«Nur Otan» پارتياسىنىڭ «بالالارعا اقىسىز ءىت-سىنىپ اشۋ» باستاماشىل جوباسى اياسىندا جامبىل اۋداندىق پارتيا فيليالى جانە جامبىل اۋدانى اكىمدىگى ءبىلىم ءبولىمىنىڭ ۇيىمداستىرۋىمەن باۋىرجان مومىش ۇلى اتىنداعى مەكتەپ-گيمنازياسىندا ءىت-سىنىبى اشىلدى.

IT-سىنىپ زاماناۋي كومپيۋتەرلەرمەن، 3D پرينتەر، جوعارى جىلدامدىقتى ينتەرنەتپەن قامتىلعان. بۇل سىنىپتىڭ اشىلۋ ماقساتى جاستاردى روبوتوتەحنيكا، 3D فورمات جوباسىندا روبوتتار مەن جۇمىس جاساپ، قيمىل قوزعالىستارىن ۇيرەنۋگە باعىتتالدى.

سونىمەن قاتار، ءىت-سىنىپتا وقۋشىلاردىڭ ساباق وقۋىمەن جانە قۇرال-جابدىقتارمەن جۇمىس ىستەۋدەگى ەسكەرتپە ستەندتەرى، روبوتوتەحنيكا جانە 3D مودەلدەۋ ۇستەلدەرى قۇرال-جابدىقتارىمەن ورنالاسقان. ءىت-سىنىپتا وقۋشىلار «STEM centr» اكدەميسى بويىنشا 3 مودۋلدەن تۇراتىن وقۋ باعدارلاماسىمەن وقيدى. ءىت-سىنىپتا 8 جانە 16 جاس ارالىعىنداعى وقۋشىلارعا وقىتىلادى. ءىت-سىنىپتا وقۋشىلار 1ء-شى وقۋ مودۋلىندە باعدارلامالاۋدى يگەرىپ شىعادى. وندا وقۋشىلار «سكرەيچ»، «پيتون»، «سي++»، «جاۆا»، 2ء-شى وقۋ مودۋلىندە روبوتوتەحنيكانى مەڭگەرەدى. وندا وقۋشىلار «لەگو» جانە «ارۋديننو»، 3ء-شى وقۋ مودۋلىندە 3D مودەلدەۋدى يگەرەدى. وندا وقۋشىلار «اۋتودەسك»، «سكەچ اپ»، «سوليدوركس» باعدارلامالارىن مەڭگەرىپ شىعادى.

ءىت-سىنىپتىڭ اشىلۋىنا جامبىل اۋدانى اكىمدىگىنىڭ ءبىلىم ءبولىمىنىڭ باسشىسى راۋشان قوجامجاروۆا قاتىسىپ، ءىت-باعدارلاما مەن روبوتوتەحنيكانىڭ قازىرگى زامانداعى الار ورنى ەرەكشە ەكەندىگىنە توقتالدى. بۇگىندە سىمسىز سمارتفون، جەلىلىك تەلەديدار تاعى باسقا زاماناۋي قۇرالدار وسى ءىت تەحنولوگيانىڭ جەمىسى. الداعى ۋاقىتتا ءىت-سىنىپتا وقۋشىلار ءبىلىم الىپ بولاشاق كاسىپتەرىن مەكتەپ تابالدىرىعىنان تابۋىنا مۇمكىندىك الادى.

ايتا كەتەيىك، «Nur Otan» پارتياسى بالالارعا ارنالعان تەگىن IT-سىنىپتار اشۋ جانە IT-ماماندار دايارلاۋ ءىسىن «سيفرلى قازاقستان» باعدارلاماسى اياسىندا قولعا العان بولاتىن. بۇل جوبا اياسىندا ەلىمىز بويىنشا 1000 ءىت-سىنىپ اشىلىپ، وندا جىلىنا 8-16 جاس ارالىعىنداعى 150 مىڭ بالا باعدارلامالاۋ جانە روبوت تەحنيكاسىنىڭ نەگىزدەرى جايىندا ەۋروپالىق ءبىلىم بەرۋ ستاندارتى نەگىزىندە تەرەڭدەتىلگەن ءبىلىم الادى.

ازىرگە 2018-2020 جىلدارعا، ياعني ءۇش جىلعا جوسپارلانعان بۇل جوبا بويىنشا 450 مىڭ بالانى وقىتۋ كوزدەلىپ وتىر. بۇل باستاما مەكتەپتەرگە فاكۋلتاتيۆتى ءپان رەتىندە ەنگىزىلىپ، ءۇش ايلىق جانە التى ايلىق كۋرس رەتىندە جۇرگىزىلەدى.