ەل ەكونوميكاسىنىڭ كۇرە تامىرى – اۋىل ەكەنى داۋسىز. ال ەلدى مەكەندەردىڭ ەڭسەسىن تىكتەيتىن بىردەن-بىر تىرشىلىك كوزى - ونەركاسىپ سالاسى. كۇنى كەشە مەملەكەت باسشىسى قاسىم-جومارت توقايەۆ تا ءوز جولداۋىندا وسى ماسەلەنى باسا ايتىپ، ءوندىرىس ورىندارىن ورىستەتۋدى مىقتاپ تاپسىردى. وسى ورايدا، جامبىل وبلىسى جامبىل اۋدانىندا كوز سۇسىندىرەتىن تىرشىلىك بارشىلىق دەپ جازادى Qamshy.kz اقپارات اگەنتتىگى. 

رەسمي مالىمەتكە سۇيەنسەك، اعىمداعى جىلدىڭ ەسەپتى كەزەڭىندە جامبىل اۋداننىڭ جالپى شىعارىلعان ءونىم كولەمى 35 ميلليارد 998،3 ميلليون تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا 126،9 پايىزدى قۇراعان. (2018 جىلى – 28 ملرد. 349،6 ملن. تەڭگە).

ونەركاسىپ سالاسىندا 11 ميلليارد 134،5 ميلليون تەڭگەگە ءونىم وندىرىلگەن. بۇل كورسەتكىش 2018 جىلدىڭ ءتيىستى كەزەڭىمەن سالىستىرعاندا 220،6 پايىزعا جەتكەن. (2018 جىلى – 5 ملرد. 047،1 ملن. تەڭگە). ناقتى يندەكس كولەمى 100،3 پايىز بولدى.

جىل باسىنان بەرى «امانگەلدى گاز وڭدەۋ زاۋىتى» جاۋاپكەرشىلىگى شەكتەۋلى سەرىكتەستىگى 6 ميلليارد 398،3 ميلليون تەڭگەگە 49،9 مىڭ توننا ءونىم وندىرگەن (2018 جىلى – 928،0 ملن. تەڭگەگە 82،4 مىڭ توننا).

ونەركاسىپ سالاسى بويىنشا ءىرى جانە ورتا كاسىپورىندارعا كەلسەك، «كناۋفگيپستاراز» جاۋاپكەرشىلىگى شەكتەۋلى سەرىكتەستىگى 740،8 ميلليون تەڭگەگە (352،1 مىڭ توننا) گيپس ونىمدەرى وندىرگەن نەمەسە 100،6 پايىزدى قۇراعان (2018 جىلى – 736،6 ملن. تەڭگەگە 356،3 مىڭ توننا).

«بينومسترويدەتال» جاۋاپكەرشىلىگى شەكتەۋلى سەرىكتەستىگى 135،2 ميلليون تەڭگەگە (13،2 مىڭ توننا) تەمىربەتون بۇيىمدارىن شىعارعان نەمەسە وتكەن جىلدىڭ ءتيىستى كەزەڭىمەن سالىستىرعاندا 126 پايىزعا ورىندالعان (2018 جىلى – 107،2 ملن. تەڭگەگە 10،5 مىڭ توننا).

«سۋپەرفارم» جاۋاپكەرشىلىگى شەكتەۋلى سەرىكتەستىگى 380،3 ميلليون تەڭگەگە (2 747 مىڭ دانا) ماتادان جاسالمايتىن مەديسينالىق بۇيىمدار شىعارعان نەمەسە 56 پايىزدى قۇراپ وتىر (2018 جىلى– 681،5 ملن. تەڭگەگە 7 441،0 مىڭ دانا).

«كازۋپاكترەيد» جاۋاپكەرشىلىگى شەكتەۋلى سەرىكتەستىگى بولسا، 57،1 ميلليون تەڭگەگە (5،7 مىڭ توننا) گيپس ونىمدەرى ءوندىرىپ نەمەسە 77،4 پايىزدىق مەجەنى دىتتەگەن. (2018 جىلى – 57،1 ملن. تەڭگەگە 7،4 مىڭ توننا).

وسىلايشا ولكەنىڭ ونەركاسىبى ورىستەپ، ءونىمى ەسەلەنىپ ءوسىپ وتىر. بۇل ءسوز جوق جانعا جىلۋ، كوڭىلگە دەمەۋ بەرەتىن اقپارات.