جامبىل وبلىسى قازاقستان حالقى اسسامبلەياسى جانە وبلىس اكىمدىگىنىڭ تىلدەردى دامىتۋ باسقارماسىنىڭ ۇيىمداستىرۋىمەن قازاقستان حالقى تىلدەرى كۇنى مەرەكەسىنە وراي وبلىستاعى بەلسەندى جاستار اراسىندا «ءتىل – تاتۋلىق تىرەگى» اتتى وبلىستىق جاستار فورۋمى وتكىزىلدى.

فورۋمعا جامبىل وبلىسى قازاقستان حالقى اسسامبلەياسىنىڭ «اق جەلكەن» جاستار ليگاسى جانە «جاڭعىرۋ جولى» جاستار قوزعالىسىنىڭ بەلسەندىلەرى، وڭىرلىك ەتنوس وكىلدەرىنىڭ جاس بۋىن وكىلدەرى، ءتىل جاناشىرلارى، وبلىس جاستارى قاتىستى.

فورۋم مەملەكەتتىك ءتىلدىڭ قولدانىلۋ اياسىن كەڭەيتۋ، مارتەبەسىن كوتەرۋ مەن ماڭىزدىلىعىن كەڭىنەن ناسيحاتتاۋ. سونداي-اق، لاتىن الىپبيىنە كوشۋدىڭ تيىمدىلىگىن جاستار اراسىندا كەڭىنەن ناسيحاتتاۋدى ماقسات ەتتى.

جيىن باسى ك.ازىربايەۆ اتىنداعى وبلىستىق فيلورمونيانىڭ «نۇر-شاشۋ» بي ءانسامبلىنىڭ ورىنداۋىندا قازاق بيىمەن جانە وبلىستىق قازاق دراما تەاترى ارتىستەرىنىڭ ورىنداۋىندا «ءتىل-تاتۋلىق تىرەگى» كومپوزيسياسىمەن باستالدى.

تاراز يننوۆاسيالىق گۋمانيتارلىق ۋنيۆەرسيتەتىنىڭ «رۋحاني جاڭعىرۋ» ورتالىعىنىڭ جەتەكشىسى، PhD دوكتارانتى، رەسپۋبليكالىق و.بوكەي اتىنداعى كوركەمسوز وقۋ شەبەرلەرى بايقاۋىنىڭ جەڭىمپازى باقتيار بەكنازاروۆ «مەملەكەتتىك ءتىل – تىرەگىم» تاقىرىبىندا ءوز بايانداماسىن جاسادى.

– مەملەكەتتىك ءتىلدىڭ قولدانۋ اياسىن ءوزىمىز كەڭەيتىپ، تىلگە جاناشىرلىق تانىتپاساق باسقا ەشكىمنىڭ باس اۋىرتپاسى انىق. ءتىلىمىزدىڭ مارتەبەسىن كوتەرۋىمىز كەرەك. وسى ىسكە وزگە دەمەي ءوز دەمەي ءبىر اۋىزدان كىرىسەيىك. سەبەبى، جۇمىلا كىرىسسەك جۇك جەڭىل بولادى ەمەس پە؟ اسىرەسەس وزگە ەتنوس وكىلدەرى اراسىندا ءتىلىمىزدى كەڭىنەن ناسيحاتتاۋىمىز كەرەك. قازاقستاندا تۇراتىن بارلىق حالىقتى مەملەكەتتىك ءتىلدى قولداۋعا شاقىرامىن، – دەدى باقتيار ارمان ۇلى بايانداماسىندا.

سونداي-اق، جيىن بارىسىندا سارىسۋ اۋدانى اكىمدىگىنىڭ مادەنيەت جانە تىلدەردى دامىتۋ ءبولىمىنىڭ باس مامانى، جاس مەملەكەتتىك قىزمەتشىلەر اراسىندا ۇيىمداستىرىلعان رەسپۋبليكالىق بايقاۋدىڭ جەڭىمپازى مەرۋەرت قادىربەكوۆا «لاتىن قارپىنە كوشۋ – بولاشاققا باستار باعىت» تاقىرىبىندا ءسوز سويلەدى.

شارا سوڭى وبلىستاعى ءتىل ساياساتىن جۇزەگە اسىرۋ باعىتىنداعى بەلسەندىلىكتەرى ءۇشىن بىرنەشە ءتىل جاناشىرلارى ماراپاتتالىپ، جامبىل وبلىستىق فيلارمونيانىڭ انشىلەرىنىڭ قاتىسۋىمەن شاعىن كونسەرتتىك باعدارلامامەن اياقتالدى.