ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ جامبىل وبلىسى بويىنشا فيليالىندا ەلباسىنىڭ «ۇلى دالانىڭ جەتى قىرى» ماقالاسىنا نەگىزدەلگەن عىلىمي-ادىستەمەلىك سەمينار ءوتتى.

جامبىل وبلىسىنىڭ مەملەكەتتىك بيلىك ورگاندارىنىڭ باسشىلارى مەن قىزمەتكەرلەرىنىڭ قاتىسۋىمەن وتكەن سەمينار «Library-practicum» ۇلگىسىندە ءوتتى. ءىس-شارا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ «ن. نازاربايەۆ: ءداۋىر، تۇلعا، قوعام» كوشپەلى كورمە جوباسى اياسىندا ۇيىمداستىرىلدى. اتالعان ءىس-شارانىڭ ماقساتى – سەمينار قاتىسۋشىلارىنا جەرگىلىكتى قاۋىمداستىقتاردىڭ وزەكتى ماسەلەلەرىن شەشۋ ءۇشىن ەلباسىنىڭ «ۇلى دالانىڭ جەتى قىرى» ماقالاسىنىڭ يدەيالارىن قولدانۋدا پراكتيكالىق داعدىلاردى مەڭگەرۋگە كومەكتەسۋ.

عىلىمي-ادىستەمەلىك سەميناردى اشقان قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى، ساياسي عىلىمداردىڭ دوكتورى، پروفەسسور ءامىرحان راحىمجانوۆ بىلاي دەپ اتاپ ءوتتى:

- ەلباسىنىڭ «رۋحاني جاڭعىرۋ» جانە «ۇلى دالانىڭ جەتى قىرى» اتتى ماقالالارىنداعى باعىتتاردى ودان ءارى جۇزەگە اسىرۋدىڭ ماڭىزدىلىعى وتە جوعارى. وسىعان بايلانىستى، بۇگىنگى عىلىمي-پراكتيكالىق سەمينار ەلباسىنىڭ «ۇلى دالانىڭ جەتى قىرى» ماقالاسى بويىنشا «Library-practicum» فورماتىندا وتكىزىلمەك. اتالعان سەمينار – مەملەكەتتىك قىزمەتكەرلەردىڭ اراسىندا سۇرانىسقا يە بولىپ، قالىپتاسىپ كەلە جاتقان جاڭا جوبا. سەبەبى، ونىڭ ءمان-ماعىناسى تىكەلەي ءوڭىردىڭ دامۋىنا قاتىستى.

ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ جامبىل وبلىسى بويىنشا فيليالىنىڭ ديرەكتورى سابىر تۇمەنبايەۆ ءوز سوزىندە ەلباسى كىتاپحاناسى جوباسىنىڭ ەل ازاماتتارىنىڭ يگىلىگىنە قاجەت ءبىرقاتار ءىس-شارالاردى وتكىزىپ كەلە جاتقانىن بەلگىلەدى. ەلباسىنىڭ «ۇلى دالانىڭ جەتى قىرى» ماقالاسىنىڭ نەگىزىندە وتەتىن سەمينار ارقىلى جەرگىلىكتى مەملەكەتتىك قىزمەتكەرلەر داعدىلاردى ۇيرەنۋگە مۇمكىندىك الادى.

ەلباسى كىتاپحاناسىنىڭ جەتەكشى عىلىمي قىزمەتكەرى، فيلوسوفيا عىلىمدارىنىڭ دوكتورى، پروفەسسور عازيز تەلەبايەۆ تۇڭعىش پرەزيدەنت ماقالاسىندا باياندالعان يدەيالاردى پايدالانا وتىرىپ، تەوريالىق تۇردە قاتىسۋشىلار بەلگىلەگەن ماسەلەلەرگە جاۋاپ تابۋعا تىرىسادى، ولاردى شەشۋدىڭ نۇسقالارىن ۇسىندى.

– «Library-practicum» ۇلگىسى كىتاپحانا تاجىريبەلەرىمەن بولىسۋگە نەگىزدەلەدى. ونىڭ اياسىندا ءبىز قاتىسۋشىلارعا مەملەكەتتىك قۇجاتتارمەن جۇمىس ىستەۋدى، ولاردىڭ نەگىزىندە جەرگىلىكتى وبلىستىڭ قانداي دا ءبىر ماسەلەلەرىن شەشۋ جولدارىن ۇيرەتۋدى كوبۇگىن ءبىز مەملەكەتتىك قىزمەتكەرلەرمەن بىرگە «ۇلى دالانىڭ جەتى قىرى» ماقالاسىندا كوتەرىلەتىن تاقىرىپتاردى تالقىلاپ، ولاردى جەتىك ءبىلۋدىڭ، ءتيىمدى قولدانۋدىڭ بەرەر مۇمكىندىكتەرىن ورتاعا سالدىق. تىڭداۋشىلار تاراپىنان جاقسى ويلار مەن ورىندى پىكىرلەر ايتىلدى، – دەدى عازيز تەلەبايەۆ.

2017 جىلعى قاراشادان باستاۋ العان كورمە جوباسىمەن الماتى، شىمكەنت قالالارى مەن تۇركىستان، اتىراۋ، اقتوبە، قىزىلوردا وبلىستارىنىڭ 900 مىڭعا جۋىق تۇرعىنى تانىسىپ ۇلگەردى.

ءىرى ءعىلىمي-بىلىم بەرۋ، مادەني-اعارتۋشىلىق ءىس-شارالاردان قۇرالعان جوبا شالعاي اۋدانداردا ارنايى ۇيىمداستىرىلاتىن كوشپەلى ەكسكۋرسيالاردى دا قامتيدى. جوبانىڭ باستى مارجانى تاۋەلسىز قازاقستاننىڭ قالىپتاسۋ تاريحىنداعى ەلباسىنىڭ شەشۋشى ءرولىن جۇيەلى باياندايتىن قور كورمەسى بولىپ وتىر. «ن. نازاربايەۆ: ءداۋىر، تۇلعا، قوعام» كورمەسى جامبىل وبلىسىندا 2019 جىلعى قازان ايىنىڭ سوڭىنا دەيىن جالعاسادى.