ق ر كونستيتۋسياسى كۇنى مەن جاستار جىلىنا وراي تاراز قالاسىندا «ەركەم-اي» جاڭا ونەر مەكتەبى اشىلدى. مەرەكەگە كۇنى ورتالىقتىڭ لەنتاسى سالتانىتتى تۇردە قيىلىپ، بالالارعا بازارلىق سىيلادى دەپ جازادى Qamshy.kz اقپارات اگەنتتىگى. 

جالپى مادەنيەت وشاعىنىڭ ديرەكتورى سالتانات قۇلتايەۆانىڭ ايتۋىنشا، اتالعان ونەر مەكتەبىنىڭ جاستارعا بەرەرى مول ەكەن.

- تاراز توپىراعى تالاي تالانتتاردى تۋدىرعانى بەلگىلى. جاستار جىلىندا ءبىز وسى ونەرلى جاستارعا بارىنشا قولداۋ بىلدىرگىمىز كەلىپ وتىر. زاماناۋي قۇرىلعىلارمەن جابدىقتالعان ورتالىقتا بالالارعا ءان، بي، سۋرەت، دومبىرا جانە فورتەپيانو ۇيىرمەلەرى قىزمەت كورسەتەتىن بولادى. ءبىز جاستاردىڭ ونەرىن ۇشتاپ عانا قويماي، ولاردىڭ ءتۇرلى بايقاۋلاردا ب ا ق سىناۋىنا مۇمكىندىك تۋعىزىپ، جولىن اشامىز. سوندىقتان بارلىقتارىڭىزدى «ەركەم-اي» ونەر مەكتەبىنە كەلۋگە شاقىرامىن، -دەيدى س.قۇلتايەۆا.

جالپى ورتالىقتىڭ باستى ەرەكشەلىگى – مۇندا باعا قولجەتىمدى. جانە ءقازىر مەكتەپ باسشىلىعى دەمەۋشىلەردى تارتۋ ارقىلى مۇمكىندىگى شەكتەۋلى جانە كوپبالالى وتباسىلارىنان شىققان بالعىنداردى تەگىن وقىتۋ جاعىن قاراستىرۋدا. تاعى ءبىر ايتا كەتەرلىگى، ەگەر «ەركەم-اي» ونەر مەكتەبىنە بالاڭىز ەكى ۇيىرمەگە جازىلاتىن بولسا، ساباقتار اراسىندا تەگىن تاماقتاندىرۋ قامتاماسىز ەتىلگەن. سونداي-اق مۇندا ەڭ بىلىكتى ماماندار ءدارىس بەرۋدە.

ءبىر سوزبەن ايتقاندا جاستار جىلىنا وراي اشىلعان ونەر مەكتەبىنىڭ بالالارعا بەرەرى مول بولىپ تۇر. ەندەشە، «ەركەم-ايعا» اسىعىڭىز، اعايىن!

جالپى مۇنداي ونەر مەكتەپتەرى كوپتەپ اشىلعانى قۋانتادى. سەبەبى «رۋحاني جاڭعىرۋعا» بەت العان مەملەكەتىمىز ءۇشىن رۋحاني ازىق بولار دۇنيەلەردىڭ كوپتەپ بولعانى قۇپتارلىق. وعان قوسا، بۇل وسكەلەك ۇرپاق ءۇشىن دە مول قازىناعا، كەلەشەككە ارزىماس ازىق.

«ەركەم-اي» ونەر مەكتەبىنىڭ ومىرشەڭدىگىنە ءبىز دە كامىل سەنەمىز. سەبەبى مۇندا بالالار ءتۇرلى ۇيىرمەلەردەن ونەرلەرىن شىڭداپ عانا قويماي، دۋى باسىم باسەكەلەر مەن بايقاۋلارعا قاتىسىپ، وبلىس نامىسىن اسقاقتاتقالى تۇر. ال سول بالعىنداردىڭ ىشىنەن ەرتەڭ الەمگە تانىمال ءانشى، كۇيشى، دومبىراشى، بالكىم ءبيشى شىقپاسىنا كىم كەپىل. سوندىقتان قاناتىن كەڭگە قاققان «ەركەم-اي» ونەر ورتالىعىنىڭ جۇمىسىنا تەك ساتتىلىك تىلەيىك. ۇشار شىڭىڭ، الار اسۋىڭ، كورەر بيىگىڭ كوپ بولعاي – «ەركەم-اي»!

بالعىن بالالاردى شىڭداپ، تۋما تالانتتاردى تانىتاردا تۇلپارىڭنىڭ تۇياعى، سۇڭقارىڭنىڭ قاناتى تالماسىن!