ۇلەسىن قوسىپ جاتقانى انىق. قۇرىلىسقا قاتىستى ايقىمدى جوبالار جامبىل جەرىندە دە جۇيەسىن تابۋدا دەپ جازادى Qamshy.kz اقپارات اگەنتتىگى. 

اتاپ ايتساق، 2019 جىلى جامبىل اۋدانىندا جالپى كولەمى 3 ميلليارد 217،5 ميلليون تەڭگەگە قۇرىلىس جۇمىستارى جۇرگىزىلگەن. بۇل 2018 جىلدىڭ ءتيىستى كەزەڭىمەن سالىستىرعاندا 151،3 پايىزدى قۇرادى (2018 جىلى – 2 ملرد. 125،9 ملن. تەڭگە). ال ناقتى كولەم يندەكسى 146،6 پايىز.

ۇستىمىزدەگى جىلى بيۋدجەت قاراجاتتارى ەسەبىنەن 1 ميلليارد 134،9 ميلليون تەڭگەگە قۇرىلىس جۇمىستارى جۇرگىزىلەدى. اتاپ ايتقاندا،اسا اۋىلىنداعى «بايتەرەك» ماسسيۆىنە ينجەنەرلىك ينفراقۇرىلىمى جانە اباتتاندىرۋ قۇرىلىسىنا اۋداندىق بيۋدجەتتەن 27،5 ميلليون تەڭگە ءبولىنىپ، ەسەپتى كەزەڭدە 23،5 ميلليون تەڭگەسى يگەرىلدى.

تۇركسىب اۋىلىنان 140 ورىندىق مەكتەپ قۇرىلىسى رەسپۋبليكالىق بيۋدجەتتەن 500،0 ميلليون تەڭگە، وبلىستىق بيۋدجەتتەن 55،5 ميلليون تەڭگە ءبولىندى.

بىرلەسۋ-ەڭبەك اۋىلىنان 140 ورىندىق مەكتەپ قۇرىلىسىنا وبلىستىق بيۋدجەتتەن 363،4 ميلليون تەڭگە ءبولىنىپ، ەسەپتى كەزەڭدە 353،6 ميلليون تەڭگەسى يگەرىلدى.

ايشا ءبيبى اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،3 ميلليون تەڭگە ءبولىنىپ، ەسەپتى كەزەڭدە 6،2 ميلليون تەڭگەسى ماقساتتى جۇمسالدى.

قاراكەمەر اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،3 ميلليون تەڭگە ءبولىنىپ، ەسەپتى كەزەڭدە 6،2 ميلليون تەڭگەسى تەتىگىن تاپتى.

قاراسۋ اۋىلىنىڭ كۋپكا قۇرىلىسىن سالۋ ءۇشىن اۋداندىق بيۋدجەتتەن 7،2 ميلليون تەڭگە ءبولىنىپ، ەسەپتى كەزەڭدە 6،3 ميلليون تەڭگەسى باعدارلى باعىتتالدى.

اسا اۋىلى اباي كوشەسىنەن امبەباپ زالى بار سپورت كەشەنى قۇرىلىسىنا «اۋىل – ەل بەسىگى» ارنايى جوباسى اياسىندا رەسپۋبليكالىق بيۋدجەتتەن 150،0 ميلليون تەڭگە، وبلىستىق بيۋدجەتتەن 16،7 ميلليون تەڭگە ءبولىندى.

ءيا، بۇل قۇرىلىس سالاسىنا باعىتتالعان قارجى كولەمى. ونىڭ ىشىندە «اۋىل – ەل بەسىگى» جوباسى اياسىندا يگەرىلگەلى جاتقان قارجىنىڭ ورنى بولەك. سەبەبى بۇل اقشا ەڭ الدىمەن اۋىلدىڭ اجارىن اشۋعا، جول قۇرىلىسى مەن الەۋمەتتىك نىسانداردىڭ جاڭعىرۋىنا، سونداي-اق تۇرعىنداردىڭ تۇرمىسىن تۇزەۋگە باعىتتالادى. سوندىقتان بۇل باعىتتاعى ءاربىر تيىن تەتىگىن تاپقانى ابزال.